Esura ya 1

1 Petro, muhemba wa mwa Yesu Kristo, ku v'ageni v'a usambalo, kuv'asoga, mgate ya Ponto yose, Galatia, Kapadokia, Asia, na Bithinia, 2 kulingana na umanye wa mwa Sev'a V'av'a, kuogiwa na Mwengo Sondo, kwu uzunywe wa mwa Yesu Kristo, na kutulilwa mnoge gwake. Chelu yiv'e kuv'ing'we na ukonde wing'we wongezyeke. 3 Sev'a V'av'a v'a Mgosha wonswe Yesu Kristo na kudeha. Mgate na ukomu wa rehema yakwe, wakupa iutwa hangi ku wigimu wa usazi iv'itela izyukululo mwa Yesu Kristo ifuma mgate na lufu, 4 kuv'u savi uv'o ukagulumizya, kuduhu iv'a na uv'i ninga ipungula. Utulilwe kwilunde nguno ying'we. 5 Ku nguzu vya mwa Sev'a muangalelwa iv'itila ukonde wa upanga ambao wi tayari kufundukulwa mgate ni tungo lya mwisho. 6 Twogi mgate nili, ninga vyane lelo yutakiwa kuwing'we kuwona v'iwi mgate na magemelo ga aina zingizinge. 7 Yineyi, ku nguno ukonde wing'we ukowole kugemelwa, ukonde uwo ni nswawo kukila dhahabu, heyo yetagikile mgate na moto ugo kugemela ukonde winswe. Heyi kufumila ana ukonde winswe, mpandiko kuwuta masoga, udehelwa, ni sima mgate na ufundukulo wa mwa Yesu Kristo. 8 Mkamuwine msav'a, kumbe mintogwile. Mukamwona lelo, kumbe mzumizye mgate nawe na mwina utongwe uwo ukakawola iyombeka ku wutogwe uwo wokalile udehelwa. 9 Vyene mkupokela ing'we v'asava matokeo ga ukonde wing'we, upanga wa nafsi zing'we. 10 Vafumu v'akola na kuwuzwa visoga upanga uwu, chelu ambacho mbe ying'we. 11 Wakov'a kumanya nzila ya upanga uwo mbe wiza. V'akola hangi kumanya itungo ke Roho mwa Kristo uyo mugate yawo ndiakoyomba ki nawo. He ndiyili ifumila itungo ahondiuwiv'ela mapema nguno ya luduko lwa mwa Kristo na ukonde ambao mbe wamlonda. 12 Yafundukulwa na v'afumu ndi v'ale ligav'ezya magambo aga na siyo kunguno yawo v'inekile, kumbe nguno ying'we - maganako ga magambo aga kuv'etela v'ale valileta magambo kuwing'we ku nzila Roho ya Sondo ayowatumwa kufuma kwilunde, magambo aga ninga malaika wuwigumelwa kufundukumwa kuwake. 13 Itungi masala ginywe mmukimbile muwe v'apole kufuma mmawazo gin'gwe. Muv'e na wugimu msoga mgate na Chelu iyo ikuletwa kuwing'we itungo lya kufundukulwa kwa Yesu Kristo. 14 Kite v'ana wasoga, kuduhumtugwe v'enekele na mpema izyo mwazilonda itungo ilo ndi mwigile umanye. 15 Kumbe kiti ivyo wavitana uyo msondo, ning'we hangi, muv'e vasondo mugate na nsembo zing'we zyose maisha ging'we. 16 Mbevyene yitonilwe, "Muwe na sondo, nguno Ene ndi msondo." 17 Na mbe mwitane "V'av'a" ayo akutunga ku hana kugelanizya na milemo zya kurugendo lwako mgate na kunywenywera. 18 Mmanyile kuv'i ndikuduhu ku hela/dhahabu - vintu ivyo virivipa- hivyo mwapizwa kufuma ku nsembo zing'we zya ulele izyo mwahembekwa kufuma ku mwa v'av'a wing'we. 19 Kumbe mwapiziwa kufuma kumnoge na isima lya mwa Kristo, keti nkolo iyoyugele mav'i na masoga. 20 Kristo wasogolwa kabla ya misingi zya welelo, kumbe vyene nsiku izi zya mwisho, mwafundukulwa nig'we. 21 Mlimuzunywa Sev'a kuvilela msav'a uyo Sev'a wa msyukulula kufuma kwao vafyile na uyo wampa sondo nguno ya ukonde wing'we na ugumu uwe mgate na Sev'a. 22 Mwetile mwinyo zing'we kuvi misoga ku wigwe wa hana, ku idhumuni itogwa lya kidugu ilo msoga, mbe vyene itogwi kumilo msoga, mbe vyene itogwi kumoyo gwape. 23 Mwakamala imutwa hangi ka uwili siyo ku mbiyu mbovu, kumbe kufuma mgate nambiyu iyoikakuvipa mwa Sev'a ili lisigile. 24 Mbe vyene " mivili yose kiti madutu na sondo yakwe yose kiti ina lya idutu. Idutu lyukala, na iua lyugwa, 25 kumbe igambo la mwa V'av'a lyusiga herehao." H'eli hi gambo ambalyo lya sunsumulilwa kiti mihayo ying'we.