Esura 4

1 O, eve wiwusoga, mutogwa wane; eve wimusoga. Minso gako ni ga huva kunyuma na ekitambala chako cha wushu. Nywele zyako ni kate idale lya mbuzi likuya hansi mugate na Ngulu Gileadi. 2 Mino gako ni kate nkolo avovamogiwa, wafumile emahali aoziwa. Na kila mimwi iva ipasa na kuduhu ninga wumwi mugate yavo uyo wafyifwa. 3 Mulomo gwako kate wuzi waza; Mulomo gwako gutogezwa. Matama gavo ni kate masi ga komamanga nyuma ya kitambala chako cha wushu. 4 Hingo yako kate munara gwa mwa Daudi gwavi gwazyenga kate mustari gwa mawe, na kinga elfu yimwi yikuniginila mwigulya yakwe na kinga zyose zya vanajeshi. 5 Mavele gako aveli ni kate swali vavili mapasa va ayala, vakulya mugate na munyinyoro. 6 Ninga mpendi yifike na mutaka kusinike, ndaye kungulu lwa manemane na vilugulu vya wubani. 7 Eve wimusoga kukila namna, mutogwa wane na kuduhu elawama mugate yavo. 8 Izu nane kufuma Lebanoni, mwinga wane. Izu nane kufuma Lebanoni; izu kufuma mwigulya ya Amana, kufuma mwigulya ya Seneri na Herimoni, kufuma mwishimo lya nsimba, kufuma mwishimo lyalugulu lya wulogi. 9 Wagwiva mwego gwane, irumbuyo, mwinga wane; wagwiva mwego gwane, kumutazamo gumwi du gwako kuwane, kumbufu gumwi gwa muhingo yako. 10 Ngunokii wutogwe wako ivi musoga, ilumbuyo, mwinga wane! Nguno kii muno wutogwe ivi wusoga kukila muvinyo, na wunuhu wa emarashi(gago kukila emanukato maguta ) gogote. 11 Mulomo gwako, mwinga wane, gutiririka muki na mavele nansi na lulimi lwako; wunuhu wa mavele gako ni kate emarashi ga Lebanoni. 12 Ilumbuyo, mwinga wane ni ebustani iyo ya lyugalwa, ha insembo iyo yalugalwa ku muhuri. 13 Matambi gakwe ni isaka lya komamanga iyo yina mayawo hekeheke, na miti ya hina na nardo, 14 Nardo na zafarani, mchayi na mudarasini hakimo na aina zyose wuvumba manemane (maguta ) na wudi na eaina hekeheke za maguta. 15 Eve ni ebustai zya chemchemi, lyinzi lya manzi gape, emifeleji iyo yusoko kufuma Lebanoni. Mukima mudo akusunsumula musava duu 16 Tunuli, muyaga gwa sukuma; izu, muyaga kwa kudakama; vuma mugate na bustani yane mangu (maguta ) manukato gose gafunywe wunuhi. Mutogiwa wane na ize mugate na bustani yane na kulya mayawo tosha yako.