1 Mu sikhu iyo uYeesu aahekile khunyumba nukhutama mulukilikili lwa nyanja. 2 Uvumati mukhomi waakhusanyikhe khwa khumusungukha, aayingye muwaatu mukati nukhutama. Uvumati woha vaayimile mulukilikili lwa nyanja. 3 Kisha uYeesu akhachova amacho khwa mifano, Akhatikila, "Ulole, mpanzi aahele khuyala. 4 Peeavele iyila baasi ya mbeyu chadimile mulukilikili lwa njila na madeke kayichile kakhahola. 5 Mbeyu ichingi chadimile pa mwamba pashanya ambapo, sichapatili uvudongo wa khutosa. Gafula chachipwikhe khwasababu uvudongo siwaveli ni khina. 6 Lakhini ilichuva pelyapukamwikhe lyanyanyile khwasababu sichaveli ni milela, na chayumile. 7 Mbeyu ichingi chadimile pa mabihi akanya mifya. Mabihi akanya mifya kakhulile khushanya nukhuyibana. 8 Mbeyu ichingi chadimile mu vudongo uvunofi nukhubaaba mbeyu ichingi mia moja saidi, ichingi sitini ni chingi selasini 9 Umunya mbulukhutu na apulikhe. 10 Vanasule vaayichile nukhumchovela uYeesu, "Shekini wichova na makhutano khwa mifano?" 11 U Yeesu aahikile nukhuvachovela, "Mpevilwe uvupendelelo wa khumanya isili cha vutwa wa khushanya, bali khwavo sivapevilwi. 12 Lakhini yeyoha yeavele nasho, khwa mwene umwene achaiyongesewa saidi, na achaipata ifaida ngomi. Ilayesiaveli nasho hata khila sheavele nasho achainyakwa. . 13 Ewe ndilongela navo khwa mifano khwasababu yingava vilola, vatane ukhulola salwesi. Na yingava vipulikha vatane ukhupulikha wala ukhumanya. 14 Uvuvilisi wa Isaya vutimye khwavo, vula wewitikila, "Pemwipulikha mutane ukhupulikha; lakhini khwa namna yeyoha siachamwielewa; musikha pemwivona muwese ukhuvona, lakhini khwa namna yeyoha yila mutane ukhumanya. 15 Ni numbula ya vanu ava yivele ng'isi, na ngumu ukhupulikha, na vafumbile amiho kavo, nekhe vawese ukhulola khwa miho kavo, au ukhupulikha khwa mbulukhutu chavo, au ukhumanya khwa numbula chavo ewe ngalivandikevushe khangi na ngalindivaponyiche.' 16 Bali amiho kenyo kakinilichwe, khwa khuva kilola, ni mbulukhutu chenyo khwa khuva chipulikha. 17 Hakika ndikhavachovela avavilisi volofi na vanu vanya haki vaavele ni hamu ya khukavona amambo kala kumukhakavona na simwawesichi khukavona. Valondile ukhupulikha amambo kala kemukhakapulikha, sivapulikhi. 18 Lino mpulikhichake umufano kwa mpanzi. 19 Musikha yeyoha peipulikha ilikho lya vutwa na ataneukhulimanya apo umuvivi iwicha nukhuyevetula sheshamalile ukhuyalwa munumbula yakhe mukati. Iyi ndyo mbeyu yila yeyadimile mulukilikili lwa njila. 20 Umwene yealilwe mu myamba ndyo yula yeipulikha ilicho nu khuliyanukhila shang'ani khwa fulaha. 21 Bado siana milela mukati mwakhe, ila ivafumilila khwa khitambo khifupi. Musikha amatatiso au amapumukho pekihumila khwasababu ya licho ikung'udukha gafla. 22 Yeayalilwe mumabihi mukati, uyu ndyo yula yealipulikhe ilicho lakhini amasumbukho ka inyi nuvuchangwa wa vutajili wavukhalibana ilicho lila litane ukhubaaba amatunda. 23 Yeeayalilwe mu vudongo uvunofi, uyu ndyo yula yeakhalipulikhe ilicho nukhuyendelela ukhubaba yimonga saidi ya mala mia, iyingi sitini, iyingi selasini." 24 Yeesu avapelye umufano ukungi. Akhatikila, "Uvutwa wa khushanya winaniswa nu munu yeayalile imbeyu inofi mu lihala lya mwene. 25 Lakhini avanu pevasinjilye, umukhava vamwene akhicha akhayala amakuku katikati ya ngano nukhuhelela. 26 Pembele ingana peyamelile nukhuhecha amasao kakhe, ndyo amakuku kakhahumila. 27 Na vafanyakhasi va munya lihala vaayichile nukhumuchovela, 'Mutwa, siayalili imbeyu nofi mu lihala lyakho? Yivele vuli lino lina makuku? 28 Akhamchovela umukhava afanyile eilii.' Avafanyakhasi vaamuchovye, "Khwa hiyo wilonda tuhelele tukhakekhe?" 29 Munya lihala akhatikila, 'Kaave, musikha pemwikekha amakuku yeamwikekha pamonga ni ngana. 