1 Ikhikono isha mutanda badaye u Yeesu avatolile pamonga nu mwene uPetulo, nu Yakobo nu Yohani umulongove , avatolile mbakha khushanya khukhidunda ikhitali shavo vavene. 2 Abadiliswe mbele yavo isula ya mwene yang'alaka kama lichuva, nimienda ya mwene chavonekhine chi ng'ala kama khuvafu. 3 Lolake pala vahumie uMusa nu Eliya viongela numwene. 4 U Petulo akhahika nukhumuchovela u Yeesu, "Mutwa lunofi khwetu uwewe ukhuvepo mahali apa kama widobokha, ndichenga apa ifibanda fidatu- khimonga shakho, khimonga khwajili ya Musa, ni khimonga khwajili ya Eliya." 5 Umusikha ilongela, ilolaka ilifulukha livalafu lyava kubishe umwiwili, na lolake, yikhahumila isavuti muliwingu yichova uyu mwanangu mkhelwa yendipendeswa nave. Mumupulikhake umwene." 6 Avanyasule pevapulikhe ako, vakhabina khifudifudi nu khuyokopa sana. 7 Nekhe uYeesu akhayicha akhavavatake nukhuchova, "Muyinamukhe mutane ukhuyokopa." 8 Navene vakhayinamusa isula chavo khushanya lakhini sivamuweni munu ila yu Yeesu mwene. 9 Napaliviyikha khukhidunda, uYeesu avalakiche, akhachova, mutane ukhuhumia imola ya filole ifyo mbakha Umwana va Adamu peya ichulubukha ukhuhuma khuvafwa." 10 Avanyasule vamwene vamuvuchiche, vakhachova, "Shekhe avayandisi vichova ukhuva u Eliya iyicha khwanja? 11 U Yeesu avahikile nu khuchova, "uEliya iyicha salwesi na ikomosa amacho koha. Lakhini ndikhavachovela unyenye uEliya nayichile. 12 Lakhini sivamukundwe. Badala yakhe, vamufanya amambo kevilonda avene. Na ewe ndio Umwana va Adamu sheya ipumuswa mu mavokho kavo." 13 Ndio avanyasule vakhakundula ukhuti akhavele ilongela imola ya Yohani Muchabikhaji. 14 Pevafikhe pavumati wa vanu, munu yumonga amuhelelye, akhafukama amafukamilo mbele cha mwene nu khumuchovela. 15 "Mtwa umuhulumile umwanavangu khwa khuva avele ni lichilisi nu khupumuswa sana. Khwa khuva mala kholofi ibinila mumwoto au mumakasi. 16 Ndamuletile khwa vanyasule vakho lakhini sivawesichi ukhumuponia. 17 U Yeesu akhahika akhachova, unyenye khipelela shesikhiveli nu lufuvo na shekhiyanangikhe, nditama pamonga nanye mbakha pandili? Ndifumilila nanye hata pandaa? Mumulete apa khwangu." 18 uYeesu amukhenye, ni libepo likhamuhekake ukhijana akhaponake tangu isa yiyo. 19 Nekhe avanyasule vakhamuhikake uYeesu khwa sili nu khumuvucha, shekhi situkhawesichi ukhumudaka? 20 uYeesu avachovie, khwasababu ya lufuvo lwenyo ludebe. Salwesi ndikhavachovela kama mwiva nu lufuvo hata padebe kama lupekhe lwa mbeyo ya haladali mwiwesa ukhukhichovela ikhidunda ikhi uhame ukhuhuma apa ubite ubite ukhu na shenekhihama na ya pasiva khinu sheshoha shakhusindikhana khwenyo. 21 (Zingatia: Maneno ya msitari wa 21"Lakhini, iayina iyi ya mabepo yisiwesekhana ukhuheka, ila khwa manyilikho nu khufunga " hayaonekani katika nakala bora za kale). 22 Umusikha vavele bado khu Galilaya, uYeesu avachovie avanyasule vamwene, "Umwana va Adamu isopwa mumavokho ka vanu. 23 Na ya vakhavamuvulaka ni khikono ihsa khadatu ichulubukha." Avanyasule vahusunikhesana. 24 Navene valivafikhe khu Kapelinaumu,avanu yevikhusanya ikodi ya nusu shekeli vamuhelelye uPetulo nukhuchova, "Je umwalimu venyo ilipa ikodi ya nusu shekeli?" 25 "Eena" Lakhini uPetulo aliayinje mukati munyumba, uYeesu alongelye nu Petulo khwanja nu khuchova, "Wiwasa khini Simoni? Avatwa va inyi, viyanukha ikodi au uvushulu ukhuhuma khwayani? Khwa vala yevakhatawala ukhuhuma khwavakenji? 26 musikha uPetulo peachovile, "Ukhuhuma khwavakenji" u Yeesu amuchovie, avatawala vahechichwe mu khulipa. 27 tusije tukhavafanya avasa vushulu vakhatenda uvuvivi ubite khunyanja ukhatake indowani, nu khutolayila isomba yeyiyicha khwanja. Baada ya khubakalula umulomo kwanyene ukhayivona mulaishekeli yimonga uyitolake uvapelake avatosa vushulu khwajili yangu nave.