Esura ya 4

1 Kunguno kuva Kilisito ndateseka mugati na muvili, muzwike kilunga zya mwenekili uyo ndateseka mugati na muvili wahafu maga na dhambe. 2 Mtu mwenayo kudu kuendelea angi kwikala mugate na mpema zya muvili kumbe kuosoga wa mwa Sev'a, kumaisha ago gakasiga. 3 Kunguno itungo lyavetile kuvezeka magambo ambago vantu vokova kuvezya mola mbii mavi kukolwa ulya sivi magambo gakilele badaya ya masanam zya kuvagaili. 4 Vanafiki visoga ulu muwisinya kwita magambo mavi pamoja nave ni kili ivyo, vavezya mavi mwigulwa yao. 5 Vakafumye eesabu kuwakwe uyo alisawa kulipisha masumle ipanga na wafwile. 6 Kunguno kusudi linili maembeko lyatafisiliwa kuwao ovo vamala kufwa kumbe aho ikale kuva vamala kuli pishwa masumle mugate na mivili yao kiti vantu ili vakole kwikala kulingana na Seva mugate na roho. 7 Nkumpelo kwa magambo gose aizile kwani muve na kumanya uho ulisalama na muve na moyo msoga kunguno ya magambo ginywe. 8 Kabula ya magambo ginywe gose muve na libidisha mugati na utogwe kulia yumo, kunguno utogwe ukafumila utogwe wa vangi. 9 Ulangye usoga kukila yumo bila kusaya. 10 Kiti kila yomo wing'we ivyo walipokela kalama aitumamile mugate na kwisaidia, kiti vimilezi vasoga na vamasala mingi izyo zyafumiwa halali na Seva. 11 Mbe kiti mtu ayombe, naive kiti ulangi wa mwa Seva, na mbe kila mtu mbe atumame na iwe kiti kukola uwo wapiwa na Vava, ili kila igambo Seva, apate kumndeitela kuvetila kwa Yesu Kristo. Ulukulu na kuvezya vina Msava mpelo na mpelo. Ame. 12 Vadugu ndene ugavazye ndene mgavazye magumbo ago gizile kuvagemela kuvetila kintu kigeni, kunguno kwina nkintu kigeni icho cha tumamelagwe ku winywe. 13 Ivyo muzidi kusola mazoezi ga uzoefu na mateso ga mwa Kristo, mufulaiye ili mpate kushangilia mugate nakufunuliwa na ukulu wakwe. 14 Mbe vamtukila kulina vya mwa Kristo mwakadehelwa kunguno Roho sondo ya uhanya na Roho ya mwa Seva yuwikala mwigulya ninywe. 15 Lakini kudu aigele ninya yomo wakuvatesa kiti muulagi, msambo muvezya mavi au uyo akwitumamela na magambo gangi. 16 Lakini mbe mtu akuteswa kite Kristo kudu awone soni kumbe amndehele Seva mugate na lina lenelo. 17 Kwakuva itungo lyafikaga kulapeleziwa kwandya mugate mukaya mumwa Seva. Mbe ikuandizya kuwiswe ikave vine kwao wakali kumn'dehela Seva? 18 Na mbe "mtu msoga akapiziwe kuvetila malambu ikave vie ku mtu uyo wigele osoga wa zambe?" 19 Kunguno wose avovaleteseka kuvetila usoga wa mwasea vakabizi myoyo zyao kumuvezya masoga uhanya ili vavezya masoga.