Mbwana ya 12

1 Ishara ndue ileomwa ruveu: mndumka emesheshikijwa na ruva, na kava na mori ghwanda ya madende vake; na itaji ya njoka ikumi ivekeri uye ya mdo wake. 2 Evekeri ashimbye ive na evekeri anafugha kokitevi kya ufee o ana - katika ivavwa ufee. 3 Na ishar ingi ileonwa ruveu: Lambwa! Kuvekeri na njoka itorodu ndue ambaye ivekeri na mido saba na vembe ikumi, na vekeri na mataji saba mdonyi mwake. 4 Mwashi wake uletindika theluthi imu ya ng'eng'eri ruveu ne sikumba ghwanda ya orika. Njoka ya ikaimkana ushangunyi lo mndumka emeshikye iiona, ile ke kigheri ana oana, ili napate mmera mwanake. 5 Eleona mwana, mwana o ghomi, ambaye apeimkaniya orika lose ko msenge o menya. Mwanake eleukwa uye ya Makilunga na kitiri kyake kya enzi, 6 Na mndumka elekambija nyikanyi, mahali Makilunga emetobira andu ko kitevi kyake, ili nadime ihudumia ko furi 1, 260. 7 Lwaha kuvekeri na shida ruveu. Mikaeli na malaika sake vakakavana na njoka ya; n njoka ya na malaika sake vakavana navo. 8 Kake njoka yevekeri na oru lotoshapo. Ko ikyo ivekeri na mwanya sepo ruveu kokitevi kyake na malaika sake. 9 Njoka ndue -- njoka iya ya kala ichedikirwa ibilisi ana mokituva ambaye nyichelemba -- orika lose ikakumbwa ghwanda kimu nacho. 10 Alafu ngaichwa iru ndue ifuma ruveu: ''Lwaha wokovu umecha, oru - na umangi o Makilunga odu, na udue o Kristo wake. Mekoja mshitaki o mndu wedu ukumbwa ghwanda -- ambaye alevashitaki ushaghunyi lo Makilunga odu msanyingi na kiyo. 11 Velmlemwa ko ndakame ya mwanaimondo ko kidedo kya ushuhuda kwavo, ko kitevi velekundapo mnu idamya javo, ata ipa. 12 Ko ikyo, orokwenyi, inywe, na vose mdamije ngonyi yake. Kokitevi nyaichi ke nyaode kigheri kinna tu. 13 Kigheri njoka emanya amekumbwa ghwanda ya orika, elemvadya mndumka ambaye ameona mwana oghomi. 14 Kake mndumke eleningwa makungo vavi va tai mndue, ili nadime itola hadi andu kuletobirwa kokitevi kyake kuja olukungunyi, eneo jija ambalo edima adwa adwa, kokigheri, nyakati na kinusu kigheri -- andu njoka ilapedima shika. 15 Njoka ilebuswa mringa ifuma momunyi mwake cha dahu, ili nautegharika ye kugharikisha. 16 Kake ghwanda ilemtarama mndumka. Ile rugwa momu wake ne imera dahu ilepichwa na njoka momunyi wake. 17 Kisha njoka kamwilusha mndumka nacho elekurene uta shida na ushao wake vose -- vaja vanatii amri sa Makilunga ne siada kuhusu Yesu. 18 Alafu njoka kaimkana uye ya maifa ifukunyi o ulubalubalunyi.