Esura 3

1 Wusiku mugate na kitanda (ilalilo)nlyane ndinena wusoga na musava uyo mutogwile; namukova, iva nkamupandikele. 2 Nayomba musava, ''Ndawula na kuya kuvita kaya kuvitila emitaa na isokoni (igulilo) ndamukove, iva nkamupandikele. 3 Valindi vapata aho ndivakulinda mugate na kaya. Ndinavamuzya, ''Mwamuwonaga mutogwa wane?'' 4 Ni ebaada ya itungo iguhe kuvita ahondinaveta namupata uyo mutogilwe. Ndinamudima na kumuleka ninga mulete mulugo lya mwa mayu wane, mugate na echumba cha musava uyo wasombela ndaa. Mukima akusunsumula na vakima vangi. 5 Ndikova mulahizwe, vanike va vagosha va Yerusalemu, ku ayala na mbuzi va mwipolu kuvi vakeshe vavipye wutogwe wiswe ninga aho ndamate ene musava. Mukima mudo akusunsumula musava 6 Kii icho kufuma kuhenyikani kate henge zya lyonsi, wifilwa emanemane na wubani, hakimwi na wufuma wose wa emanukato uwowuguziwa na vavesha ebiashara? 7 Lola, ni kitanda cha mwa Sulemani; vashujaa makumi sita vazunguka, vanajeshi eelfu makumi sita va Israeli 8 Vasava vazowefu va lupanga na vinawujuzi wa evita. Ninga mugosha wina lupanga lwakwe hampelo yakwe, akajizatiti na emaasi gawuziku. 9 Mwami Sulemani wizyengela isumbi lya umwami cha kusolwa na mbawo zya Lebanoni. 10 Hangi zyakwe zayazwengwe na hela; kumyuma kwa fulwa edhahabu, na isumbi ekifamba cha edhambalau. Mugate yakwe kwapabwa na wutogwe wa vanike va vagosha va Yerusalemu. Mukima mudo akusunsumula na vakima va Yerusalemu 11 Yoga hibala, vanike va vagosha va Sayuni, na mumulote mwami Sulemani, akuvilwa etaji iyo nyinya wa muvika nsiku ya winga wakwe, mugate na nsiku zya wutogwe wa emaisha gakwe.