Esura 3

1 Kisha Eliashibu, ukuhani mhanya, ndaimelela pamwi ni vaduguye makuhani, ndevazenga ilemlango lya nkolo. Ndevatakasa ni mwifula emilango zyakwe. Ndevatula ewakfu mpaka kumnara gwa Hamea mpaka kumnara gwa Hananeli. 2 Baada yawo evantu va Yeriko ndevazenga ni baada yao u Zakuri umwana lyaku Imri ndazenga. 3 Evana vaku Senaa ndevazenga elemlango lya nsamaki. Vakutula enhenge zyakwe ni tula emilango yakwe ni vyuma vyakwe ni makomeo gakwe. 4 Umeremoth ndaandaa elwande ulo londile umkola mwana lyako Uria umwana lyaku Hakosi. Ni baada yao u Meshulamu nda vegelezya ni mkola mwana lyaku Berekia umwana lyaku Meshezabeli. Behi nawo Usadoki ndavagelezya umkola ni mwana lyaku Baana. 5 Baada yanhenaho Evatekoi ndevavegelezya. Lakini evatongelezi vawo ndevakana mwivezya emilemo eyo ndeyatongelwa ni vakulu vawo. 6 Uyoyada umwana lyaku Pasea, ni Meshulamu umwana lyaku Besoeya, ndevanogelezya ilango lya kale. Ndevatula enhenge na ndevatula ni milango zyakwe ni vyuma vyakwe ni makomeo gakwe. 7 Nao, Melatia Mgibeoni, ni Yadoni Meronoth, evantu vaku Gibeoni ni Mispa, ndevanogelezya higulu ulwande aho umkulu wa mkoa gwahamwambu lya Mtoni ndaikile. 8 Ni baada yakwe uzieli umwana lyaku Harhaya, umwi kati ya vasula ndalama ndavegelezya; ni baada henaho, hanania, umnogelezya manukato. Ndevazenga hange e Yerusalemu mpaka igelele ipama. 9 Ni baada yao u Refaya umwana lyaku Huri ndazenga. Ndemtawala wa nusu ya wilaya ya Yerusalemu. 10 Ni baada yawo yedaya umwana lyaku Harumafu ndezenga ebehi ni nyumba yakwe. Ni Baada yakwe u Hatushi umwana lyaku Hashabneya ndazenga. 11 Umalkiya umwana lyaku Harimu ni Hashubu umwana lyaku Pahar Moabu, ndevazenga ulwande ulunge pamwi ni mnara gwa tanuu. 12 Baada yao Shalumu umwana lyaku Haloheshi, umkulu wa nusu ya wilaya ya Yerusalemu, ndazenga pamwi ni vabinti vakwe. 13 U Hanuni ni venyeji va zanoa ndevazenga ilango lyaku bondeni. Ndevazenga ni tula emilango zyakwe, ni vyumba vyakwe ni makomeo gakwe. Ndevazenga dhiraa elfu mpaka ilango lya jaa. 14 Umalkiya, umwana lyaku Rekabu, umkulu wa wilaya ya Beth - Hakeremu, ndezenga ilango lya jaa. Ndazenga ni itula emilango zya lyakwe, ni vyumba vyakwe ni makomeo gakwe. 15 Ushalumu umwana lyaku Kolhoze, umkulu wa wilaya ya Mispa, ndazenga ilango lya chemchemi. Ndazenga, ni itula ekefuniko higulu lyakwe ni itula emilango zyakwe ni vyumba uupya igelele lya m Pwani ya Silowamu kubustani ya mwami, mpaka hangazi ya lyangozya mwifuma nakaya yaku Daudi. 16 Unehemia umwana lyaku Azbuki, umtawala wa nusu ya wilaya ya Beth- suri, ndazenga emahali henaho, ijuma hama kaburi gaku Daudi, mpaka hiveleka eho ndelyazengwa ni vantu ni nyumba ya vantu va nguzu. 17 Baada ya henaho, eValawi ndevazenga, pamwi ni rehumu umwana lyaku Bani ni baada yakwe, Uhashabia, umtawala wa nusu ya wilaya ya keila, ku wilaya yakwe. 18 Ebaada yao evantu va nse zyao ndevazenga, mbe yava pamwi ni Binui umwana lyaku Henadadi, umkulu wa nusu wilaya ya Keila. 19 Baada yakwe ndanazenga Ezeri, umwana lyaku Yoshua, mtawala waku Mispa, ndazenga elwande ulunge mlilekea egara ya vilanga, kukona ya igelele. 20 Baada yakwe u Baruki, umwana lyaku Zakai, ndazenga kuliari ulwande unge mwifuma kukona ya igelele mpaka hamlango gwa nyumba yaku Eliashibu, ukuhani mhanya. 21 Baada yakwe u Meremothi, umwana lyaku Uria, umwana waku Hakosi, ndazenga ulwande ulunge, mwifuma hamlango gwa nyumba yaku Eliashibu mpaka mwisho nyumba yaku Eliashibu. 22 Baada ya henaho emakuhani, evantu va eneo lyenelo ebehi ni Yerusalemu, ndevazenga. 23 Baada yavenao, u Benyamini ni Hashubu ndevazenga mlielekea kunyumba yao. Ebaada yao Azaria umwana lyaku Maaseya, umwana lyaku Anaia, ndazenga ebehi ni nyumba yakwe. 24 Baada yakwe u Binui umwana lyaku Henadadi ndazenga yaku Azaria mpaka kukona ya igelele. 25 Palali, umwana lyaku Uzai, ndezenga higulu lya kona ya igelele ni mnara ugo gwenile higulya mwifuma kunyumba ya higulu ya mwami mgate ya uwanda wa valinzi. Baada yakwe Pedaya umwana lyaku Paroshi ndazenga. 26 Agese evatumami va misengelo awo ridevikile Ofeli ndevazenga mpaka ulwande lwa kifadhi ya minze ulwande lwa mkiya ni mnara uyo gukwifumezya. 27 Baada yakwe, e Watekoi ndevazenga ulwande ulunge mlyelekea kumnara mhanya ugo gulehibal, mpaka igelele lya Ofeli. 28 Makuhani ndevazenga higulu ni mlango lya farasi, kila umo mlyelekea kunyumba yakwe. 29 Baada yao Sadoki, umwana lyaku Imeri, ndazenga ulwande lwenulo mlyelekea kunyumba yakwe. Ni baada yakwe u Shemaya ya umwana lyaku Shekania, umlinzi wa ilango lya mkeya ndazenga. 30 Baada yakwe Hanania, umwana lyaku Shelemia, ni Hanuni, umwana wa mkaga kwa Sarafu, ndezenga ulwande ulunge. Meshulamu umwana lyaku Berekia ndezenga mlyelekea kuvyumba vyakwe. 31 Baada yakwe u Malkiya, umo wa vasula ndalama ndazenga, mpaka nyumba ya vatumami va misengelo, ni vafanyabiashara (vasuluzya) ao ndevelekie kwilango lya igereza na mpaka chumba cha higulya cha mpelo mpelo. 32 Evasuluzya va ndalama ni vasuluzya ndevazenga hagate ya chumba cha higulya cha hakona ni lango lya nkolo.