1 Malaika vatanu vakakava oghanda lwake. Ngakaona ng'eng'eri ifuma ruveu yekeri imegwa orikenyi. Ng'eng'eri nyileningwa funguo o irungu inadambuka irungunyi jilaode mwisho. 2 Karugwa irungu jilaode na mwisho, msu uksdoja uye ko safu ifuma ndani ya irungu cha msu ifuma katika itanuru jiduo. Ruva na ruveu sheleghaluka shikava moma kokitevi kya musu ulefuma irungunyi. 3 Ndani ya musu njighe valefuma icha uye ya orika, na navo valeningwa pinya chaiya yandola uye ya orika. 4 Valeviwa iumisa mara katika orikenyi ana mmea wowose o mara mara ana kidi, ila vandu valaode muhuri o Makilunga katika kiamnyi kyovo. 5 Valenengwa nafasi ye veegha ivo vandupo, ila nyivinisa tu ko mieri itanu. Ivavya javo nyokeri chauja oimadwa na ndola kamuimada mndu. 6 Katika furi sor vandu vapeshigha kipu, kake vapekionapo. Vapefuda ipa, kake kipu kipevadicha. 7 Njighe silefanana na farasi valederwa ko mesa. Indu midonyi yavo kuvakeri na kindo cha itaji ja dhahabu na kiomu kyavo shekeri cha vandu. 8 Veveode mbii chasavaka maighe vavo vekeri cha vasimba. 9 Vevode na kipuva cha shipuva sha menya iru makungo vavo vekeri cha iru ja motoka vafoje va shida na farasi vanekambya edambuka shidenyi. 10 Veveode na mwashi uneimada cha ndola; kake miashi yavo nyeveode pinya yemumisa vandu ko mieri itanu. 11 Vekeri nacho cha mangi uye yavo malaika o irungu jileode mwisho. Rina jake ko Kiebrania nyi abadoni, ko Kiyunani nyaode rina Apolioni. 12 Ole ya kuvoka imeida. Lambwenyi kikaida iki kipecha maafa vavi vanecha. 13 Malaika o sita nyalekava o ghanda lwake ke, ngakaichwa iru jinafuma mbarinyi ya madhabahu ya dhahabu ikeri o shangunyi o Makilunga. 14 Iru jilembia malaika o sita evekeri na o ghanda, ''Vadeje malaika vana vapugyadabu nduo Efrata.'' 15 Malaika vaja vana vakeri vamederwa ko kigheri ikyo malumu, furicho mori icho, mwaka icho valetijwa vome theluthi ya vandu. 16 Idadi y maskari vaja vekeri uye ya farasi nyekeri 200, 000, 000. Ngakaichwa idadi yavo. 17 Nyikudi ngaleona farasi katika maono vakwa na vaja vadoje uye yavo shipuva shavo shekeri shitorodu cha modo, buluu ihijwe njano ilahijwe. Mido ya farasi nyelefanana na mido ya simba, momunyi yavo nyulefumya modo, musu salifa. 18 Theluthi ya vandu valeaghwa na iva mapiga varadu: va modo, musu, salifa ilefuma momunyi yavo. 19 Koikyo pinya sa farasi sekeri momunyi yavo na miashinyi yavo - koikya muashi yavo nyekeri cha njoka, vevekeri na mido venetumia evikya shidonda sha vandu. 20 Vandu valesighaka, vaja vekeri valameaghwa mapigo ivapo, valetubu shindo shavo shekeri vameshuuta, nama valetijapo eabudu najeni miungu ya dhahabu, irorovo, shaba, magho, i shida, shindo shilapedima eona, eichwa na endambuka. 21 Nama valetubu eagha javo, usavi wavo, uasharati wavo na njia savo sa wivi.