Esura 5

1 Izukela, Yahweh, ago gakufumila na uwone nsoni ziswe. 2 Isalo liswe wagaluziwa ku vageni; kaya ziswe ku vageni. 3 Kwa kava vayatima, kwegele vava, ni mayu veswe kule kate vajane. 4 Yulazimika kulepe hela ku miuze ago kunywa, na kulepe hela kupandeka embawo ziswe. 5 Vale wuwiza kuwiswe vasungela hanyuma yiswe; kwaze vana kukakowola kupandeke wusuhelo. 6 Kwifumya ku Misri ni ku Assilia kupandeke keliwa cha kutosha. 7 Vava va veswe vavezya makosa, na vehaduhu hange na kwasomba makosa gawo. 8 Vazya vakutawala, na kuduhu valekokova ni miwoko zyawo. 9 Kupandeka bofulo yiswe aho kuhatalishi wikale, ku nguno ya lupanga lwa mwipolu. 10 Nkanda ziswe zyava niwusewu kate ijiko kunguno ya wusewu wa nzala. 11 Vakema wubakwa (zinaa ya nguvu) Sayuni, na mabinti (vahala) mabikila mukaya ya Yuda. 12 Vana va Mwami vanyongwa ni miwoko yawo, kuduhu isima eyo yulangisiwa ku vanamala. 13 Vagosha vasumba wukakaiswa kwisha mbiyu kwi wiwe lya kushela, ni vasumba wuwanekwa hanse ya miligo zya nkwi. 14 Vanamala valekile muzigo gwa kaya, ni vasumba valeka miziki. 15 Wutogwe wa mwenzo yaleka ni sapa kuwiswe kwagakika kelelo. 16 Itaji lyakagwa hamutwe gwiswe; balaa yiswe, kunguno kwa vezya ikosa! 17 Kunguno mwenzo gwiswe gwa kava gusatatiwa, ni ndelelo ziswe zya punguka, ku vintu evi minso giswe gudaha. 18 Kunguno lugulu Sayuni gwahala wukiwa, embwa zya mumutaa zyusapo higulu yakwe. 19 Ila ive, Yahweh, utawala milele, n ukikala musumbe lyako lya enzi watawala, wuwutwa ku wuwutwa. Kunguno yake ukulavela milele? 20 Kunguno yakwe ukuselekezya ku nsiku nyingi? 21 Kusuvye kuwako, Yahweh, niswe kulasuve. vezya wupya nsiku ziswe katevyo nde zile hambuke - 22 vingeninge hamo uve wakakukana ule ni kesila kuwiswe kuveta ha keyasi.