1 Baada ya iho kokeri na ndima ya Vayahudi, na Yesu nyeledo ja idambuka Yerusalemu. 2 Na kuya Yerusalemu kuvekeri na kisima mongonyio imondo, jisa jenelaghwa ko kidedo kya Vaebrania Bethzatha, najo jiode matao vatanu. 3 Vandu vafoje valuwe vekeri, valaonye, shiwete, ana vaolojvekeri vale mataonyivo loi kigheri kyo malaika nyele soka numbenji ya mndumi we fologhonja mringa. 4 Kweikyo, uja usa apeva o kuvoka ingia numbenji baada ya mringa ifologhonjwa nyeleuti ywa ucha ifumana na kyokyose kyekeri kimwoode ko kigheri kyo. 5 Na mundu umu ekeri aluwe ko kigheri kya miaka makumi 3 na nane nyekeri numbenyi ya matao. 6 Yesu emwona alee numbenyi ya matao na baada manya ke nyale aja ko kigheri kilehye Yesu nyelembia, ''Mjuuri uchihye?'' 7 Mluwa uja kamtalwa, ''Mndumi ngoode mundu, apengidera kisima nyi kigheri mringa unefolighonjwa po. Kigheri nganegherisha ingia mundu ungi nyane ngisongoja.'' 8 Yesu kambia, ''Kure na iriya igodoro japo udambuke.'' 9 Nayo mundu uja kachirywa, kairya uli wake kadambuka. Na furucho kokeri furu ya Sabato. 10 Kweikyo Vayahudi vakambia mundu uja achirywa, ''Inu nyi fura ya Sabato, peidikijwa ukudile igodoro japo.'' 11 Katalwa, icho alengichira nyicho angivia, ''Irya igodoro japo udambuke.'' 12 Vakavesera, ''Nyi unga akuvia 'Uirye ogodoro japo undambuke?''' 13 Kake, uja mchirywa amuvichi po, ko kitevi yesu nyekeri amekure ko kirika. Mwkoje kuvoode vandu vafoje uvarinyi cho. 14 Baada ya iho Yesu nyelemkoja munduja kanisani kambia, ''Lambwa ,umechiha! ''Ulante sambi kavi ulache ukaandwa na kindo kivichwa munu.'' 15 Mundu uja kadambuka kandevavia Vayahudi ke Yesu nyicho mkira. 16 Ikyo, ko kitevi kya shindo sho Vayahudi velemvinisa Yesu, ko kitevi nyeleuta shindo shi mfuri ya Sabato. 17 Yesu kavavia, ''Papaakwa nyameuta uya ata lwaha nainyi ngameuta uya.'' 18 Ko kitevi kyo Vayahudi velemshigha vamwaghe nyi ke ko kitevi kye funja Sabato po, nyi ko kitevi kyemlagha makilunganyi Papa ake, ekwitai ke icho nyi Makilunga. 19 Yesu kavatalwa, ''Amini, amini, Mwana apedimapo iuta kindo kyokyose kake kya kisa amwo na ndiye akekiuta, mekoje kyokyose ndiye akekiuta na Mwana napekiuta. 20 Mekoje Papa nyamkundye Mwana, namlore kila kindo achakiuta na nyape mlora shindo shidue kuliko ishi kinesa narijwa.'' 21 Mekoje chakundu chija isho Papa achevarusa vapijene vaninga moo, nakudo Mwana kavi achemninga wowose amkundye. 22 Mekoje Papa nyee mhukumu wowose , kake nyamninga Mwana hukumu yose. 23 Kitevi vose vamninge nganyi Mwana chakundu kija Mwana animningya nganyi ndiye. Icho alaode nganyi ko Mwana apedimaada unganyi ko Papa damnduma. 24 Amini, amini, uja apeichwa kidedo kyakwa na imwamini icho alengiduma aode moo o ndarasi na apeukumiwapo. Ngataake nyaida ifuma kipenyi na ingya moonyi. 25 Amini, amini, nganevavia kigheri kinecha na lwaha ukiri usa vapije vapeichwa olodo o Mwana o Makilunga, na vose wapeichwa vapedamia. 26 Mekoje chakundu ikyo Papa aode na moo mumbenji yake amonyi, 27 Nayo amuingya Mwana iva moo numbenyi yake, na Papa amemningya Mwana uitoria kitevi uaukumu mekoje nyi Mwana o Adamu. 28 Mlarijwa na iki mekoje kigheri kinecha kisa vapije vose vakeri makaburinyi vapeichwa olodo lwake 29 Navo vapefuma nja: vaja vateuta nechako iruswa o moo na vaja valeuta uvichwa ko iruswa ko ukumu. 30 Ngapedima iute kindo kyokyosepo ifuma kokwa ngimonyi. Chakundu ngekeri, ichwa kudo ngapeukumu na ukumu yakwa nyi ya loi mekoje nganeshigha ukondo okwapo kake ukundo wake uja alengiduma. 31 Chakundu ngakejishuhudia ngimonyi, ushuhuda okwa uveva o loi. 32 Kode ungi aneshuhudia ko inyi nangamwichi ko uloi ushuhuda aneshuhudia nyo loi. 33 Mmeduma ko Yohana nacho ameishuhudia loi. 34 Ata kudo, ushuhuda ngane uadija unefuma ko mundu po. Ngakinadeda ishi kitevi mkiriywa. 35 Yohana nyekeri nyi kilangaro kyekeri kikyeaka na ilangara, na mokeri mkelorokywa ko kigheri kilangaro kyake. 36 Ushuhuda ngauode nyi mdue idaa uja o Yohana, ko uya usa Papa angininga isimarija, uya cho ngakenuta sineshuhudia ke Papa nyangiduma. 37 Papa alengiduma icho amonyi amengishuhudia inyi. Mlemchwe olodo lwake nama iona mbwanaake kigheri kyose. 38 Koode kidedo kyake kikadavuya numbenyi yanu mekoje mnemwaminipo icho adumwa. 39 Mnevashingija miregho mwichi ke numbenyiake mode moo o ndarasi, na miregho yo ineshuhudia kidedo kyakwa 40 Muuricha kokwa kitevi mwadije moo o ndarasi. 41 Nganeadija ikwitai po ifuma ko vandu, 42 Kake ngelemanya ke koode ukundo o Makilunga numbenyi yanu inywe vavenyi. 43 Ngalecha ko rina ja Papa ikwa, mledima imwadija po. Ungi kacha ko rina jake momwadija. 44 Kuda mwedima umwamini inywe vasa mnandija ikwitai ifuma ko umu wanu kake mpeshigha ikwitai ipefuma ko Makilunga o amonyi? 45 Mlaite inyi ngape vashitaki oshangunyi lo Papa. Apevashitaki inywa nyi Musa, usa inywe mlevikya isaa janu kwake. 46 Koja mokeri mkemwamini Musa lee, mongyamini inyi ko kitevi nyelereghya shitedo shakwa. 47 Koja ulapeamini mifegho yake, mpedima kuda iamini shidedo shakwa.?