Mbwana ya 21

1 Ngaona tuveu njihya na orika luhya, kimekoja rwe ya kuvoka na orika lo kuvoka simeida, na mringa o kusalala uvekeri sepo. 2 Ngaleuona mri mwele, Yerusalemu njihya, hayo nyilecha wanda ifuma ruveu ko Makilunga, utobiriwa cha mndu mwaji atobiriwa kokitevi kya miake. 3 Ngeleichwa iru jidue ko ifuma kitirinyi ka umangunyi ye amba, ''Lambwa! Edamia Makilunga vakeri anduamu na vandu, nacho apedamia andu amu navo. Vapeva vandu vake, na Makilunga amonyi apevanavo na apeva Makilunga wavo. 4 Apeangasa msoru wose ifuma mesonyi vavo, na kupeadase kipupo, ana itomonyire, ana ifugha, ana ivaviwa. Shindo shakala shimeida. 5 Icho edamije uye ya kitiri cha umanginyi nyaleamba, ''Lambwa! Ngana uta shindo shose iva shihya.''Nyaleamba, ''Reghia iki kokitevi shidedoshi nyi hakika na loi.'' 6 Nyalengivia, ''Shindoshi shilemeida! Inyi nyi Alfa na Omega, usinde na ulau. Kwa wowose ameona nyoda ngape mringa kyenywa alapeliha ifuma riso ja mringa ochiha. 7 Icho apesisa apewada shindoshi, na ngapeva Makilunga wake, nacho apeva mwanakwa. 8 Kakake chakundu vakeri vaogu, valaichi, veringa nyashi, veagha, vanongo, vasavi, vetereva marima, na vaode vongo vose, kwavo kupeva irungunyi ja modo o kibiriti kipakora. Ikya nkyo kipukya kavi.'' 9 Umu o mlaika saba alecha kokwa, umu nyavekeri na shirambo saba na shirambo saba shiode ikavwa saba ya ene aliamba njo iha ngape kulora mndu mwaji, mke o mwana oimondo.'' 10 Nyalengiiria kwacha ko ngoo ifumbunyi mdue na nyulehye na nyule ngilora muri mwele, Yerusalemu, o soka wanda ifuma ruveu ko Makilunga. 11 Yerusalemu nyiveode utukufu ko Makilunga, na ivoroka jake jivekeri cha kindo kya ulole, cha igho ja kiangalia kiilye kya yaspi. 12 Kuveode ng'andandue, ulehye uode mongo ikumi na ivi, anduamu na malaika ikumi na vavi ya vana va Israeli. 13 Ngaliko ya mashariki kuweode mango iradu, ngaliko ya kusini miongo iradu, ngaliko ya kasikazini mongo iratu, na ngaliko ya magharibi miongo iratu. 14 Nganda sa muri siveode misingi ikumi ivi, na uye yake nyiveode marina ikumi na vavi va vedumwa ikumi na vavi va mwana o imondo. 15 Umu nyadedye nainyi nyaveode kipimo kya msenge itobirwa ko dhahabu kokitevi kye pimo miri, mongo yake na nganda sake. 16 Mri nyulederwa mrabenyi; ilelehajake jiihamie na ila ndaha jake. Nyale pima mringa ko kipimo kya msenge, stadia 12, 000 ko ileha (ile hajake, ilandaha, iendawanda shiihiane). 17 Nakudokudo nyale pima ng'anda yake, ishubuhajake uvekeri dhiraa 144 ko shipimo sha vandu (nasho nyi shipimo sha malaika). 18 Ng'anda nyive shumbiwa ko yapsi na mringa uode dhabahu lilie, chakiangalia kiilie. 19 Misingi yang'anda nyilevikiwa ulole na ko kila ighoja thamani. Jakuvoka jekeri yaspi, jakavi jekeri yakuti samawi, jakaradu jekeri kalkedon, na jakana zumaridi, 20 Ja katanu Sardoniki, na jasta akaki, naja saba Krisolitho, na jana nane Zabarajadi, na ja tisa yakuti ya mriko, jakumi Krisopraso, jakumi naimu hiakintho, jakumi na ivi amethisto. 21 Mongo ikumi na ivi nyivekeri lulu ikumi na ivi, kila mongo utabiriwa ifuma lulunyi imu. Shiongo sha miri nyivekeri dhahabu iilie, ikeomia chakiangalia kiilie. 22 Ngaleona hekalu jojose mrinyipo, kimekoja Mndumi Makilunga, nacho anaitori uye ya shose, ko Mwana o imondo nyi hekalu jake. 23 Mri uveuri rwa ana mori o langara uye yakepo kokitevi kya utukufu o Makilunga nyule langara lyelyake, na kilangaro kyake nyi Mwana o imondo. 24 Mataifa vapedambuka ko ilangara ja mricho. Vafalme va orika vapeende shavo iposhi. 25 Miongo yake ipeshingwa msanyenyipo, na kupaada kio ajapo. 26 Vapeende shavo na makene ya mataifa iposhi, 27 nakuode kiiluhye kipeingia iposhipo. Nama wowose apeuta kindo jojose jasonu ana jelemba apeingapo, nyi vaja marina vavo vareghiwa kitabunyi kya uchiha kya Mwana o imondo.