1 Nize mugate na bustani yane, ilumbu wako, mwinga wane; nakunganywa wudi wane na maguta (manukato) gane. Nalya muzinga gwane gwa wuki; Nimekusanya muvinyo gwane hakimwi na mavele gane; vamwani valisunsumula na vatogiwa wavo kelene, vamwani gwagi mukolwe na wutogwe. Mukima mudoo akusunsumula msava 2 Ndendalile, iva mwego gwane ndigwatunula mugate na ndoti zyane. Muzwi gwa mutogiwa wane yuguma na kuyomba, ''Ndugulile, ilumbu lyane, mutogiwa wane, huva wane, wane uyowigete na itola (ndova), kwakuvi mutwe gwane, gwatotaga na matonye, nywele zyane na lume lya wusiku.'' 3 ''Nazyula eijoho lyane; yakubidi ndivute hange? Nakusa migulu yane; yakubidi nji chafue?'' 4 Mutogiwa wane utula mukono gwane mugate na ekitasa, na mwego gwane ndigwavaka nguno yakwe. 5 Natunula kumulugulila muzigo mutogiwa wane; mikono yane yikushoka na udi, malagane na lume lya udi mugate ni komeyo (ilugulizyo) lya muzigo. 6 Namulugulila mutogiwa muzigo, iva mutogiwa wane uyo wagaluka na kuyo mwego gwane gwanyumela; nagayiwa kwipa wengo. Namukovanywa, iva kamupatile; namwitana, iva akajibile. 7 Valindi avo ndivakusunsumula mumujini ndi vampata ene; ndivanguma hansi na kunvulazwa; askari mugate ni gelele ndivasomba vywenda zyane zya higulya, mukima mudo akusunsumula na vakima va lugo 8 Nukova mulahizwe, vanike va Yerusalemu, kwimbe mwamuwona mutogiwa wane, mwite ndwile nguno ya wutogwa wane kuwakwe. Vakima vakaya yingi, vakusunsumula na mukima mudo 9 Mutogiwa wako ina wusoga kii kukila vagosha vangi, eve uyo musoga ninga ukuwuzywe nadhiri kate iyi? Mukima mudo akusunsumula na vakema va kaya 10 Mutogiwa wane wanyelela na ukema, kate vagosha elfu ikumi. 11 Mutwe gwakwe ni dhahabu yape; nywele zyakwe na mbuhu na yafi kate ikunguru. 12 Minso gakwe ni kate ya huva hampelo nivimongo vya manzi, gakuswa na mavele, kuvegeleziwa kate mikufu. 13 Matama gakwe ni kate malalipo (ekitanda ) cha emaguta, ivyovyufunywa wunuhu wa emarashi. Milomo yakwe ni nsoga iyo yuzwa wudi. 14 Mikono yakwe ni ya emianzi ya edhahabu ilyo yazungulushwa emikufu; inda yakwe ni ipembe ilo lyakundikilwa yakuti samavi. 15 Migulu yakwe ni henge zya marimari, iyo yatulwanmwigulu lya edhahabu yape; mwigele gwakwe ni kate Lebanoni, misoga kate mierezi. 16 Mulomo gwakwe ni musemu; ni musoga muno. Uyu ni mutogwa wane, na uyu ni munwani wane, vakine va Yerusalemu.