Esura 3

1 Ene nde mwana mgosha na wine luduko hanselele ya igongo lya kesila cha Yahweh. 2 Wantukuzya ni kumbezezya njumbe mugate ni giti kuleka mu mwanga. 3 Nhana wangakukezezya muwoko gwakwe mugate yane hange na hnge, nsiku yose. 4 Wavezya muvele gwane ni nkanda yane mwiganda; wavele maguha gane. 5 Wazyenga malundo ga wulongo mugate yane ni kumpilima ni wusungu ni wulambu. 6 Wavezya ni kale mapanda ga giti, kate awo evafyela kale. 7 Wazyenga lukenga kumpilima na nkakowola mwitoloka. Wavezya eminyororo yane mitimbu. 8 Ninga mbe nuwitana ni kulelela mu saada, wugwasha ungapumbulela mawulombe gane. 9 Wakilya nzela yane kwigelele lya mawe gi punza; avezya nzela yane mbee. 10 Mwenekele ale kate duhu ulindela anshambuliye, nsimba mugate ni wivese; 11 Wagalula hampelo nzela zyane, wambezya wukiwa. 12 Wagondamya wuta wakwe ni kumbezya ene kate hashabaka ya masonga gakwe. 13 Wadulaga matema gane ku masonga ga mfuko gwakwe. 14 Ndende kechekesho ku vantu vane wose, kewonyesho cha bubyede wawo lusiku luzima. 15 Wanyokazya ku wusungu ni kundazimisha kungwa minze malulu. 16 Ndewavela mino gane ku nkokota; wansukuma hanse ku luvundo. 17 Wupande wane vagaiwa wusalama; nalavela wutogwe ho ke. 18 Gese nuyomba, ''Uwuvumiliye wane wagwa na hange mategemelo gane kwa Yahweh.'' 19 Izukela emateso gane ni kugwa kwane, manze malulu ni wululu. 20 Nuwendeleya mukwizukela na ninama mugate yane. 21 Ila wukwese uwu mumasala gane nevyo nde ni wutegemele: 22 Wutoge walole wa Yahweh wukakumala ni huluma zyakwe zikale kumala, 23 Yele mpya kela diyu; waminfu wako wuhanya. 24 "'Yahweh ni salo lyane, '' Nayomba, vyene ndamntumainiye. 25 Yahweh ale msoga ku wawo awo wumulindela, kuyo umukova. 26 Vile visoga mwilindela wutalatibu ku wokoke wa Yahweh. 27 Vile visoga ku mntu kusomba nira muwusumba. 28 Leka aikale winene muwukonde, aho yekuva yatulwa higulya yakwe. 29 Leka afumbe mulemo gwakwe kuluvundu kunava yekale yeve ni itegemelo. 30 Leka afumya itama lyakwe ku mwenekele uyo umuguma, na aokaziwe. 31 Ku nguno Mgosha akakukane daima, 32 Ninga evyo uleta misayo, akava ni huluma ku kadili ya wingi wa wutogwe wakwe wa wuhakika. 33 Ku nguno akakuvazibu kufuma mumwenzo gwakwe au mukutesa vana va vantu. 34 Kutova hanse ya kugulu vatungwa wose va lewelelo, 35 Kumwima ehaki muntu hambele ya wiho wa aluyo mwigulu, 36 Lemwima ehaki umntu - Mgosha akakowile kuluhusu vintu kate evyo! 37 Unani uyo va sunsuula na yatimela? Kate akavele Mgosha watamka? 38 Yekavele kufuma mumulomo mwa uyo ale mwigulu mave ni masoga guwiza? 39 Mntu uyo ale mpanga akowelile vihe mwilalameka? Mntu akowolile viche kwilalameka kulyazibuwa ku wukose wakwe? 40 Na kwi linga linge enzela siswe ni kuzigema na kumusuvele Yahweh. 41 Na kwinule myenzo yiswe ni miwoko yiswe kwa Yahweh mumalunde: 42 ''Kwakosela ni kuhansi na ukasamehe. 43 Wikumbelaga ni wugaye ni lekupezya, wawulaga na ukale upezya. 44 Wikumbelaga ni lunde mangu kengele kukava ni lomba elo lyikowola kuveta. 45 Wakuvezya kate zoma ni ukolele mugate ni galewelelo. 46 Makandi vave viswe wose vakupatelezya. 47 Wusupe ni lina lyakwizela, lufu ni wononi. 48 Minso gane gufumya ni nufeleji ya ndelelo ku nguno ya vantu vane. 49 Minso gane gufumya minsozi bila kuleka; bila nafuu, 50 Kufikela aho alalinge hanse na Yahweh alawene kufuma mwilunde. 51 Minso gane gale nsambezezya misayo kunguno ya vahala va kaya yane. 52 Vavendwa kate tunoni awo ndevale makandi vave vane; mbe vavend ninga nguno. 53 Wansumba mu lina na vansumbeta iwe. 54 Ni minze gamwagekala lugulu ya mutwe gwane. Ndenayomba, ''Naputwa kule!'' 55 Nitana lina lyako, Yahweh, kufuma mugate ya lina. 56 Wigwa esauti yane. Wigwa esauti yane ake ndenayomba, ''Kuduhu lugale twi lyako kukelelo chane chawagwasha.'' 57 Ndewiza behi lusiku ulo nakwitana; ndewayomba, ''Kuduhu wegohe'' 58 Mgosha, ndewatetea ishitaka lyane, wapezya wikale wane. 59 Yahweh, wawona mave ago vambezezya mukatwa kesi yane - 60 Wawona ntusi zyawo, epango yawo yose zidi yane. 61 Wigwa imelo lyawo, Yahweh, ni mipango yawo yuhusu. 62 Milomo ya awo wuwima tofauti nane, mashitaka gawo, guwiza mugate yane nsiku nzima. 63 Wona evyo wuwikala ni kwuka; wumbyeda ni nyembo zyawo. 64 Wulepelezye, Yahweh, kwevyo ya evyo wavezya. 65 Ukaleka myenzo yawo yegele kwilawumu! Wamuwe wako yeve higulu yawo! 66 Uvapezya ku kesila ni kuvanonanga munse ya mwilunde, Yahweh!