Esura 2

1 Mgate ya mwezi gwa Nisani, mgate ya mwaka gwa ishirini gwa mwami Artashasta, ndasagula edivai na ndenasola edivai nilempa umwami. Sasa ndakale saye hambele yakwe. 2 Lakini umwami ndambwela, ''Nake ushu wako ule ni huzuni? Ukaoneke nibe ule mlwile. Eye lazima yeve huzuni ya mmoyo.'' Kisha ndenaogoha sana. 3 Ndenamuwela umwami, ''Umwami aikale milele! Nake ushu wane ukava ni huzuni? Mbe yava emahali pa makaburi gakovava wane, gale mgate ya mapagala ni malango gakwe gakanona ngeka ku moto.'' 4 Uhene umwami anakubaliwa, ''Ukukola mbezye ki?'' Kunguno yeneyo ndenamlomba u Seva wamumalunde. 5 Ndenamuwela umwami, ''Mwami mbe waona vema, na mbeyava umntu mawi wako akavezya visoga hambele ya minso gako unakowola untume ku Yuda, ku kaya ya vava va vane, emangu mpandekele kunzenge hange.'' 6 Umwami anikujibu, (ni mgoli ndaikile benhi), ''Ukakikale ku muda ki?'' Mpaka usuve?'' Umwami ndaona visoga zaidi mletwala, nane ndenampa itungo. 7 Uhene ndenamuwela umwami, ''Mbe yekamtogezya umwami, mpe ivalala ku nguno ya vakulu mumwamba ni mtoni, emangu vapate mle nchihusu mbete mgate ya maeneo gawo mnzela mwiya ku Yuda. 8 Hange leve lyeho ivaala kwa Asafu, umlinzi wa ipolu lya mwami, emangu ampe emamite kunguno yaivezya emihimili ga malango ga ngome ebehi ni misengelo, ni kwigelele lya lekaya, ni kuyumba eyo kaikale, kunguno ni kunguno ya mkono msoga gwa mwa Seva ndegule higulu lyane, umwami ndampa emahitaji gane. 9 Nde nafika kuvakulu va hamwambu ni Mtoni, nilevapa ivalala lyaku mwami. Basi umwami ndavatwalile evakulu va majeshi ni vatanda farasi pamwi nawe. 10 Usanbalati Mhoroni ni Tabbia mtumami lyaku Amoni aho ndevaigwa igambo ele, ndevatogwa sana kunguno umntu ndaiza uyo ndakugema mlevambelezya evantu vaku Israeli. 11 Basi, ndenasuva ku Yerusalemu, na ndeneko kwemuko ku mda gwa nsiku itatu. 12 Nde natunula uusiku, ene ni vantu vadoo pamwi nane. Ndenkamvalile mntu yoyote echo u Seva wane ndatulile mgate ya moyo gwane mwivezya ku Yerusalemu. Na ndehaduhu indimu yoyote pamwi nawe, isipokuwa yeneyo ndetanzile. 13 Ndembukila uusiku kunzela ya ilango lya kwibonde, mlyelekea kusima cha izoka na kulemlango lya nzala na mwikagua emagelele ga Yerusalemu, ezyo zikabomagulwa, ni milango zya mbao ezyo zikanonangwa ni moto. 14 Kisha ndenaya kwi lango lya cemchemi ya mwami. Enafasi ndenfinye sana kundimu eyo ndetanzile mwiveta. 15 Kwa hiyo ndejile uusiku wenavo kunzela ya kwibonde mpelo ni chungusa igelele, na kasuva kunguma ni leingela hange kwilengo lya kwibonde nakwevyo ndenasuva. 16 Evatawala ndevakamanya uko ndenayanga ao echo ndekuvezya, na ndenkavavalile eVayahudi, wola ninga makuhani, wala ninga vakulu, wala evatawala, wala ninga vange awo ndevakutumama emulemo zyenizyo. 17 Ndanavawela, ''Muwine eshida eyo kulenayo ivyo Yerusalemu yele mgate ya mapagala ni milango yakwe evyo ya kanonangika kumoto. Izi kuzenge uupya igelele lya Yerusalemu, emangu kukiza kupate hange ensoni hange.'' 18 Ndenavavalela mwiva umko msoga gwa mwa Seva gule higulu lyane na hange mwihusu emagambo ga mwami ago ndambalile, vanayomba hebu kuwuke ni zenga, kwa hiyo ndevaimarisha emikono zyawo kunguno ya milemo emisoga. 19 Lakini u Sanbalati Mhoroni, ni Tobia umtumami wakwe ni Mwamoni, ni Geshemu, Mwarabu, aho ndevaigwa empola yeneyo ndevakuseka, nilekutukila vanayomba, ''Ukuvezya ki? Kenehe, mwakagombana ni mwami?'' 20 Uhene ndenajibu, ''USeva wammalunde akakupa uufanisi. Iswe kule vatumami vakwe na kukauka ni zinga. Lakini ule uduhu esehemu, kuduhu ehaki na kuduhu emadai lya historia uko ku Yerusalemu.''