Esura 5

1 Ulinde mwenendo gwako haho uile kunyumba yaku Seva. Yaga kule ukapulikezye. kupulikezya kusoga kukila valele haho vakufumya ezabibu itungo vakamanya checho vakukivezya mkati ni maisha kivi. 2 Ngene uve mbohu wa iyomba kumlomo gwako, na kuduuvezye mwego gwako kuleta igambo lyase lyose kuwangu kuutongi wa mwa Seva. Seva alikwilunde, kumbe ule hanse, kwa hiyo mihayo zyako zive mido. 3 Mbe ule nimagambo mingi gaivezya nituka, hangi ukapata ndoti mbi. Ni hangi ukayombe mihayo mingi zyaulele. 4 Mbewatula enazili kumwa Seva, kuduukelezye leevezya, mkuva Seva akatogwa ulele. Vezya checho ulapizye lekivezya. 5 Visoga ileka itula enazili kukela itula enazili yeyo ukashe uisinie. 6 Kuduuzumye mlomo gwako isababisha mvele gwako guvezye ezambe. Kuduuyombe kumzya lyaku mwami mkulu, ''Lele ilapezyo nde lya makosa.'' kunguno lemvezya Seva agaye kwilapelezya lyaufi, lempembelezya Seva avipye milemo zya mikono zyaako? 7 Mkava mkati ni ndoti nyingi, kate evyo yele mkati ni magambo mingi, kule mtutu mvi. Vivyo magohe u Seva. 8 Haho ukuona mpena akuteswa nipuziwa ehaki niveziwa mave mkati nijimbo lyakwe, hapana kate kuva haduhu mkati ni mamlaka vawo vakulinga, kule vamge vale higulu yao. 9 Kunyongezya uuti wansee kukila yumwi, ni mwami msava akusola uuti ifuma mmashamba. 10 Veyo atogilwe ehela akatosheke ni hela, ni veyo atogilwe usavi mala akukola zaidi. Ugu hange mtutu. 11 Kadili yamafanikio vivyo gakongezeka, vyene vakengezeka vantu vao vakutumila. kule faida kee mgate ni usavi wa msava kuduhu kulinga kuminso gakwe? 12 Tulo twamtumami tusemu, kate akulya kidogo au sana, kumbe usavi wamntu msavi ukakumzumezya msava ilala visoga. 13 Kuli igambo ive sana lelo naleonaga hanse ya lyova: nsawo yeyo itulilwe akiba nimsava, ikumpelisha luduko msava. 14 Itungo msavi haho akusumba usavi wakwe kubahati mbi, mwane, veyo amuwutile, akakulekelwa chochote mmikono zyakwe. 15 Kate mtu vivyo autilwe duhu ifuma mda yakunyina, vyene akawuke mgate ni maisha ga ale duhu. Akakusola chochote ifuma mkati ni milemo zyakwe. 16 Igambo lenge ivi sana, kate mntu vivyo ale liza lazima aye vivyone. Evi faida kee mntu yoyote akuyepata mgate ni vezya kunguno ya myaga? 17 Itungo lya nsiku zyakwe akulya mgiti na akufezeheshwa ni malwilwe ni kesila. 18 Linga, kele nkewine kuva kisoga kefaile ilya ningwa nitogwa sana ifuma mgate ni milemo ziswe zyose, kuzivezya hande ya lyova kwitungo lya nsiku zyalikala aha ambazyo u Seva apandekaga. Mkuva ugu ho wajibu wa vantu. 19 Yoyose uyo u Seva wakampa esawo ni utajili ni uwezo wa wipokela esehemu uyakwe ni togwa mkati ni milemo zyakwe eye hazawadi kufuma kumwa u Seva. 20 Mkuvamala nyingi akakwizukila ngikuzyalikala kwakwe, kunguno u Seva akumzya isaka ni magambo gago akutogiziwa kugavezya.