1 Mgosha wamkumbila mhala wa Sayuni hanse yilunde lya kesila chakwe. Wukupa wukulu wa Israeli hanse kufuma kwilunde kufikela hawelelo. Akapamwlile stuli yakweya migulu lusiku lwa kesila chakwe. 2 Mgosha wamitaga na akavele ni wutagwe kukaya zyose zya Yakobo. Nsiku zya kesila chakwe wagwisha makaya malambu ga muhala wa Yuda; ku nsoni wasosha hanse Wami ni vakulu vakwe. 3 Ku kesila ke hanya waputa kela ipande lya Israeli. Wagusu vya muwoko gwakwe kufuma ku vave. Watima Yakobo kate moto mudaki ugo gutekelezya kela kentu behi yakwe. 4 Kate muve wawugonda wuta wakwe gwakwe ale wonse, ni gwa kumulyela gwakwe ale tayari kushambulia. Wavasenza wose awo nde vamtongelezizye mugate yi hema lya muhala wa Sayuni; Wafumya kesila chakwe kate moto. 5 Mgosha wa vaga kate muve. Wamila Israeli. Wamila makaya gakwe gose. Wanenanga ngutu zyakwe. Waongezya kelelo ni lyombolezya mugate ya vahala va Yuda. 6 Washambulia ihema lyakwe lya kwisangizyakate kakaya ka bustani. Wanonanga ipande lya isangezya. Yahweh waletenezya kwisanja ni Sabato kwilavelwa Sayuni, kunguno wamubyeda Mwami wakesile chakwe. 7 Mgosha wakana isengelo lyakwe ni kuyekana ipande yakwe nsondo. Wafumya magelele ga manyumba mumiwoko newa makandi. Vaangula ibubu mukaya mwa Yahweh, kante lusiku lwa shangwe. 8 Yahweh nde wamuwa kunonanga igelele lya kaya ya mwa mhala wa Sayuni. Wagolola lugoye lwa kepimo na akuzuwiye kuwoko gwakwe gukanonanga igelele. Wavezya eminara ni gelele mulyombolezya; hakemo nde vya tageka. 9 Emilango yakwe yakagwa hanse, wanonanga ni kuvuna vyuma vi gelele. Mwami wakwe ni vana va Mwami veho mugate ni mase, miko yeheduhu hange ni valaguzi vakwe vakakupandeka masala kufuma kwa Yahweh. 10 Vanamala va vahala va Sayuni vekala hanse na kuva sele. Valusha luvundu kumitwe zyawo ni kuzwulamagunila. Vakema va Yerusalemu venamisha mitwe zyawo hanse. 11 Minso gane gakalelagwa minsozi gakwe; enda yane guwunguluma; pande lyane lya mugate zitekanga hanse kunguno ya wenoni wa muhala wa vantu vane, vana ni vadevado vazimiaga mumitaa zya mkaya. 12 Wuyomba ku vanyinawo, ''Embegu zyeko kuhe ni wulevi?'' Mbe venavyo zimala kate muntu uyo walumeziwa mumitaa mwa kaya, wikale wawo giteka ku kufuva cha vana nyinawo. 13 Vihe nkowile kuyomba kwako, muhala wa Yerusalemu? Nkowile kulenganesha nake, mangu nkuhani, muhala bikila wa Sayuni? Igeleza lyako ihanya kate lebahali. Unani akowolile kukupezya? 14 valaguzi vako vawona wufi ni masala mave ku nguno yako. Vakale kufula hape ezambe zyako kusuvya nsawo zyako, ila kuwako vakafumya magambo ga wufi niga idanganya. 15 Wose awo wuvetahampelo ya balabala wupamantela makofi kuwako. wugunani tingisha mitwe zyawo zidi ya vahala va Yerusalemu ni kuyomba, ''Eye ho kaya ugo vetana 'gukamilike ku wusoga; 'Wutogwe wa Lewelelo yose?'' 16 Vave vako wose valugula milomo yao ni kukusekelela. Vayumela ni kusha mino ni kuyomba, ''Kwa mumila mwenekele! Ulu lusiku ulo ndekulindile! Kwikala kakowole muleyewona!'' 17 Yahweh wavezya evyo wapanga kuvezya. Watimezya igambo lyakwe. Wakupendula bila kesa, kunguno wamuluhusu muve mule kushangilia; winulaga mapambe ga vave zyako. 18 Myenzo yawo yamulelela Mgosha, magelele ga vahala va Sayuni! Vezya ndelelo zyako zyu mwageka hanse kate mongo wusiku ni lyuva. Kuduwipatele kudukowole, minso gako bila kukowola. 19 Inuka, lela wusiku, ha mbuke wusiku wa manane! Nulu ya mwenzo gwako kate minze hambele ya wusiku wa Mgosha. Golola mwigulu miwoko zyako ku nguno ya wupanga wa vana vako awe wufwa hakusu ku nzala ku nzala ku nzela ya kela mutaa. 20 Linga, Yahweh, wizukele awo nde wavetela aga. Vakema awo itunda lya wulyazi wawo, vana awo nde vajali? Vami ni valaguzi va senzwe mapanda masondo ga Mgosha? 21 Wose vado ku vahanya vekalile ku wulongo wa mitaa. Vakema vane vadovado ni vagosha vane vadovado vakagwa ku lupanga; wakavasenza ninga kuva wonela huruma. 22 Witanaga kate mbe walukavetane vantu mugate ni nsiku ya viliwa, wova wanekela ipande, mu nsiku zya wugaye wa Yahweh kuduhu uyo watoroka; awo nde na vajali na kuvakuzya, vave vane wavanonanga.