1 Sanbalati aho ndaigwa mwiva ndekukuzenga igelele, ndagute sana mgate yakwe na ndakatesana anikuvaseka iVayahudi. 2 Hambele ya vaduguye ni jeshi lya Samaria, ndayomba, ''Evayahudi vagoigoi vakuve zyake? Kenahe, vakivezezya elekaya vasava? Kenahe, vakagumalizye umlemo lusiku lumo? Kenahe, vakavalele emawe mwifuma kukifusi baada ya itimwa ni moto? 3 Tobia Mwamoni ndale hamwi nawe nawe ndayomba, 'Mbe yava elembwe mbeleline higulya eke echechovakuvezya mbekalebomole igelele lya mawe.'' 4 Kupulekezye, u Seva wiswe kunguno iswe kukutukelwa. Suvya emalalamiko gao kwigulu lya mitwe zyao evasava ni levapa vapandeke mwitekwa mnse umo vale vafungwa. 5 Ukaufundekezya uwuvi wao na wala ukasinnyaga ezambi zyao hambele yako kunguno vakavagaisha vawo vakuzenga. 6 Kwa hiyo ndekwazenga igelele ni gelele lyose ndelyalungiwa ku nusu ya alihu wakwe, kunguno duhu evantu ndevale ni hamu ya humama emlimo 7 Lakini Sanbalati, Tobia, Waarabu, Waamoni, ni Waashdodi aho ndevagwa mwiva ukarabati wa magelele ga Yerusalemu ndeyendelie na mwiva esehemu ezyo ndezya velike mgate ya magelele ndezyatungizywe, eghadhabu hanya ndeyavaka mgate yao. 8 Wonse ndevavezya emajadiliano pamwi nde vaiza mliguma dhidi ya Yerusalemu ni sababisha emachafuko mgate yakwe. 9 Lakini ndekwalomba kwa Seva wiswe ni tula evalinzi katu ulinzi dhidi yao elyuva ni usiku kunguno ya itishio lyao. 10 Kisha evantu vaku Yuda ndevayomba, ''Enguzu zya vao vakusomba emligo yekukindwa, kule ekefusi ekekuhu na kukasi kukowole mwizenga igelele.'' 11 Ni va adui zyeswe ndevayomba, ''Na wala vakasi vamanye ni mwiwona mpaka aho kukaize hagate yao ni levaulaga, niligwimeleka mlemo.'' 12 Uwakate wenuo eVayahudi ndevikile behi nao nde vafumile pande zyonse nisusumla niswe mara ikumi, vakukulesha juu mipango ezyo vakuvezya dhidi yiswe. 13 Kwa hiyo ndenatula evantu kulwande lwa hiselele ya igelele mgate ya lwande ezyo zilewanga. Ndanatula kela fumila evampanga, ni masumo ni uta. 14 Nde linga, naimelela navawela, evakulu, ni vatawala ni vantu evange, ''Mkogahaga. Mwizukele u Bwana, uyo ale mkulu na ashangaza mvagombanele avadugu vinywe, evana vinywe, evahala vinywe, vakinwa vinywe, ni nyumba zinywe. 15 Aho adumi ziswe ndevaigwa mwiva emipango zyao ndezimanyike kumiswe ni Seva ndabadilisha emipango yawo wonse ndekwasuva kwigelele kela umo kumulemo gwakwe. 16 Kwa hiyo tangu wakate wenuwo nusu yavatumami vane ndevakutumama emilemo duhu ezizenga igelelele ni nusu yao ndevagadima emasumo engao, ni uta, ni nzwala evilanga, uwakate evavungozi ndevemile kunyunwa yavantu wonse va Yuda. 17 Na kwa hiyo evatumami venawo awo ndevakuzenga igelele ni somba emiligo nde vale nao vakulinda enafasi zyao. Kile mntu ndakutumama emlemo ku mkono gumwi, ni mkono ugunde ndaleni silaha yakwe. 18 Kela mzengi nda zwalile ulupanga lwakwe mluvazu lwakwe na hvyene ndakuzenga. Uyo ndafula etalumbeta ndaikile behi nane. 19 Ndena vewela evahanya ni vaviongozi ni vantu evange, '''Mwiva umlemo msoga nagwa uhakika na kwa kitenga kwi gelele, kutale ni mntu wunge. 20 Lazima mpelele ulwande uko mkaingwe esauti ya tarumbeta nili kunganinya kwenuko. U Seva wiswe akakupeganele.'' 21 Kwa hiyo kutumame emilemo eyo. Enusu yao ndevakuva vasolile emasumo mwifuma mumakingilima umlao mpaka umda isonda lekufuma sonda. 22 Ndenavawela evantu uwakate wenuwo, kela mntu ni mtumami wakwe vaye uusiku hakati ya Yerusalemu, emangu vave valinzi uwa kate wa usiku ni mntumami mlemo uwakate wenuwo.'' 23 Basi nkalene, wala evadugu vane, wala vatumami vane wala evantu va valinzi awo nde vakuva vandondile haduhu ninga umo kati yiswe uyo ndabadili emienda zwakwe, na kale umo wiswe ndasolile evilanga vyakwe, ninga mbe yeve ndaile mwisomba eminze.