30 Mukalekhale kakhule pamwinga mbakha umusikha kwa mafuno achanditikila kwa yevivambula, 'Khwanja mukekhe amakuku nu khukafunga fikhosi fikhosi nu khukanyanya, lakhini mukhusanyake ngana mu khisaji shangu.'''' 31 Kisha uYeesu akhavahumikhicha umufano kungi. Akhatikila, "Uvutwa wa khushanya wiwanana ni mbeyu ya haladali ambayo umunu atoolile nu khuyala mulihala lyamwene. 32 Mbeyu iyi khwa vuhakika yivele ndebe khulikho imbeyu ichingi chocha. Lakhini yayimela yayiva ngomi khulikho imimea kya bostani, kyoha, yayiva libihi, ikhiasi khutya amadeke ka kushanya kakiyicha nukhuchenga ifisakhwa mu matafya kakhe." 33 Akhavachovela umufano ukungi khangi." Uvutwa wa khushanya vuvele ngita chachu yila yeyatekulilwe nu mwayuva nukhuyuchanganya khwa fipimo vidatu khwa vutini mbakha fiumukhe. 34 Ako koha uYeesu akaachovile mu vumati khwa mifano. Na pesipaveli nu mufano siachovili shashoha khwavo. 35 Iyi yavele khutya khila sheshamalile ukhuchowa ukhulutila khwa muvilisi khiwese ukhutimila, pala peeachovile, "Yaandimbula ikhinywa shangu mu mifano. Yandichova kala kekafiyilwe tangiya imisingi kya inyi". 36 Kisha uYeesu aavalekhile amakhutano nukhuhelela khunyumba. Vanasule vamwene vamhelelye nukhutikila," 37 Yeesu aahikile nukhutikila, "Yeiyala imbeyu inofi yu mwana va Adamu. 38 Lihala ndyo inyi; ni mbeyu inofi, ava avana va vutwa. Amakuku ndyo vana va muvivi yula, nu mukhava yeachiyalile yu setano. 39 Na mafuno ndyo mwisho kwa inyi, na yevivambula va malayikha. 40 Kama amakuku shekikhusanywa nu khunyanywa mu mwoto, deni ewe sheachayiva umwisho kwa inyi. 41 Mwana va Adamu achaituma avamalayikha va mwene, nu khukhusanya ukhuma mu vutwa wa mwene mambo koha kekasabise injanangifu na vala yevitenda amavivi. 42 Yavakhavatoche voha mu khipembelo sha mwoto, ambakho achakwiva ni khivembe nukhuhalula amino. 43 Apo avanu avanya haki peachaving'ala ngita lichuva mu Vutwa wa Baba vavo. Umwene yeavele ni mbulukhutu apulikhe. 44 Uvutwa wa khushanya vuvele ngita iakiba yeeyafyime mulihala. Munu akayivona nukhufiya. Mu fulaha ya mwene akhahelela khukucho fyoha fyeavele nafyo, nu khulikula ilihala. 45 Khangi, uvutwa wa khushanya vuvele ngita munu yeifanya ibiashala yeilonda ilulu iyina samani. 46 Musikha peayiwene yila iyina samani, aahele akhakucha khila khinu sheavele nasho nu khuyikula. 47 Uvutwa wa khushanya vuvele ngita khilepa shekhivele mu nyanja mukati nu khutya aikhusanya ifiumbe vya khila ayina. 48 Peshamemile vakhikhwekile mulukilikili. Kisha vakhatama pasi vakhakhusanya ifinu ifinofi mu fyombo mukati, lakhini fyesifiveli ni samani fyatakilwe khutali. 49 Yayivo namna iyi mu mwisho kwa dunia. Malayikha yaviyicha nukhuvatenga avanu avavivi ukhuhuma mumiongoni mwa vanya haki. 50 Nu khuvatocha mukhipembelo sha mwolo mukati ambakho achakhwiva na maomboleso nukhuhalula amino. 51 Mumanyile amambo koha aka? Vanasule vamhikile, "Ene." 52 Kisha uYeesu akhamchovela, "Khila muyandishi ambaye avele mwanasule va vutwa iwanana nu munya nyumba yeihecha mu akiba yamwene ifinu fipya ni fyakhatali." 53 Yikhava uYeesu peeamalile mifano kyoha ikyo, akhaheka mu sehemu iyo. 54 Kisha uYeesu akhafikha mu mukoa kwa mwene nu khuvulicho avanu mu sinagogi. Amahumilo kamwene yivele khuva vashangayile nukhutikila, "Khwe khwina umunu uyu apatile ihekima iyi ni miujiza iyi? 55 Munu uyu siaveli mwana va seremala? Maliamu siyo mama yakhe? Na valongove siyo ava Yakobo, Yusufu, Simoni nu Yuda? 56 Nu valumbuve tulinavo apetu apa? Basi umunu uyu akapatile khwina aka koha?". 57 Avadadiche. Lakhini avachovye, "Umuvilisi siikhosa iheshima isipokhuva khwavo nu mu inyi yavo. 58 Na siawesichi ukhufanya imiujisa myolofi khwasababu sivaveli nulufuva nu mwene.