Esura 6

1 Mutogwa wako wayaga kuhe, uyo wimusoga mugate na vakema? Kunzila kii mutogwa wane wayaga? Mangu kumukove nave? Mukima mudo akusunsumula msava 2 Mutogwa wane wayaga mugate na ebustani yakwe, kuvitanda vya emaguta, kuya kulya mugate na ebustani na kukunganywa minyinyoro. 3 Ene mutogwa wako, na mutogwa wane ni wamna kulya mugate na minyinyoro kueraha. Mutogwa wa mukima akusunsumula nave 4 Eve ni musoga kate Tirza, mupenzi wane, uvela kate Yerusalemu, vuamanisha kate ejeshi ilo lina ebendera hambele. 5 Galula minso gako kule na nane, kwakuvi kukila wudaki. Nywele zyako ni kate idale lya mbuzi likusoka hansi kufuma emiteremko gwa Ngulu Gileadi. 6 Mino gako ni kate ikundi lya nkolo likusoka kufuma esehemu ya kukusilwa. Kila yumwi inamapasa, na kuduhu ninga wumwi uyowazumalifwa. 7 Matama gako ni kate madutu ga ekomamanga kuyuma ya kitambala chako cha wushu. Mutogwa wa mukima akusunsumula inene musava 8 Kwina emalikia makumi sita, masuria ethemanini, na vakema vado ebila idadi. 9 Huwa wane, uyowigele winga wako, ni musava du; na vanike va kweli na nyinya yavo; huwe mutogwa wa mukima uyo wawutwa. Vanike vichane vamuwona na nakwumwitana mulumbilwa; vamalikia na masuria vamwona hangi, na kumupaheko: kite vayomba vamalikia na masuria 10 ''Ni nde uyo wifumbula kate kwasha, musoga kate mwezi, na ukema kate lyuva, uamanisha kate ebendera ya ejeshi?'' Mutogwa wa mukima akusunsumula musava 11 Nayabmugate nisaka ya muti gwa milozi kuvona mimelo mido yukula mwibonde kuvona kate mizabibu yamela, na kate mikomamanga yamela. 12 Ndi nina wutogwa mbeniganika kate na linaga mwigari lya farasi lya mwana wa mwami. Mutogwa mukima akusunsumula nave 13 Sanuka kunyuma, sanuka kunyuma, eve mukima emukamilifu; sanuka kunyuma, sanuka kunyuma mangu kovole kukushangaa. Mukima mudoo akusunsumula na mutogwa wakwe nguno vashangaa, mukima emukamilifu, kate kuvi ndi sapa mugate na emusfsri ivele ya vasapi?