1 Ko malaika va kanisa ja efeso reghia: ishi nyi shidedo sha uja ashivodie sha ngengeri saba kuokonyi kwake ko kujo. icho apedambukya ko shinara sha dhahabu sha taa saba kadeda kudo.'' 2 Ngaichi ikyo ukiuta ko bidii yapo ya uya na irimija japo kuwa husiana navo vanyamaripo. na nyulea gheresha vose vakedikira kee mitume na kumbe kudopo, valeghonwa kee vavongo. 3 Ngaichi kee peimuka na irimija, nyuleiya shifoje ko kitevi kya rina jakwa, na umelemwapobado. 4 Kake iki nyikyo ngaghode ngatayapo nyuleutia ukundo wapo o kuvoka. 5 Ko ikyo kumbuka handu ulegwa, kotubu na kouta shindo uleshiuta tangu kuvoko. Ulemetubu, ngape cha kwapo na ikisembera kinara kyapo ifuma andu ake. 6 Kake igwe noode ikii, nyukeneiria shija sha Wanikolai valeuta, nasho hata inyi nganeshisua. 7 Chakire ughode kudu, adanya shija ngoo ikenavia makanisa. Nako icho aleshinda ngape muninga kibali kya ijaa ko ifuma kidinyi kya ucha ukeri paradiso ko Makilunga.' 8 Ko malaika va kanisa ja Smirna reghia: 'Isho shidedo sha uja oo kuvoka na mwisho uja alepa na iruka kavi: 9 '''Ngaichi mateso vapo na ukiva wapo (kake igwe nyi mundu oghode), na vongo ovaja vakedikirwa nyi Wayahudi (kake nyivo - vaoni sinagogi ja mokituva). 10 Ulaogwe mateso vapekupata. Lambwa! Mokituva nyauri mkumbenyi baadhi yanu jela ili mpate ighereshwa, na mpeteseka ko mifuri ikumi. Venyi vaaminifu mpaka ipajanu ngamuningenyi taji ja uhia. 11 Chakire uode kudu, adanya Ngoo chakundu inavavia kya kavipo.' 12 ''Ko malaika va kanisa ja Pergamo reghia: 'Isho nyisho alededa icho na ipanga jiamije, jiamije kose kose. 13 Ngaichi andu udue - andu kikeri kitiri kya enzi kya moktuva. Na kudo igwe ujiode mnu rina jakwa na uleilegha imani yapo ikeri kokwa, hata mfiri sija sa Antipasi shahidi okw, mwaminifu okw, aleaghu gholosi yanu, iho nyiho andu moktuva akedamia. 14 15 Kake ngaode shidedo shinina kwapo: uode ipo vandu vaghode kilosho kya Balaamu, icho alemlosha Balaki ivikya shikwazo ko vana va Israeli, ili vaje kando kalefunua sadaka ko midaso na kovarimu. Kohali ya hata igwe uoghode baadhi yavo vaghode kilosho kya Wanikolai. 16 Basi tubu! Na ulemevike kudo, napecha upesi, ngapefanya shida dhidi yavo ko iipanga jipefuma ko mom okwa. 17 Chakire uode kudu, adanya Ngoo chakundu ike navavia makanisa. Uja apeshinda, ngapemninga baadhi ya kija maana irikywa, na ngapenenga ighoo jiilie jireghiwa rina jihia uye ya ighoo, rina jo kuode ajichipo isipokuwa nyi uja alejiadija.' 18 ''Ko malaika va kanisa ja Thiatra reghia: ''Isho nyi sho shidedo sha Mwana o Makilunga, uja aode meso vake cha mwali o modo, na ndufua cha shaba ituriwa sana: 19 ''''Nangaichi ikyo outa - o kundo wapo na imani na huduma na irimija japo thabiti, kura nakija okiuta kudi kufui nyi saidia ya kija ulekiuta kuvoka. 20 Kake nangaode iki dhidi yapo: unamrimija mndumka Yezebeli achikudikira amonyi nabii mka. Ko kilosho kyake, anavadesa vadumwa vakwa vakelaana na ija kando kilefunwa sadaka ko sanamu. 21 Ngalemninga mda o tubu, kake akeri tayari itubu uvichwa wake. 22 Lambwa! Ngapemkumba uli o nduari, na vaja vakefanya usharati navo vapeva matesonyi madwe lelo vatubu ko ikyo alikiuta. 23 Ngapevakava vape na makanisa vose vapemanya kee inyi nyinyi ngachechungusa kisaro na ndakire. Ngapemuninga kila umu wanu chukundu yeuta jake. 24 Kake ko inywe mlebaki Thiatira, ko vaja vose valaleada kilosho kya mokituva, ng'amba kwanu, 'Ngapedera uye anu mlagho o osepo.' 25 Ko kindo kyokose lasima muve imara mpaka handu ngapecha. 26 Icho ose apeshinda na iuta kija ngaleuta mpaka mwisho, ko icho ngapemnenga usima ko orika. 27 Nyapeva msima ko msenge o chuma, chabakuli sa udongo, nyapevadosa shipande shipande.' 28 Chakundu ngaleadija ifuma ko Papa okwa, ngapemnenga nacho ngengeri ya kitalang'a. 29 Uvode kudu, adanya kija Ngoo inavia makanisa.'