1 Kokitevi kyo ngaleona malaika vana vamkie koninyi inya sa urikenyi, vaketincha urukuta niya ko pinya kokitevi kee laulave na urukuta unanguruma orikenyi, uye ya mringa ukusalalie ana kyokyose kya shidi shoshose. 2 Ngakaona malaika ingi akinacha ifuma mashariki, usaaveode mhuri o Makilunga arukie. Kafugha ko iru jiduwe ko malaika vana vaso waleni ngwa ruhusa yeidya urika na mringa ukusala lye: 3 ''Mlanyamare orika, mringaukusalalye, ana kidi kee andu jipeva jimekidera mhuru katika pajisa mido shavedumwa va Makilunga vedu.'' 4 Ngaichwa idadi javaja valedikirwa mhuri: 144, 000, vasa vale kavwa mhuri ifuma ko savandu va Israel: 5 12, 000 ifuma ko mbari ya Yuda vale kya mhuri, 12, 000 ko mbari ya Rubeni, 12, 000 ifuma ko mbari ya Gadi. 6 12, 000 Ifuma ko mbari ya Asheri, 12, 000 ifuma ko mbari ya Naftali, 12, 000 ifuma ko mbari ya Manase. 7 12, 000 ifuma ko mbari ya Simioni, 12, 000 ifuma ko mbari ya Lawi, 12, 000 ifuma ko mbari ya Isakari, 8 12, 000 ifuma ko mbari ya Zebuloni, 12, 000 ifuma ko mbari ya Yusufu, na 12, 000 ifuma ko mbari ya Benjameni valevikya mhuri. 9 Kabla ya kundoki ngalelambwa, na kokeri na mbumbu ifoje vasa koveode mndu edima vaetalapo ifuma laila taifa, mbari, vedu, na lugha - vaimkie ushangu okitiri kya enzi na ushangu omwana oimondo. Varakie kanzu siilye na vaode matawi va mitende mokonyi vavo, 10 Navekeri vanadikira ko iru ja uye: ''Wokovu nyi ko Makilunga usanyadamije katika kitiri kya enzi, na ko mwana oimondo!'' 11 Malaika vose vekeri vaimukanye vakitengetie kitiri kya enzi na ivatengeta vasuri vaja anduamu na vaja varukye vana, vakarama gwanda maifunyi na vakavikya shamu shavo uye a aridhi ushaugunyi okitiri kya enzi na imtereshe Makilunga, 12 Veamba, ''amina! Sifa, utukufu, hekima, itereshe, hekima, uwezo na pinya shive ko Makilunga odu ndarasi na ndarasi! Amina!'' 13 Kake amu ovasuri vaja kangivesera, ''Ivanyivaki varye kanzi iilye, nangukuvafuma? 14 Ngambia, ''Mndumi mduwe, nauchigwe, ''Kangivia, ''Iva vaja valefuma ko shidenyi nduwe. Vasisanja kanzi savo naisiuta sivesiilye ko ndakame ya mwana kondo. 15 Kokitevi kyo, vakeri ushanganyi okitiri kya Makilunga, navakere mtereshe icho kio na msanyenyi ipo kanisenyi jake. Icho adamije uye ya kitiri kyo enzi nyapetagha hemayake uye yavo. 16 Nama vapeona njaa sepo, nama nyoda sepo. Ruvajipe vakorapo, nama oto jekorapo. 17 Kokitevi mwana kondoo usaakeri makidi o kitiri kya enzi nyapeva mwombya wana, na nyapeva songoja katika chemchemi ya mringa oucha na Makilunga nyapevaangasa kila mndu msoru ko meso vavo.''