1 Ko malaika va kanisa ja Sardi reghia: 'Shidedo sha uja aghodie ngoo saba sa Makilunga na ngengeri saba. ''Ngaichi kija o kiuta. Ughode sifa yeva urukye, kake nyu - pie. 2 Tukwa na usangirie shabaki, kake shikeri kufui naipa, ko kilevi ngalevona shindo shapo shikeri savasava mesonyi ko Makilunga okwa. 3 Ko ikyo, kumbuka, shija uleshiadija na ishiadanya ushikunde na idumbuja. Kake ulemetukwe. Ngapecha cha mwivi, na upemanya saa isa ngapecha kwapo po. 4 Kake kughode marina manina ipo Sardi navo valechafua nguvo savo. Vapedambuka pamoja nainyi, vararie nguvo siilie, kokitevi vakeri savasava. 5 Uja apeshinda nyaperarikwa nguvo siilie, na kamwe ngapejifuta rina ifuma kitabu kya ucha, na ngapejisenda rina jake ko Papa na ko malaika. 6 Uode kudu, adanya Ngoo ikevavia makanisa.'' 7 ''Ko malaika va kanisa ja Philadefia reghia: Shidedo sha uja akeri mwele o loi - aghode funguo sa Daudi, nyapeshinga na kuode aperugwapo, nyapeshinga na kuode apedima rugwapo. 8 Ngaichi kija o kiuta. Lambwa ngakuderija mbeleapo mongo urughujwa nacho kuode apedima ushingapo. Ngaichi uode oru kinina, rin jakwapo. 9 Lambwa! Vaja vose vakeri va sinagogi ja mokituva, vaja vechiamba ivo nyi Wayahudi na kumbenyivopo. Kilemi kyake vakekemba. Ngapevafanya vache na itubu mbele ya madende vapo, na vapemanya ke ngalekukunda. 10 Kokuwa nyuletunza ivavaso jakwa na irimija loi, napekuringa loi ko saa yapo ye ghereshwa nayo nyikenacha ko orika lose. Nyapegheresha vose vaja vachedamia orikenyi. 11 Ngakenecha ovinyi. Wadasana kija ukioghode ili kulawade mundu apeiria taji yapo. 12 Ngapemvika icho apeshinda nave ngoo ya hekalu ja Makilunga okwa, na apefuma injapo kamwe. Ngapejireghia kwake rina ja Makilunga okwa, rina ja muri oo Makilunga okwa (Yerusalemu njihia, yasoka gwanda ifuma ruveu ko Makilunga okwa), na rina jakwa jihia. 13 Uja aode kudu, naichwa kija Ngoo inadeda ko makanisa.' 14 ''Ko malaika va kanisa ja Ladikia reghia: 'Shidedo sha icho Amina, motegemewa na shahidi mwaminifu, mwitone oo ighumba ja Makilunga. 15 Nangaichi kija mlekiuta na kura igwe chi mbehopo na chi modopo, ngaketamani kee mbele uveva mbeho ana modo! 16 Ko, kilevi igwe nyi vuguvugu chi modo namachi mbehopo, ngapekudaika ufumemomunyi okwa. 17 Ko kilevi igwe, ''Nyi mangi, ngaghode omaso ludue na ngauri, kyokyosepo.''Kake uichi kee igwe nyi mkiva sana, ohuzunikywa, mkiva, ulaoni na duhu. 18 Adanya ushauri okwa: Uru kokwa dhahabu isanjiwa ko modo ili uve mmangi, na nguvo siilie semetemeta ili urare kumonyi na ulalore sonu ya duhu yapo, na mafuda ve kushija meso vapo ili oghone. 19 Kila uja ngamukundie, nganemlora na imlosha namna ye damie; ko ikyo, iva loi na idumbuja. 20 Lambwa ngaimukye mongo naibisha. Oose apeichwa iru jakwa na irugwa mongo, ngapecha na ingia numbenyi kwapo, na ija kando nacho nacho nainyi. 21 Icho apechinda, ngapemninga haki yedamia gwanda anuam nainyi kitirinyi kyakwa kya enzi, chakundu nainyi ngaleshinda na idamia gwanda anduam na Papa uye ya kiliri kya enzi. 22 Uja oghode kudu, naadanye kija Ngoo yaambia makanisa.''