Mbwana ya 5

1 Kake gaona kuoka ko kujo ko uja avekeri adamije kuja kitirinyi cha enzi, galukoya jileadikwa oshangunyi omuma, jivikya mihuri saba. 2 Galemuona malaika usaode oru pinya akerededa iru jiduwe, ''Nyungaapeva irugwa gombo naisidosa mbwana sake?'' 3 Kode mndu ruveu ana urikenyi ana wanda ko orika usaledima irugwa gombo ana ijisoma. 4 Ngalefugha ko irimiji kokitevi ko veode wovosepo usaalapeva ijirugwa gombo ana ijisoma. 5 Kake umu ovasuri kangivia, ''Ulafughe. Iambwa! Simbo ombari ya Yuda, ishina ja Daudi, nyashinda, nyapedima ijirugwa gombo na mwa na sake saba.'' 6 Kati ya kiliri kyake kya enzi nausa aode iruka vana naanduamu na vasuri, ngaleona vaode mwana oimondo aimukye, nyakere onekana ana aghwa. Nyekeri na mbembe saba na meso saba - ishi nyingoo saba sa Makilunga sisa sija siledumwa orikenyi kwose. 7 Kadambuka kajinya gombo ifumo ko koko ko kujo ko uja adamije kokiteri kya enzi. 8 Eirya igombo, vaja vaode iruka vana na suri ishirini na vana vakaimkana mpaka ushangunyi omwana oimondo. Kila umu nyekeri na kinubi na bakuli ya nyasi isa ichurye urumba usa nyikitevo kya vaja vaichi. 9 Valeimba wimbo muhya: ''Usaatakiwa ijifuna gombo nainigwa mihuri sake. kokitevi nyale shinjwa, na ko ndakame yapo komuurya Makilunga vandu vakila mbari, lugha, na jamaa na urikenyi taifa. 10 Ukawauta uthume na vaitori kokitevi kye muitya Makilunga odu, navo vapeitori uye ya orikenyi.'' 11 Kake ngapelambava na ngaichwa iru ja malaika vafoje vetengeta kitiri kya enzi - idadi javo jivekeri 200, 000, 000 vaja varukiye na vasuri. 12 Vakaideda ko iru jiduwe, ''Usaaurya mwana o imondo usanyashijwa ko iadija pinya, umangi, hekima, pinya, heshima, utukufu, na sifa.'' 13 Ngaichwa kisa kila kiletobirwa kisa kikeri ipo ruveu na urikenyi na wanda ko urika nauye ya mringa ukusaralye kila kindo kwake kikededa, ''Kwake icho usaadami je uye kilirinyi kya enzi kya mwana imondo, kuve sifa, heshima, utukufu na pinya yeitoro ndarasi na ndarasi.'' 14 Vaja varukye vana vakaamba, ''Amina!'' Navasuri vaaimuka wanda neitereva.