1 Lina isoga na isoga kukela emanukato ga ghalama, ni lusiku lwikufwa lusoga kukela nsiku zya kuutwa. 2 Visoga kuya kunyumba ya lyombolezya kukela nyumba ya kalamu, mkava ilela lekweza kuvantu wose itungo lya hanyuma ya upanga, kwahiyo vantu vawo vakwikala lazima vatule elemyego. 3 Uzuni usoga kukela seko, mkuva ebaada ya ushu wa uzuni hakwiza utogwe mmyego. 4 Mwego gwa kuvele alenisima galemgate ni nyumba ya ilela, kumbe mwego gwa valele gule mnyumba ya ekalamu. 5 Visoga ipulekezya vivyo akudaka mntu wa isima kukela ipulekezya lwembo lwa vapumbavu. 6 Mkuva kale mle vamiiba hanse ya nyungu, huvyene zile seko zyavalele. Ugu hange mtutu. 7 Hana epaka zekumvezya mntu wa isima kuva mlele, na kulusha ivipya mwego. 8 Nafuu kunguno ya igambo kukela kumbele; ni vantu vale ni ukonde vasoga kukela vale vakwivuna ku mwego. 9 Kuduhu ugae wangu ku mwego gwako kunguno kesila kekwikala mgate ni myego zya valele. 10 Kuduhu uyombe, ''Kunguno nsiku zya kale nde nsoga kukela nsiku ezi?'' Mkuva ikale kunguno ya isima ukuuzya iswali ele. 11 Isima isoga kate vintu vyasamani kupyana kufuma kuvavywazi viswe. Elosizye efaida kuvale vakuleona lyuva. 12 Mkuva isima lekufumya ulinzi kate vile hele vivyo ekowile ifumya ulinzi, kumbe efaida ya masala kuva isima lyumpa upanga kuyoseyose veyo alinalyo. 13 Iganeke maveziwa gaku u Seva: Nani akowile limalisha chosechose checho akake linywa? 14 Itungo matungo vikuva visoga, ikala kuutogwe mgate ni haliyeyo, kumbe itungo ukuva uvi, iganike ele: Seva aluhusu ehali zyosezive zyeho, kunguno eye, kuduhu emwanadamu yoseyose veyo amanyile chosechose checho chizile ebaada yakwe. 15 Naona magambo mingi mgate ni nsiku zyane zya ubatili. Kule vantu vahaki vawo vakutukalicha ya kuva vale ni haki, na kule vantu vawo licha ya kuva ni mave. 16 (usiwe mwenye haki katika macho yako mwenyewe, kwa nini kujiharibu mwenyewe?) 17 Kuduhu uve muve sana au mlele. Kunguno ufwe kabula ya itungo lyako? 18 Visoga kuva udime isima ele ni vakuduhu uleke ehaki eye zakwe. mkuva mntu akumchaa u Seva akagelanizya ehadi yakwe yose. 19 Isima leleni nguzu mkate ya veyo aleni sima, ezaidi ya vatawola ikumi mkati ni mzyengo. 20 Kuduhu mntu veyo aleni haki higulu ya nse veyo akuvezya masoga na akakuvezyo ezambi. 21 Kuduhu upulekezye kila igambo lekuyombiwa, kunguno ikowolile kwigwa kumtumishi wako akukulumbeleziwa. 22 Vivyone umanyile eve msava mgate ya mwego gwako waka valumbelezya vange mala kazaa. 23 Aga gose nagasibitisha kwisima. Nayomba, ''Kavawaisima, ''Kumbe ezaidi vivyo ndenava. 24 Isima lelembali ni kina sana. Nani akowolile leipandeke? 25 Nagalozya mwego gwane lefundisha ichunguzya ni kola isima ni ufafanuzi wa nhana, nimanya kuva unvi ulele na kuva unganwa masala na usazi. 26 Namanya kuva usungu kukela lufu, evyene ale mkema yoseyose veyo mwego gwakwe gokalile emitego, ni nyavu, ni veyo emikono zyakwe minyororo. Yoseyose veyo amtingilwe u Seva akafume kufuma kuwakwe, kumbe veyo alenizambe akasolwe na kwe. 27 ''Iganeke kele nde chavumbula, ''Ayomba mhembeki. ''Nava nkongezya ufumbuzi uwmi hadi uge mangu kuva pandeke ufafanuzi wa nhana. 28 Eye hene nkale nkuekova, kumbe kale kupandeka. Ndepandekile mgosha yumwi vele ale ni haki mmiongoni mwa elfu, kumbe ndekapandekile mkema mmiongoni mwavale wose. 29 Mbende manye ele: kuva Seva amuumbile ebinadamu mbee ava agolokile, kumbe vakufuma mgate ni ugotoku vakula malambu umingi.