1 Edhahabu ya chakalaga; namna ke ehahabu ensoga yabadilika! Emawe masondo gasambalile mu kela nzela ya mutaa. 2 Vana va galama va Sayuni nde vale ni galama ya wutimbu wa dhahabu nsoga, ila egese valuduhu galama kukela ya majagi ga wulongo, mulemo gwa miwoko ya muwumba! 3 Ninga mbwa wa mumitaa wufumya mavele gawo mukuwonsha vana vawo, ila muhala wa vantu vane wakava mukatili, kate mbuni mwi jangwa. 4 Lulemi lwa mwana mkeke uyo uwonka gufika higulu ni mulomo gwakwe ku nkangu, vana wutoba keliwa, iha kuduhu kunguno yawo. 5 Venekele valendelela kulya keliwa cha galama gese valemi shida ya nzala mu mtaa; venekele awo valelwa kwi zwala myenda zya zambalau, gese valalaga mumajalala. 6 Akuazi ya muhala wa vantu vane nhanya kukela evyo ya Sodoma, na yapendulwa ku dakika na kuduhu uyo wawusha muwoko ku mugwasha. 7 Vahanya vakwe nde vasondo kukela eseluji, vape kukela mavele; mivela yawo nde yele imala kukela iwe, muvele gwawo nde gule kate yakuti samawi. 8 Wigelele wakwo waa gwafii kate giti; vakamanyika mumutaa. Nkanda zyawo zigandile ku maguha gawo; yakava nkazu kate nkwii. 9 Vale nde wulaga kulupanga nde vale ni wutogwe sana kukela awo ndevafwa ku nzala, awe nde vasumbeka, vadulwa ku kugaiwa viliwa mumashamba. 10 Miwoko ya vakema va hluma yavasokozya vana vawo; vava keliwa chawo itungo elo muhala wa vantu vane ahe ndu unonangwa. 11 Yahweh nde wawenyisha kesila chakwe chose; wafumya kesila chakwe kedaki. Wavasha moto Sayuni gwateketezya nguzu zyakwe. 12 Vami va lewelelo nde vakazumya, ninga vekazi va lewelelo, ate makandi ninga vakazuzye ndevakowola mukwigela mumiveta zya Yerusalemu. 13 Aga gafumela ku nguno ya zambezya valaguzi ni kuhasi vaami vadoo awo veta mugazi gwa awo venahaki hambele zyawo. 14 Ndevatangatanga ngune ya uhofu, mumutaa. Nde vengezya ni wunajisi ku mugazi gwenugu eyo kuduhu uyo waruhusiwa kudima myenda zyawo. 15 ''Ikala kutale! Eve mnajisi!'' Vantu ndevavahumela sauti.'' Ikala kule! Kuduhu ukumye!'' Vyene vatanga; vantu vayomba mugate ya gawelelo, ''Vakakewile kwikala aha hange.'' 16 Yahweh mwenekele wa vasambazya; vakakulinga hange. Ava veshimu Vami, na vakawongisha mwipendelaya ku vanamala. 17 Minso ginywe nde ga kwama, gazyama bule ku wugwasha; kufuma minala yiswe ya walinzi kwalelinga lense akavele ni wukowile kupezya kuwokova. 18 Valonsa ntambo ziawe, maishe wishe nde gule behi na lusiku ziswe zyavaziwa, hamwisho gwiswe ndegwafika. 19 Awo ndevakupezya ndevabuhu kukela lekalimba lya mwigulu. Ndevakupezya kungulu ni lekuvenda mwipolu. 20 Epumzi munyiindo ziwe - muvelwa maguta wa Yahweh - homwene uyo wadimwa mugate ni lina, ho uyo mwene uyo wayombelwa, ''Hanselele ya chamvuli chakwe kelikale mugate mwa mataifa.'' 21 Velingela na utogwe, muhala wa Edomu, eve uyo uwikala hanse ya Uzi. Ila kuwako ni kekombe kela vetiwe, ulakolwe ni kuzyula myenda. 22 Muhala wa Sayuni, ilapezyo lyako yelagele hamwisho, akasha aongezye vadimwa vako kuleka muhala wa Edomu, ala mwazibu; alafunule makosa gako.