1 Kunzira ey'i inyu awo vinekili mkulobwa mkwifumya ku v'agosha vinyu vinikili, mangu, ninga mb'e mkati yao valalisanizi zye igambo, kuvitila is'embe zya v'aki v'ao vakukoola kukweswa kukila mpola, 2 kunguno v'asav'a v'akuv'a v'aonaga is'embo yao nsoga hakimo na isima. 3 E'yi e'veziwe ikali kumasanamu ya hibala---kusuka nyele, mwitogwa zahabu, ninga kumienda zya umtindo. 4 Kunguno ibadala yakwe iv'eziwe ku mntu wa mgati na mwego, na kukila mkati na msoga kuutungi na upole wa mwego,awo kumfumo zya mwa Sev'a. 5 Kwiv'a v'akima v'a usondo ndiv'ipang'a iv'asav'a kuzila e'yi. Ndiv'ali na mwego mgati na Sev'a na ndiv'av'eshimu v'agosi v'ao v'asav'a. 6 Kunzira ey'i usala ndiwa mweshimu uIbrahimu nilimwitana msav'a "mgosha" gwakwe. Inyu agisi mliv'ana v'akwe kati mkav'ezya ago masoga na mbemkakogoha mavi. 7 Ku nzira y'iniyo, inyu vagosha mkulobwa mwikale na v'aki v'inywe mmanye iv'a v'asav'a v'ichinye v'a kikima v 'azaifu, mv'amanye vasav'a kati v'asumb'eli v'igiswe v'a izawadi zya upanga. Mv'ezye ivi kwiv'a kulomba kwinywe kuduhumgazivile. 8 Kumwisho gwakwe inyu wose, mv'e na nzira yimo, mli ni kisaa, utogwe kati mdugu, usondo wa utungi. 9 Kuduhu mlipe iv'e kwiiv'e au itusi kwi tusi. Igalulo lyakwe, mwendeyee kulumba, kunguno ndimwitanwa, mangu mv'e v'a kupyana cheru. 10 "Oyo akakutogwe kwikala na kuona nsiku nsoga ukoviwa aluzivile uluhumi ku v'av'i na miromo zyakwe kwiyomba iv'a. 11 Ageluke ni leka mav'i ni v'ezya igali masoga. Akov'e mora ya mwasombe na kwilonda. 12 Minso ga Mgosha gumwona uyo ali ni ihaki na matwi gakwe guigwa malombezi gakwe. Kunguno ushu umwa Mgosha uli kinyume na wo v'akuv'ezya mav'i." 13 Unani akav'avipwa inyu mbeyav'a muigomwelwa ago gali masoga? 14 Kunguno mbeyav'a muteseka kuhaki, moziwa kuduhu mogohe ago gali v'asav'a v'akuogoha. Kuduhu mv'e ni wov'a. 15 Ibadala yakwe, mumtule Kristo Mgosha mgati ni miego zyao kati msondo. Ku kila itugo Mgosha tiari limjibu kila mntu akuv'auzya inyu kukimli mkwipa mwego mkati ni Sev'a. V'ezi ivi kuukonde ni nisima. 16 Mv'e ni makusudio masoga mangu v'antu v'akukukana kwikala kwinyu kusoga mgati na Kristo vakoole kupala nsoni kunguno v'akuyomba kwigalilo lyakwe mkate yinywe kati kuyomba ndimuvezya mav'i. 17 Visoga kuzidi, iv'a Sev'a akutamani, iv'a mkuteseka kwiv'ezya masoga kukila w'ezya mav'i. 18 U Kristo nawe ndaleseka kukamo kunguno ya mav'i. Msav'a uyo ndi msav'a haki ndateseka kunguno iswe, awo ndikukali ni masoga mangu akulete kumwa Sev'a. Ndiwafwa mgati na mv'ili, ila ndav'ezya mpanga mkati ya usondo. 19 Mkati na ukonde ndayaa na kutanizya usondo uwo igisi zyeko kutugwa. 20 Ndizikali nkonde kwitungo ukonde wamwa Sev'a ndiwav'a ulindii'le itungo lya umwanga, nsiku zya kuzyenga isafina, na Sev'a ndiwafunkola v'antu v'adoo--nafsi nane--kufuma mgati ya minzi. 21 Il'i idone lya wogiwa uwo uv'afunkola inywe igisi, ikali kati kuozya uv'i kufuma kumv'ili ila kati kulomba usondo Msoga kumwa Sev'a, kuv'itila kupembuka umwa Yesu Kristo. 22 Msav'a alikumkono gwa mgosha gwa mwa Sev'a. Ndiweya kwilunde. Iv'a malaika, ulemi, ni inguzu kulazima v'amlonde msav'a.