Matayo 14

1 Khwa musikha ukwe, Helode apulikhe imola juu ya Yeesu.. 2 Avachovye avaseng'wa vamwene, " Uyu ye Yohani muchabihaji afufwihe huhuma hu wafu. Khwa hiyo uludali ulu peluli ju ya mwene." 3 Kha huva u Herode avele amukhamwe u Yohani amukhungile nuhumutaka muligelesa hwasabu ya Herode, umudala va Filipi mamaye va mwene. 4 Khwa huva u Yohani amuchoye, "Si halali humutekula umwene uhuva mudala va mwene." 5 Herode hali ahamubuda lakhini avayokwipe avanu khwasabu vamuwene u Yohani uhuva muvilisi. 6 Lkhini umsikha sikhu ya huholwa u Herode peyafikhe umuhinja va Herodia akinile katikati ya vaanu nuhumupendesa u Herode. 7 Muhujibula kili aahidile hwa hiapo uhutya hacha ahamupela shoshondi shehacha inyiliha. 8 Bada ya hushauliwa nu mama va mwene, achovile, "Undipele uneene apa mu hikombe umutwe khwa Yohani muchabihaji." 9 Mutwa avele ni lisikitiho hwa manyilikho ka muhinja, lakini hwajili ya khilapo shamwene, hwasabu ya vondi vevavele mushahulya pamonga nave aliamulu uhutya yipaswa yifanyihe. 10 Atumile u Yohani aletwe huhuma hugelesa 11 ili agenywe umutwe kwa mwene na shaletilwe hushanya hwa lisiniya na apevilwe umuhinja na asindikhe hwa mama va mwene. 12 Nekhe avanyasule vamwene vayichile hutekula umuvili kula nuhusila, bada ya ili vahele humuchovela u Yeesu. 13 Nave u Yeesu avechike apulikhe aka, ayichile hutenga huhuma mahali pala adamile mukhati mumashuka ahele sehemu yeyitengilwe. Umusikha uvumati wavevueliwe hweavele, vamufwatile hwa magulu huhuma hu mjini. 14 Nekhe u Yeesu ayichile huvulongolo hwavo avuwene uvumati vukomi. Avavoniele huluma nuhuponya amatamu kavo. 15 Imihe peyafihe, vanasule vayiichile hwa mwene nuhuchova, "Iyi yivele sehemu ya Jangwa, ni sikhu tayali yilutile. Vatawanyise amakutano ili vabite hufijiji vahagule ishahulya hwaajili yavo. 16 Lakhini u Yeesu avachovyele, "Sivana haja ya hubita. Muvapelake unyenye ishahulya" 17 Vamuchovye, "Apa tunamikate kihano ni somba chivili tu."" 18 Yeesu ahachova, "Mukilete uhwangu." 19 Nekhe u Yeesu ahaamulu uvumati uhutama panyi pa masoli. Atekwele imikhate kihano ni somba chivili. Alolile ushanya hu mbinguni, ahabaliki nuhumenyula imikhte ahavapela avanyasule. Vanyasule vavupelye uvumati. 20 Valyele vondi nuhushiba. Nekhe vafikusanye ifipande fyondi fya shahulya nuhumemya fidoto lichumi ni fivili. 21 Vala vevalyele vakadiliwe uhuva vagosi elufu tano bila ya huvalila avadala na vaana. 22 Mala hamonga aliwamulu avanasule vayingile mukati mu mashua, umsikha ukwe umwene ahilakile muvumati vahelelake. 23 Bada ya khwilaka muvumati uhuheleala chavo, adamile hushanya muhidunda hunyilikha mwene. Umsiha yavechike mihe avele uhwe mwene. 24 Lakhini lino imashuapeyavele katikati ya nyanja yayumbakayumbaka hwasabu ya mawimbi, khwani imepo waele wa huluta. 25 M kilo ya zamu ya hatayi Yeesu avakalibye, agendaka pashanya pa magasi. 26 Umsikha avanyasule vamwene vavechike vamuwene igenda pashanya pa nyanja, vavele ni hofu na vachovile, "Kuvele muzuka," na ahapasa isavuti muhali ya huyokopa. 27 Yeesu avachovvyele mala hamonga, achovile, "Mwipelake inumbula! yune! mtane uhuyokopa." 28 Petulo amujibwe hwa huchova, "Mutwa, nde yuve, ndiamulu ndiyiche uhwaho ju ya magasi." 29 Yeesu ahachova, "Uyiche." Ewe u Petulo ahumile mukati mwa mashua na akendile hushanya mwa magasi uhubita hwa yeesu. 30 Lakhini Petulo avechike awene mawimbi, ayokwipe, nuhuvanga uhuywivila, panyi, akhemelye isavuti nu huchova, "Mutwa, ndiokole!" 31 Shang'ani u Yeesu anyosiche ilivoho lya mwene amuyinamwise hwa Petulo, nuhumuchovela, "Uveve yeuna lufuvo ludebe, khwanini wavele na mahaka?" 32 Apo u Yeesu nu Petulo vavechike vayingye mumashua, imepo yatulye uhupula. 33 Vanyasule mashuani vahamuabudu u Yeesu nuhuchova, "Salwesi uveve uvele muswamu va Nguluvi." 34 Na vavechike vamalile uhulovoha, vafihe mu inyi ya Genesereti. 35 Na vaanu mulieneo lila vavechike vamueliwe u Yeesu, vatumile imola khwa khila sehemu cha kando, nuhuleta khila yeavele mutamu. 36 Vahamusihi uhutya vawese uhugusa uvupindo wa fwalo ya mwene, na volofi vevagusiche vaponile.