Esura 8

1 Nuwigomelwa mbe ukavi kate kaka yane, uyowonga ivele lya mwa mayu wane. Mangu mbe yavi nakuwona hibala mbe nakusuna ninga kuduhu muntu kubyeda. 2 Ndakutongezwe na kukuleta mugate na lugolya mwa mayu wane, na ulahembeke. Ndakupe (emvinyo) ugo gwagasa ungwe na ebaazi ya ejwisi ya komamanga. Mukima mudoo akusunsumula musava 3 Mukono gwakwe gwa mumoso gwihansi ya mutwe gwane na mukono gwake gwa kulyila gunkumbatiya. Mukima akusunsumula na vakima vangi 4 Ndikova mulahizye, vanike va vagosha, va Yerusalemu, kuvi mukashe muvipye wutogwe wiswe ninga galamale iswe vasava. Mukima na Yerusalemu akusunsumula 5 Nde munuyo izile kufuma mwigulu (enyikani) wamwegimelaga mupenzi (mutigwa) wakwe? Mukima na musumba wakwe nukufunuzwa hansi amuti gwa mupera; hale mayu wako wasombela ndaa; hale wakuwuta, wifungula eve. 6 Ntute kate emuhuri mugate na mwego gwane, kate emuhuri mumukono gwako, kwa kuvi wutogwe wina nguzu kate lufu. Wutogwa wutimbu kuduhu kusava kate kuyalufu; miyale zyakwe zyulipuka; ni miyala zyamoto ugo guvaka, miyale iyoyiniduta kukila moto gogote. 7 Manzi agogazuka gakakovola kuzinywa wutogwe, ninga emafuriko gakavola kusinika. Mugosha akufunywa nsavozyose nguno ya wutogwe, wakwe ulabyediwe. (Musumba) zyakwe va mukima mudoo vakusunsumula vasava 8 Kwina ilumbu mudoo na mavele gakwe gakali ikula. Kii kulamwitile ilumbu liswe nsiku yile alalolwe? 9 Kate ni egelele, kulamuzyengele higulya yakwe munara gwa hela. Kate ni muzigo, kulamupambe kumbawa zya mierezi. Mukima mudoo akusunsumula musava duu 10 Ndindi egelele, iva mavele gane agese ni kate hange nsoga; vivyo nakomaga kuminso gakwe. Mukima mudoo akusunsumula musava 11 Sulemani ndi ina mugunda gwa mizabibu kule Baali Hamoni. Wavakodosizya avo valalituzye. Kila umwi ndiyutakiwa kuleta shekeli elfu yimwi zya hela ku mayawa gakwe. 12 Mugunda gwane gwa mizabibu ni lyane, shekeli elfu yimwi i zyako, Sulemani mutogwa na shekeli mgana avele ni zya vale avovuluzya mayawa gakwe. Mutogwa wa mukima akusunsumula nawe. 13 Ive uyouwikala ugate na ebustani (mugunda) vamwami vane validegeleka muzwi gwako; leka na nane uyowigwa hangi. Mukima mudoo akusunsumula na musumba wakwe 14 Anguha, mutogwa wane, na uve kate epaa au mwana wa epaa mugate na ngulu zya emanukato.