Mbwana ya 13

1 Kisha ngaona mnyama efumya olubalubalunyi. Evekeri na mbembe ikumi na mido saba. Katika mbembe sake kuvekeri na itaji ikumi, na katika mdo wake kuvekeri na shindo she kufuru Makilunga. 2 Mnyama chu ngelemlambwa chakundu chui. Madende vake vakeri chakundu dubu, na momu wake uvekeri chakundu simba. njoka ya ikamninga oru, na katikakitili kyake kya enzi, na mamlaka veveode oru mnu o tawala. 3 Mdo o mnyama umu uleonwa iva na ngoru ndue yeuta kipa kyake. Kake ngoru yake ikachiha na orika lose lukalijwa na im mbadya mnyama. 4 Kavi vakamtereva njoka, kitevi elemningiya mamlaka mnyama uja. Vakamteleva mnyama kavi, na ''Nyunga apekavana nacho?'' 5 Mnyama kaningwa momu ili na dede shidedo she kuuwona ne shedenga. Eleidikijwa iva na mamlaka ko mieri arobaini na ivi. 6 Kudo mnyama elerugwa momu wake ideda shedengo kokitevi kya Makilunga, kajidenga rina jake, eneo evekeri adamije na vaja vanedamya ruveu. 7 Mnyama eledikijwa iita shida na waamini ne vaida na kavi eleningwa mamlaka uye ya kila kabila, vandu, lugha na orika. 8 Vose vadamije orikenyi velemtereva icho, kil aumu ambaye rina jake, jilareghwa, fuma irundwa ko orika katika itabu kya usima, ambakyo kya imwana imondo, ambaye eleshinjwa. 9 Ikava vose vaode kudu, navaadanye. 10 Koje umuavo nyairwa mateka, na matekanyi apedambwa. Koja umu avo apeagha ko iponga, na ko ipanga apeaghwa. Iki nyi kidikiro na kye rimija imani kya vaja vakeri va mwele. 11 Ngaona kabvi mnyama ungi anacha ifuma katika orika. Evwkwri aode mbembe sivi cha imondo na enededa cha njoka. 12 Elelora mamlaka vose katika mnyama uja o kuvoka, uja jeraha jake jile chiha. 13 Kauta miujiza iyode oru, ata modo uso ke katika orika ifuma ruveu ushangunyi lo vandu, 14 Na ko ishara eleidikijwa iuta, karalemba ivo vechendamya katika orika, kavavia itobira sanamu ko nganyi ya mnyama ambaye evekeri emetemwa ko ipanga, kakebado enedamya. 15 Nyeleruhusiwa ifuna iyomwa katika sanamu iya ya mnyama ili sanamu idime deda ne sababisha vaja vose velelegha imtereva mnyama vaaghwe. 16 Kautya oru kila umu, alaode thamani na aode oru, mnduaode ma uja alaode, huru na mdumwa, iyadija ngoru katika koko ko kujo ana katika kyamunyi. 17 Ivekeri ipedimapo ko kila mndu ikumba ana iura ila keri uja aode ngoru ya mnyama, na iki nyikyo namba ipewakilisha rina jake. 18 Iki ikundye busara. mekoje vovose vaose urongo mde nadime iuta itala namba ya mnyama. Kokitevi nyi namba ya vandu. Namba yakenyi 666.