Mbwana ya 10

1 Nakaona malaika ungi mdue anesokawanda ifuma ruveu nyekeri apungya katika irindi, kuveode mdovasi o mbua uya ya mdo wake o shangu wake nyokeri cha ruva madende vake vekeri cha nguvo sa modo. 2 Nyeveode gombo jinina kokonyi kwake jekeri jimepunwa, nacho nyaledera kudende kwake ko kujo uye ya olubalubalu na kudende kwake kumoso uya ya orika kuonye. 3 Kisha kadosirya iru uye cha simba karunduma, kigheri ikyo kadosirya iru ikururuma saba sikarunduma. 4 Kigheri ikyo ikururuma saba vekururuma jekeri kufui na ereghya kake ngakaichwa iru ifuma ruveu ikaamba, ''Dera ive siri kija kya ikururuma saba sadeda ulareghye.'' 5 Kake malaika ngalemwana nyaimkanwe uye ya olubalubalu na orikenyi kuomye nyaleteshwa koko kwake uye ruveu. 6 Na ekudengya ko uja anedamya ndarasi na ndarasi - elerunda ruveu na shose shikeri, orikenyi na shose shikeri olubalubalunyi na shose shikeri: ''Kupeva na ekelejwa kavipo. 7 Kake katika furi iya kigheri malaika o saba apeshika ekava o ghanda lwake, nyihu siri ya Makilunga ipeva imeshika chakundu eleamba ko vadumwa vake vaitori.'' 8 Iru ngalejiichwa ifuma ruveu nyilengivia kavi: ''Enda, iriya gombo jinina jipujwa kee jikeri katika koko ko malaika alane makana uye ya olubalubalunyi na uye orikenyi luomye.'' 9 Kake ngadambuka ko malaika ngakambia na nginingye gombo jinina. Akangivia, ''Irya gombo na uje jipeuta ndou yapo ive inavava, kake katika momu wapo upeva ulodye cha uki. '' 10 Ngaleirya gombo jinina ifuma mokonyi va malaika ngakaja jekeri jilodye cha uki katikamomu okwa, kake ngama eja, ndeu yakwa ikava inevava. 11 Kake baadhi ya iru silengivia, ''Nyuinyare etabiri kavi kuhusu vandu vafoje orika, lugha, na vamangi.''