1 Itungo lyinile it'ulagi ukenaguzi wose, ulambaha, ufi, iwov'a na l'ufusano. 2 K'iti v'ana v'acheche, mutogwa mav'ele masoga ga usondo, ili kuv'a mkow'ole kukula mngat'e ya upanga, 3 mb'e mwalauzizye k'uva Mngosha ni msoga. 4 Izii k'uv'akwe uyu ni iwe ipanga e'lo likalile e'lo lyananya na v'antu ila lin'ilo lyakasagulwa na Sev'a na lyahana kabisa kuw'akwe. 5 Inywe niywe ni kint'i mawe ago guishi agogazwengilwe hii gulya na kaya ya usondo, ili uw'e msondo uyo ufumya dhabihu zya usondo e'zyozyukubalika na Sev'a kuv'itila uYesu Kristo. 6 Utona w'oyomba e'hi, "Lole, nat'ulaga mngati iwe lya kumnpelo, ik'ulu na lyasagulilwe na usoga, e'v'e utaninzya mngati msav'a akashe aone e'nsoni". 7 H'evyo isima ni lyakuwinywe e'nyu aw'o ml'etaminzya. Ila, "lweilo lyakanwa na v'afundi, ile, lyakav'a iwe ik'ulu lya k'upelo"- 8 na, "iwe lya kwikumpa mngamba kwa kwikumpa."V'asav'a w'ovikumpa, aw'ow'og'ukana umuhayo, kunguno hangi mb'e wasag'ulwa kwigambo e'le. 9 Ila inywe ni igongo e'lolyasang'ulwa na mtemi mk'ulu e'ns'e sondo, ya vantu utemi w'omwa Sev'a, kumbe mkole kuhembeka magambo ga nsoni ga mnyo uyo wamwitama mngati ya giti kwiza k'uwinyu mwanga gwa nsoni. 10 Enyu mbuk'i mb'emkav'ile v'ant'u, ila itungo lyimil'i v'av'aga v'antu v'a mwa Sev'a. Enyu mkapandikile mola ya sombe, ila kwitungo e'li mwapandekaga mola ya sombe. 11 Vatogiwa, namwitanaga k'uva mwivageni na uwazurujaji kwiima kufuma kutamaa embi ya ukenagazi, e'nzyo lyny'eguma e'vita na myego y'iswe. 12 Mkoviwa muwe na sembo nsoga hagati na liwelelo, mbe, k'iti v'a k'umyomba k'eti ivyo mwitaga magambo ga u'vi vak'udimil'ela milemo yinywe e'soga na kumpongezya Sev'a - mgati ya sik'u ya kwiza kuwakwe. 13 E'shimu utemi wose v'a v'ant'u k'uajiri ya Mngosha, mb'e mtemi kiti mkulu, 14 mbe vatemi aov'atumwa mk'uvadhibu v'av'ezya makosa na k'uvatangazwa aw'o wowita magambo. 15 K'unguno ni utogwe u'mwa Sev'a, k'uv'a kwita masoga muhul'ekya e's'ue's'u ya kuz'alau ya vantu v'alele. 16 K'eti vant'u viyagauleli, kudumu ut'umile wiyagauliwe winyu k'iti mfuniko gwa ukenaguzi, ila mwit'ek'ite v'aat'umani vamwa Sev'a. 17 Isima k'uvant'u wose. Vatogwi v'adugu. Mogohi Sev'a. Mmweshema mtemi. 18 Vibal'uwa v'amweshimu wagosha v'ao kwisima lyose yikal'e d'u wagosha aw'o v'asoga na v'atungi, ila nao v'akenaguzi. 19 Kw'ivi ni e'sifa mb'e yos'eyos'e ak'uvumilia, mausatu kw'itungo ah'o usulibiwa bila kuvi na ehaki kunguno ya mpola yakwe Sev'a. 20 N'e faida k'ii eyo yiho be mwikala kuv'evya mankenaguzi hang'i mwendelea kugumwa? Ila mbe mwitaga masoga hene msulubiwe na kuhukumiwa, yiniy'e ni sifa sondo kumwa Sev'a. 21 Kw'ele mb'emwitanwa, kunguno Kristo nawe wasulubiwa k'unguno yinywe, wakamlekela umfano k'uwenyu k'ulonda mpambala zyakwe. 22 Umsav'a ak'itile ukenaguzi, wala akigelile na u'lulunganwa wo,se wo'se mamalomo gwakwe. 23 Itungo u'msava ah'ombe watumwa, akas'uvizye matusi, ahomb'ewateseka, akogohile ila mbe vif'umya mwin'ekile u'msava asulubiwe atungwe k'u hana. 24 Mwinikili msava mb'e vakasomba mankenaguzi g'iswe mgati na muv'ele gwakwe hamt'i ngumo kudukuv'e na ieneo lingi mgati na mankenaguzi, kwikale kunguno ya hana. 25 K'ugumwa kuwakwe inywe mwapil'a. Wose mb'e mlit'ukatuka k'et'e nk'olo e'yoyatag'ika, kumbe vyene mwasuv'a k'u md'emi na mwangalizi wa mny'wego.