Esura 6

1 Kule uvi uwo nakauona hanse ya lyova, na mvi ku vantu. 2 U Seva akowile lempa mntu nsawo niutajili ni sima kukiasi kuva akagaiwa chosechose checho akuketamani msava, kumbe akakumpa uwezo wa kuketogwa. Ebaada yakwe mntu nyunge akutumila vintu vyakwe. Ugu mtutu tesomunvi. 3 Mbee mntu auta vana igana ni likala miaka mingi, mangu kuva nsiku zya miaka zyakwe mingi, kumbe kate mwego gwakwe gukakutosheka kuma soga na akakuzyekwa kwisima, nkuyomba kuva, mwana veyo autilwe afwile ni msoga kukela vivyo ale. 4 Ninga mwana veyo autilwe bila faida na akuveta kugiti, nilinalyakwe lekusiga lenvi silwe. 5 Ninga vyoo eve mwana akakuona lyuva au imanya kentu chose chose, akusuha ninga vivyo mntu veyo ndeaka suhile. 6 Ninga mntu aikale miaka elfu ivele kumbe akakwifundisha itogeziwa vintu visoga, akuya sehemu yemwi kate mntu yoyote yule. 7 Ninga vyo mlemo gose gwa mntu ni lyokazya mlomo gwakwe, ila hamu yakwe ikakwi kutekwe. 8 Kumbe faida kee yeyo atite wa isima kukela mlele? Faida kee yeyo atite mpena ninga mbe amanyile ejinsi ta ivezya kuutongi ni vantu? 9 Visoga ilizika nikele checho na minso ga kukeona kukela ligomelwe kele checho chamu yeyo etulile yekutamani, yeyo angese mtutu nigema legusunga myaga. 10 Chosechose checho cheho, tayari chakapiwa lina, ni vile mntu vivyo kate tayali akamanyeka. Vivyo yavayeka fwaya igombana nawe viyo mhukumu mkulu wawose. 11 Magambo mingi gago gakuyombiwa, gene gale uduhu emaana gakuongezyeka, kumbe faida keyeyoyele kumwanadamu? 12 Mkuva nani amanyile ke nani kesoga kumntumgate niwikale wakwe itungo lya ubatili wakwe, nsiku zizyoze vaziwe ambazyo kuzizyo akaveta kate mlaka? Nani akowolile mntu kele kekaize hanse ya lyuva ebaada ya iveta?