Mbwana ya 20

1 Kake ngaleona malaika esoka ifuma ruveu, ekeri aude ufunguo oirungu jilaode mwisho na nyoro nyoroo nduwe ukeri kokonyi kwake. 2 Nyalesoka njoka uja, nyoka okala, usa nyi mokitau na mokitau, naivapunga miaka elfu. 3 Nyalekumbwa ko irungunyi jilaode mwisho, kajipunga na ijivikya ufano uye yake. Iki kyekeri kudo ili kee alavalembe vaja valaiche kavi hadi mwaka elfu andu upesia. Andu ya iho, nyapelekelegwa huru ko furi kinina. 4 Ngaleona shitini sha enzi. vajavekeri vashidamije vaja vekeri vaningwa uduwe o kipungo. kija kija ngaleona ngoo sawa sawa vekeri vadumbujwa mido kokitevi kya ushuhuda o Yesu na kidedo kya Makilunga. Vekeri vamemwabudu muyamapo ana sanamu yake, navaja valelegha iadija. Ufano uye o kipaji kya (ushangumi) kyamunyikyavo ana na Kristo ko miaka elfu. 5 Vaja vapie vasa valesighaka valecha andukuchapo hadi miaka elfu andu yekeri imesia. Icho nyicho irusa ja kuvoka. 6 Mndu aodembora na mwele nyimudu wowose usa nyacheirya nafsi ruswa o kuvoka! Kipa kyakavi kiode pinya uye yavandupo chakundu iva. Kupeva na vaitori va Makilunga na va Kristo vapeitori nacho miaka elfu. 7 Kieri miaka elfu ipeshikya mwisho, mokitau ngaperughujwa ifuma gerezani kwake. 8 Nyapedambuka nja ivalemba vandu valaichi ko kona sina sa urika - Gogu na Magogu - iraende andu amu kokitevi kya shida. Vapeva vafoje cha msangalala o mrihgenyi ukusalalye. 9 Valedambuka uye ya tambarare ya urika navo valetengeta kambi ya vaja vaichi, mri ujaukudya. Kake modo nyulecha ifuma ruveu na ivaagha. 10 Mokitau, ujaale valemba, nyalekumbwa ziwani jisa jikereaka modo o kibiriti, usa mnyama na vaja velemba vavongo wekeri vamekumbwa. Vapeteswa msanyenyina kio ndarasi na ndarasi. 11 Kake ngaleona kitiri kya enzi kiduwe kiilye nauja adamije uye yake. Urika na ruveu sjileolicha kwacha ifuma ko uwepo wake, kake koveode nfasi yavo iendapo. 12 Ngalevaona vasalepa - hodari na vaja valakeri mhimu vaimkanye ko kitirikya enzi, na shitabu shikarughujwa. Kake kitabu kingi kikarughu kya uzima. vaja vapie valepungwa ko kija kireghwa ko kitabu, shafumya ko shija valeshiuta . 13 Mringa ukusalalye nyile vafuna vaja vapie vaja vekeri kwake. Kipa na kovaimu shilevafuna vavo vasa vekeri kwake, na vaja vapie valepungwa ko shija valeuta. 14 Kipa na kovarimu sile kumbwa ko ziwa ja modo. Kyekerikipo kya kavi - ziwa ja modo. 15 Chakundu irina ja mndu wowose jile koja jiandikiwa po ndani ya kitabu kya ucha, nyalekumba ko ziwa ja modo.*