1 Kaya eyo ha mbuke nde gule ni vantu vengi egese gwakasigala gwi nene. Akava kate mfyulwa, (mjane) ningevyo nde nse nhanya. Nde mwana wa Mwami mugate mwa nse, hagese wakadimwa muwuzya. 2 Ulela ni kusaya wuziku, ni ndelelo zyakwe zyu vimbela matama ggakwe. Mduhu ninga mtogwa wakwe uyo umuliwazya. Vanwani vakwe wose vakamuwula. Vakava maadui vakwe. 3 Hamwisho ya wupena ni wuteswe, Yuda wayaga muwudimwe. Uwikala hame munsi na akapandeka wusuhelo wosewose. Awo wu vapezya vavapandeka mugate ni wuwumo wakwe. 4 Enzela zya Sayuni zyu saya kunguno haduhu uyo uwiza kukwishangilio elo lyaandaliwa. Miveta zyakwe zyose misayo. Vami vakwe wose valini isayo. Ya vahala vakwe vale ni ukiwa nawe mwenekele alemugate ni wulambu. 5 Vave vakwe vakava vahanya vakwe; vave vakwe wupandeka. Yahweh wamusuhubu ku makosa gakwe mingi. Ga vana vakwe vadovado wuya muwusekwe ku vave vakwe. 6 Wusoga wamuleka muhala wa Sayuni. Vana va Mwami vavaga kate idimu (ayala)uyo akakuwona maliwa, na wuya kuduha nguzu ku awo wuvapezya. 7 Mugate ni nsiku zya kususiwa kwakweni kugayiwa kaya, Yerusalemu yelizukeke ehazina zyakwe zya kale azyo nde wenazyo ha mbuke. Itungo vantu vakwe aho nde vagwila mumiwoko mwa makandi, haduhu ziyo wamugwasha. Makandi nde vavawona ni kuseka emaangamizo gakwe. 8 Yerusalemu ndeyavezya emakosa muno, henye lote waaibika kate kentu ekechafu. Wose awo vamudehage hagese eueumususula ku nguno vawona waze wakwe. Usaya ni kugema kugaluka mupelo. 9 Wavaga ni zoma hanselele ni lesikesi lyakwe. Ndakafikiliya umwisho gwakwe. Wugwe wakwe nde wuve. Ndehaduhu wa kumbembelezya. Walila, ''Linga luduko lwane, Yahweh, ku nguno ikandi lyava ihanya sana.'' 10 Iwandi letulele muwoko gwakwe hake henge eliswe cha rama. Wawona vanse guwingela hipande lyakwe isondo, ni ngovyo waamuru vakingelaga mugate ni pange lyako lya kukunganela. 11 Vantu wose wusaya aho wukova bofulo. Vafumya vihenge vyawo vya gharama kunguno ya keliwa cha kusuvya wapanga wawo. Linga, Yahweh, ngizukele ene, kunguno nava ndegele samani (faida). 12 Kokavele kentu kuwako, wose awo muveta? Linga na uwone mbe kale mntu ale ni makiwa kate wuzuni uwo kuteswa nawo, kufuma Yahweh wantesa ene mugate ni nsiku ya kesila chakwe kedaki. 13 Ya kufuma kwigulu ho kwene uko wa tuma umoto /mulilo kumagula mafupa gane na wankinda. Wenezya nyavu ku migulu yane ni kungalula. Wambezya mkiwa na ndemunyonge. 14 Nia (Nira) ya wukenangule wane ya tungwa ni miwoko yakwe. Wavezya uwukowole wane kupotwa. Mgosha wankabizi mumiwoko mwa, na nkakowile kwemelela. 15 Mgosha wakupa hampelo vagosha vane hpdsri awo vampezya. Witana isanjo zidi yane kupenga vagosha vane vanguzu. Mgosha vavate vangezya muhala bikira wa Yuda kukiseme cha ishela malwa. 16 Ku vntu evi nulela. Minso gsne, minze gusoks hansenys minso gane kufuma mubembelezi uyo walazimu kusulya wikale wane ale kule nane. Vana vane valeni wupweke kunguno muve wane wakindaga. 17 Sayuni wasambazyaga miwoo yakwe; kuduhu wakuva mbembelezi. Yahweh walagilizya awo behi ni Yakobo vave vave vakwe. Yerusalemu ne kentu cha zoma kuwawo. 18 Yahweh howa haki, kunguno nakahansi nguno ya ise muzyo zyakwe. Igwa, inywe vantu, na mulole misayo zyane. Vahalavane ni vagosha vanguzu vakaya muwutekwe. 19 Nitanwa vanwani vane, ila nde vale ni hiyana kuwane. Vami vane ni vanamala vateketela mukaya aho nde wukova keliwa cha kusulya wupanga wawo. 20 Linga, Yahweh, ku nguno ndeho kuwulambu; ende yane yuwuguluma, mwenzo gwane changanywa mugate yane, ku nguno nakava wakwitenga hasa. Hibala, ulupanga lwa mulezya umayu, mugate ya kaya mule lufu du. 21 Vaigagwa misayo yane, ila kuduhu wakuntulizya. Makandi gane gose gigagwa wukove wane na vatogagwa wambezezya evi. Waleta lusiku ulo waahidi; gese leke vave kate ene. 22 Leka uwuve wose wizahambele zyako. Vavezezye venekele katevyo wavavezezya nane ku nguno ya wukose wane wose. Misayo yane mingi ni mwenzo gwafwa kakusu.