Mbwana ya 11

1 Ngaleninga mkodo o tumia cha msenge yepimya. Ngakaviwa, ''Kure na undepima kanisa ja Makilunga na madhabahu, na vaja vakeabudu ndani yake. 2 Kake ulapime andu ko nja ya kanisa ko nja kanisa, kokitevi valenengwa vandu vamataifa. Vapeuvada miri mtakatifu ko kigheri kya mieri arubani na ivi. 3 Ngapevaningya mashahidi vakwa vavi mamlaka vetabiri kigheri kya furi 1, 260, vakeri varerye magunia.'' 4 Iva mashahidi nyi shidi shivi sha miezi unyilo Mndumi orikenyi. 5 Chakire mndu wowose apefuda evazuru, modo upefuma dumbunyi javo na evazuru mbichwa wavo. Wowose anefuda evazuru lazima naaghwa ko njia iki. 6 Mashahidi iva vaode uwezo o punga anga kamatika mbua ilakava kigheri vaketabiri vaode pinya yeghalusa mringa uve ndakame nekava orika kolika aina ya mapigo kigheri kyokyose vakafuda. 7 Kigheri vapeva vamemarija ushuhuda wavo, uja mnyama amefuma irungunyi jilaode mwisho apeuta shida kati yavo. Avashinda na evaagha. 8 Osese lwavo nyipelaa katika kitalu kya muri mdue (ko mfano nyunadikirwa Sodoma na Misri) nyipo Mndumi wavo valemsulubisha. 9 Ko furi siradu na nusu baazi ifuma katika jama sa vandu, kabila, lugha, na kila orika vapeilambwa osese yavo nama vapefuna rusa iderwa katika irungunyipo. 10 Vaja vanadamya orikenyi vapeurokya kokitevi kyavo na esherekea, na edumyana sawadi kokitevi ikyo vaitori vavi valevavinisa vaja valedamya katika orika. 11 Kake bada ya furi siradu na nusu mwaomwa o uhai ifuma ko Makilunga ipevaingya navo vapemkana ko madende upevaghuja vaja vanevaona. 12 Navo vapeichwa iru jidue ifuma ruveve ikevavia, ''Njionyi kunu!'' Navo vapedambuka uye ruveu katika irindi kigheri adui vavo vakenelambwa. 13 Ko saa iya kupeva na kituru kidue arizi na imu ya kumi ya muri ipegwa. Vandu elfu saba vapeaghwa katika kituru vaja vapebaki varukye vape o ghoshwa na emnenga utukufu Makilunga o ruveu. 14 Ole ya kavi imeida. Lambwa! Ole ya karatu inacha o vinyi. 15 Kisha malaika o saba kakava o ghanda lwake iru jidu sikadeda ruveu sikadeda ufalme o orikenyi umeva ufalume o Mndumi odu na o Kristo wake. Nyapetawala ndarasi na ndarasi.'' 16 Kisha vasuri ishirini na vana vekeri vadamije shitirinyi sha enzi o shangunyi o Makilunga valegwa vavenyi wanda kwenye arizi, shiamu shavo shiramye wanda, navo valemtereva Makilunga. 17 Vakadeda, ''Jafuna kaho sedu kwapo, Mndumi Makilunga, mangi o shose, kee nyekeri na nyokeri kokitevi ameirya pinya yapo nudwe na ivoka etawala. 18 Mataifa valeilusha, kake azabu yavo imecha. Kigheri kimeshika ko wafu ehukumiwa na igwe evazawadia vadumwa vapo vaitori, vaamini na vaja vaode uwoghu orina japo, vose vavi valapeva kondo na vaja vaode pinya. Nakigheri kyapo kimeshika kevakenyamara vaja vameva vakeinyamara orika.'' 19 Kisha ikanisa ja Makilunga ruveu jikapunwa na isanduku ja agano jake jikaonekana ndani ya hehalu jake. Kuvoode na iali ya kilangaro, olodo, mrunduma, oikururuma, kituru kya wanda na magho vambua.