Mbwana ya 8

1 Kieri kija mwanakondoo ujaalerug'wa mihuri saba, kulevova sau ruveu takiriban nusu saa. 2 Kake ngalaona malaika saba vaimukie ushangu nyi o Makilunga, na vakaningwa tarumbet saba. 3 Malaika ungi kacha, nyaode bakuli ya dhahabuiode uvumba, nyaimkye madhabahuni. Kaningwa uvumba uoje kokitevi ke vaufune andumu na kiterevo ko vaja vaichi vose ko madhabahu vadhahabu ushangunyi o kitiri kyo enzi. 4 Musu o uvumba uja, anduamu na kiterevo kya vaja vaidu, kodoja uye ushangunyi o Makilunga ifuma kokonyi ko malaika. 5 Malaika kafuna bakuli ja uvumba na kajichurisa modo ifuma ko madhabahu. Alafu karukuta gwanda uye ya urika, na kukafumya iru ja radi, shilsngsro sha radi na idedema ja urika. 6 Malaika vaja saba vaja vekeri vaode tarumbeta saba vakava tayari isikava. 7 Malaika okuvoka kakava tarumbeta jake, na kukafumiya mbuwa ya magho na modo usangirina na ndakame. Shikakumbwa wanda ko orika kokitevi kee theluthi yake ihye, theluthi ya shidi nyilehya na shing'aro shamara mara shikahya. 8 Malaika okavi kakava itarumbeta jake, na kindo ch aifumbu jiduwe jekeri jikehya modo ukakumbwa ko mringa ukusaralye. Theluthi ya mringa ukusaralye ikava ndakame, 9 Theluthi ya shimbe shirukye ko mringa ukusalalye shikspo, na theluthi ya usese sikanyamarwa. 10 Malaika o karaolu kakava itarumbeta jake, nyota nduwe ikagwa ifuma ruveu, yelangana cha kurunzi, uye ya theluthi ya dahu na chemchemi ya mringa. 11 Irina na nyota jelaghwa pakanga. Theluthi ya mringa ikava pakanga, va vandu vafoje vakapo kokitevi kya mringa ukarinji. 12 Malaika o kana nyalekava itarumbeta jake, na theluthi rwa nyilekavwa, anduamu na theluthi ya mori na theluthi ya nyota. Kokitevi kyo theluthi yoyose ikaghaluka ikava moma; theluthi ya msanyenyi na theluthi ya kio shekeri na kilangaropo. 13 Ngalelambwa, na ngaichwa tai usaekeri anetola makidi ya anga, edikira ko ini jiduwe, ''Ole, ole, ole, ko vaja vakerendamya urikenyi, kokitevi kya mlipuko o tarumbeta isailebaki isaimeshikya ikavwa na malaika varadu.''