Sura ya 15

1 Nekhe Avafalisayo na vayandikhaji vayichile khwa Yeesu ukhuhuma khu Yelusalemu. Nu khuchova, 2 "She khini viyananga amayanukhilo kavasehe? Khwa khuva sivikhalava.'' 3 U Yeesu avahikile nu khuvachovela, "unyenye_ shekhini mwiyananga isheliya ya Mutwa khwajili ya mayanukhilo kenyo? 4 Khwa khuva uNguluvi achovile, 'Umheshimwake ubaba vakho nu mama vakho; na 'Yeichova uvuvivi khwa baba va mwene nu khwa mama va mwene hakika ifwa.' 5 Lakhini unyenye mwichova, 'Khila yeakhamuchovela ubaba vamwene nu mama vamwene, "Khila musada ambakwe ngali ipata ukhuhuma khwangu lino sawadi ukhuhuma khwa Nguluvi,''' 6 ''Umunu uyo angaya haja ya khumuheshimu ubaba vamwene. Ukhuhuma namuna iyi mubadilise ilicho lya Nguluvi khwajili ya mayanukhilo kenyo. 7 Unye vanafiki, mbanga kama u Isaya shealakwe juu yenyo peachovile, 8 Avanu ava vakhaniheshimu unene khwa milomo yavo, lakhini inumbula chavo chivele patali nani. 9 Vakhani abudu wakha, khwasababu vivulicha amavulicho kekavele malakicho kavanadamu.'' 10 Nekhe avakhemelye umkhutano nu khuvachovela, "Mupulikhaniake na mumanyike__ 11 Hakuna khinu shekhiyingila mumulomo mwa munu nu khumufanya muvivi. Bali, khila shekhihuma mumulomo ndio shekhikhamufanya umunu ukhuva muvivi.'' 12 Ndio avanyasule pevamuhelelye nukhuchova nu Yeesu, "'Je!, Umanyile Avafalisayo pevakhapulikhe ilicho vakhadadile?" 13 U Yeesu avahikile nu khuchova, "Khila mumea ambakwe Ubaba vangu va khushanya siakupandili kwikewa. 14 Muvalekhake vene, avene valongochi vavabofu. Kama munu mubofu akhamulongocha umubufu muyine, voha vavili vibina mumulindi.'' 15 U petulo ahikile nukhumuchovela uYeesu, ''Utuyelese umufananiso uku khwetu, 16 UYeesu ahikile, ''Nayunye pia bado simwiyilewa? 17 Unyenye simwivona khila shekhihelela mumulomo khiluta mulileme nu khuhelela khuchoho?. 18 Lakhini ifinu fyoha fyefihuma mumulomo fihuma mukati mu numbula. 19 Ndio finu fyefikha mtiya umunu uvuvivi. Khwa khuva mu numbula mwihuma amahoocho mabaya, uvuvulakaji, uvusinzi, uvushelati, uvuhichi, uvushuhuda wa vudesi, na maliko. 20 Aka ndio macho kekakhamutiya umunu uvuvivi. Lakhini ukhulya bila khukhalava amavokho sikhwukhamufanya umunu ukhuva muvivi.'' 21 Nekhe uYeesu aheke amahali pala nu khwitenga ukhuyelekhela uvupande wa fivuta fya Tilo nu khu Sidoni. 22 Lolaka akhayicha umudala mukanani ukhuhuma uvupande uwe. Ayova khwa savuti akhachova, "Umianile, Mutwa, Mwana va Daudi; Umwalivangu ipumukha sana na mabepo.'' 23 Lakhini u Yeesu siamuhikili licho. Anyasule vamwene vakha musihi, vakhachova, "Umuheche abitake yumwene, khwa khuva akhatutovela ilyove.'' 24 U Yeesu avahikile nu khuva chovela, Sindaseng'ilwi khwa munu yeyoha isipokhuva khwa ng'oolo chechiyakile cha nyumba ya isilaheli.'' 25 Lakhini ayichile nu khukundama mbele ya mwene, akhachova, ''Mutwa unange.'' 26 Amuhikile nu khuchova , "Silunofi ukhutola ishakhulya sha vana ukhukakukilila amabwa.'' 27 Akhachova, "Ee, Mutwa, hata ewe ilibwa ilidebe lilya ishakhulya shekhibina pamesa cha vatwa vavo.'' 28 Nekhe uYeesu ahikele na akhachova, ''Mudala, ulufuvo lwakho lukomi. Na yifanyikhake kama she wilonda.'' Nu mwali va mwene avee aponile msikha ukwe. 29 U Yeesu ahekile mahali pala nukhuhelela kalibu ni nyanja ya Galilaya. Halafu ahele khushanya khukhidunda nu kutama ukhwe. 30 Lupinga lukhomi lukhayicha khwa mwene. Nu khumuletela avafivuka makulu, avabofu, avabubu, avalemafu, na vangi volofi, yevavele vataamu. Vavavikhile pa makulu ka Yeesu avaponiche. 31 Nu vumati wakanisiche pevawene avabudu vilongela na valemafu vifanya ikhasi, avafivukamakulu vikenda, na vaboofu vilola, vamulumbile u Nguluvi va khu Isilaheli. 32 U Yeesu avakhemelye avanyasule va mwene nukhuchova, "Ndivavonie lusungu uvumati, khwa sababu vavele nani khwa fikono fidatu bila khulya khinu sheshoha. sindikhilaka vahelelake khwavo bila khulya vasunge vachilikhe munjila.'' 33 Avanyasule vamwene vamuchovie, "Twiwesa ukhupata khwiipalunyikha apa imikhate ya khutosa ukhwikuta uvumati vukomi ede?" 34 U Yeesu avachovie, muvee ni mikhate yilinga?" Vakhachova, henakha muhana, ni somba ndusundusu ndebe.'' 35 UYeesu avalasimise vatame panyi. 36 Atolile imikhate yila henekha muhana ni somba, na baada ya khusengucha, amenywe nu khuvapela avanyasule. Avanyasule vavapelye uvumati. 37 Avanu voha valyele nu khwikuta. Vakhusaniche ifipolo fya fipande fya fyakhulya fyevakombwe fipande fipande fya memile fihivi henakha muhana. 38 Vaha yevalyele vavele vakosi elfu nne bila vadala na vana. 39 Nekhe u Yeesu ilake nu vumati vakhahelela khwavo nukhuyingila mukati muwatu nu khuhelela isehemu ya Magadani.