Mathayo 16

1 Avafalisayo na Vasadukayo vamuyiche nukhumujalibu u Yeesu avavonese iishala yeyihuma khumafuundi. 2 Lakhini u Yeesu avahikile nu khuvachovela "Vone yive mihe mwichova ihali ya hewa nofi, khwa khuva amafundi kavele madung'u. 3 Na palukhela mwichova ihali ya hewa ilelo siyo nofi khwa khuva amafundi kavele madung'u na mafulukha kakubishe amafundi koha. ' Mumanyile ukhufasili umuvonekhano kwa mafundi lakhini simwiwesa ukhufasili iishala cha misikha. 4 Khipelela khivivi na vusinzi khilonda iishala, lakhini hamuna yeyoha yeya khipewa, ila iya Yona. U Yeesu avalekhile nu khuhelela. 5 Avayasule vayichile uvupande uwakhavili, lakhini vavele vasemilwe ukhupinda imikhate. 6 U Yeesu avachovie, ''Mwitangake na muvechake matekela ni lisimikha lya Vafalisayo na Vasadukayo.'' 7 Avanyasule vivuchiche miongoni mwavo nu khuchova. ''Au khwa sababu situpindili imikhate.'' 8 U Yeesu akundweilyo nu khuchova unyenye vanya lufuvo ludebe, shekhi muhochiche nu khuchovana miongoni mwenyo nu khuchova ukhutikila khwa sababu simukha pindili imikhate? 9 Je bado simwikundula wala simwikhumbukha imikhate yihano yila khwa vanu elfu tano, ni fidoto filinga fyemwa khusanyiche? 10 Au mikhate henekha muhanasaba khwa vanu elfu nne, na fihivifilinga mwa khusanyiche? 11 Yivele vuli ukhuva hata simwiyelewa ukhutikila sindichovelela nanye juu ya mikhate? Mwitunjake nu khwihasali ni lisimikha lya Mafalisayo na Vasadukayo.'' 12 Ndio vakhakundula ukhutikila akhavele sii khavachovela juu ya khwitahasali ni mikhate yeyi vele ni lisimikha bali ukhwi hasali na mavulicho ka Vafalisayo na ka Vasadukayo. 13 Umusikha uYeesu peafikhe isehemu cha Kaisalia ya Filipi, avavuchiche avanyasule vamwene, akhachova, "Avanu vichova ukhutikhila Umwana va Munu yuya?" 14 Vakhachova, "Avangi vichova yu Yohani Muchabikhaji, avangi, Eliya; na vangi Yelemia, au yumonga va vavalisi. 15 Avachovie unyenye mwitikila unene yune ya? 16 Akhahika u Simoni Petulo akhachova uveve yuve Khilisti Mwana va Nguluvi yali mwumi" 17 U Yeesu amuhikile nukhumuchovela, "Ukinikhilwe uveve, Simoni Bal Yona, khwa khuva idanda ni nyama sifikhakhukubukhulye ili bali ubaba vangu yavele khushanya. 18 Na yune pia ndikhakhuchovela uveve yuve Petulo na pashanya palikanga ili ndichenga ilikanisa lyangu. Imilyango ya khukusimu siyayisinda. 19 Ndikhakhupela uveve ifungulo cha vutwa wa khushanya sheshoha sheyawidinda painyi khiva khidindilwe khushanya na sheshoha sheyawidindula painyi khidinndulwa khushanya. 20 Nekhe uYeesu avafwindile avanyasule vatane ukhumuchovela munu yeyoha ukhutikila umwene avele yu Khilisiti. 21 Tangu umusikha ukwe uYeesu avangile ukhuvachovela avanyasule ukhutikila lasima ahelele khu Yelusalemu khupumuswa khwa macho molofu mumavokho kavasehe na va kuu va vakuhani na vayandikhaji khuvalakwa nu khuchulubukha ikhikono ishakhadatu. 22 Nekhe uPetulo amutolile uYeesu pamwenya nu khumukhenyela, khwa khuchova, ilicho ili livechake patali nave, Mutwa ili litane ukhuhumila khwakho. 23 Lakhini uYeesu akiliwikhe nukhumuchovela uPetulo ukomokhe khumbele yangu setani! Uveve khisuvilo khwangu, khwa khuva siwijali amachaka Nguluvi ila amacho ka vanadamu." 24 Nekhe uYeesu avachovele avanyasule vamwene kama munu yeyoha ilonda ukhufwata unene, lasima ibelake yumwene atolake umupingilihicho kwamwene nu khufwata. 25 Khwa khuva yeilonda ukhuka vana amaisha kamwene, akhakayacha, na khwa yeyoha yaiyacha amaisha kamwene khwajili yangu akhakakhombola. 26 Je! faida gani yeyaipata umunu voneapate iinyi yoha lakhini ayache amaisha kamwene? Je! khinukhi sheyaitola umunu katika khubadilisana na maisha kamwene? 27 28 Khwa khuva umwana va Adamu ya iyicha khwa vuvalache wa baba vamwene. Numwene akhamulipa khila munu ukhulingana na macho kamwene. Salwesi ndikhavachovela khuna baasi yenyo yemuyimile apa siya mwivonja ukhufwa mbakha ya vakhamuvona Umwana va Adamu iyicha nu vutwa wa mwene.