1 Ngalambwa kieri mwana kondoo usaalerugwa umu mihuri ya saba, ngaichwa umu ova varukye vana eamba ko iru jifananye na ikururuma,. ''Njoo!'' 2 Ngalamba kake koveode farasi ailye! Usaamu dojie nyekeri na bakuli na kaningwa itaji. nyalefumia cha mshindi usa acheshinda kee na shinde. 3 Kieri mwanakondoo erugwa mhuri o kavi, ngaichwa vajavarukye vavi veamba, ''Njoo!'' 4 Kake farasinsongi sikafumiya - cha modo. Usaamudoje nyaleningwa rusa yefuna amani orikenyi, kokitevi ke vandu vashinjane. Ichuamdoje nyalenigwa ipanga jiduwe. 5 Kieri mwana kondoo erugwa mhuri o karadu, ngaichwa vaja varadu veamba, ''Njoo!'' Ngaona farasi onjuu, nausa audoje nyaode kilo kokonyi kwake. 6 Ngaichwa iru jisa jileonywa cha mndumu java vaja varukye eamba, ''Kipapa kya ngano ko dinari imu na shipapa shindu sha shairi ko dinari imu. Kake ulavamene mafuda na divai.'' 7 Kieri kija mwana kondoo ekerugwa mhuri uya o kana, ngaichwa iru ja ujaaode iruka eamba, ''Njoo!'' 8 Kake ngaona frasi o maifu maifu. Usaamudoje naja lelangwa kipa, na kovarimu nyekeri yembadia valeningwa mamlaka na ngoo uye ya urika, koia gha ko ipanga, ko njaa na ko nduari, na ko vamanya navusudunyi ko orikenyi. 9 Kieri mwana kondoo erugwa mhuri okatanu, ngaleona wanda ya mazabahu ngoo sa vaja vekeri vameaghwa kokitevi kya kidedo kya Makilunga na kokitevi kya ushuhuda valenada ko loi. 10 Vakerefugha ko iru jiduwe, ''Pakaindii, mtawala o shoshe, mwele na loi, nyupevapunga vaja vadamije uye ya orika, nailipisa kisasi ndakame yedu?'' 11 Kake kila umu nyaleni ngwa ikanzu jiilye vakeri wa ke vatakiwa vaedeje kimina naandu kipeshikya atalwa jose vedumwa vaja valeaghwa. 12 Kieri mwana kondoo erugwa mihuri sita, ngalelamba na koveode idedemo jiduwe. Ruvajikava janjuu cha igunia ja siga, na mori msima ukava cha ndakame. 13 Nyota sa ruveu sikagwa wauda ipo urikenyi, cha kundu mtini uchearambwa ndunda sake o kieri kya mbeho andu uche sijwa na unikuta. 14 Anga nyilekure chakundu gombo jile bingiriswa. Kake ifumbu na kisiwa shilesamirwa anduake. 15 Kake vaitori vaorikenyi na vandu maarufu na majemedari, vandu vashiodu, vaja vaodepinya, na kila umu usa ekeri modumwa na huru, vakakurika kuja mbakonyi na katika miambenyi ya ifumbunyi. 16 Vakaivia mafumbu na miamba, ''Jighujenyi! Jirikenyi zidi ya kyanu kyake ujaadamije kitirinyi kya enzi naifuma nyasi ya mwana kondoo. 17 Kokitevi furi kuu ya nyashi yavo imeshikya, nanyinga apedima imukana?''