1 Kate kii migulu yako ivyowigela misoga mugate na evilatu, mbili vya va mwami! Matango gako kate ni kufu, kati mulimo gwa muzyengi. 2 Igombo lyako katwi muzunguluko gwibakuli; ninga kuduhu kugawiwa museleganyo gwa emuvinyo. Ndaa yako kate engano iyo yanika nakupilimwa na nyinyoro. 3 Mavele gako avele ni kate vana va aya, mapasa ga ayala. 4 Hingo yako kate munara gwipembe; minso gako ni kate na vete ga Heshiboni mugate ni lango lya Bathi Rabimu. Nyindo ni kate munara gwa Lebanoni avo valayiyumile Damasko. 5 Mutwe gwago kate Karmeli; Nywele zyako kumutwe ni zya zambarau yapi. Mwami akatogeleziwe na evifundo vya nywele zyakwe. 6 Kate kii ivi wumusoga na wakuvela, mutogiwa na masoga gako. 7 Urefu wako ni kate muti gwa ngazi, na mavele gako kate ilundo lya mayawa. 8 Ninganika, ''Nukova kugulina ugo muti gwa ngazi; ndadime matambi gakwe na mavele kate vilundo lya muzabibu, na wunuhu wa nyindo yako gave kite mapera. 9 Na mulomo gwako na guve kate emuvinyo musoga, ukusoka taratibu ku mutogwa wakwe akutyelemula mimilomo ziswe na mino. Mukima mudo akusunsumula musava 10 Ene hii ndi mutogiwa wane, na akunigomejwa. 11 Izu, mutogiwa wane, kuye hibala na lugo; kulala musiku muvijiji. 12 Kutunule emapema (wangu) kuye mugate ni miganda zya mizabibu, kulole mzabibu mbe yamelaga, kaye yamela na kate mikomamanga yafunywaga mau. Hale ndakupe wiyanzi wane. 13 Mintalantu yufunywa wumotu wakwe; mugate na muzigo ahovalikale kwina kila aina ya mayawo, mapya na gakate, iyo nakutulila muhala wane.