Mbwana 17

1 Yesu nyelededya shindo shi; alafu katuveshwa meso vake ilambwa ruveu kaamba ke, ''Papa, saa imeshika; mwale mwanapo kitevi mwana nacho na kwale igwe - 2 Chakundu ulemningya uitorya uye ya shose shiode osese matika navaniangye moo o ndarasi vaja vose omningya 3 Ikyi nyikyo moo o ndarasi: ke vakumanye igwe, Makilunga o loi na okumonyi, na nyicho ulemduma, Yesu Kristo. 4 Ngelekuala iha orikenyi, na imarija uya ulengininga ngiuute. 5 Lwaha, Papa, inyi anduvamu na igwe kumonyi ko uwalenyi uja ngekeri navo andwaanu na igwe kigheri orika ulanarundwa. 6 Ngalejipuma rina japo ko vandu ulengininga iha orikenyi. Vekeri vandu vapo; kake nyulenginigya inyi. Navo vamekada kidedo kyapo. 7 Lwaha vaichiko kila kindo ulengininga inyi kinefuma kwapo, 8 Ko shidedo shija ulenginingya inyi -- ngamevaningya ivo shidedo sho. Veleshiadija na loi vakamanya ke inyi ngelefuma kwapo, na vakaidikya ke igwe nyigwe ulengiduma. 9 Ngamewaterevya ivo. Ngameuterevya orika po, kake vaja ulengininga mekoje ivo nyi vapo. 10 Shindo shose shija nyi shakwa nyi shapo na shija uode, igwe nyi shakwa; nainyi ngamemwala ko isho. 11 Inyi ngakeri kavi orikani, kake ivo vakeri, nainyi lwaha ngacha kwapo. Papa mwelu, varinge ko rina japo jija ulejinginga ise kitevi ivo navo vave vanu, chakundu inyi na igwe jikeri vamu. 12 Ihaandu ngekeri navo, ngelevaringa ko rina ulengininga; ngalevaringa, na kuode nama umu wavo aledeka po kake mwana o adekye, matika ke kireghwa kishikye. 13 Lwaha ngakinecha kwapo; kake nganeda ishi orikenyi matika ke uorokywa okwa ushikye numbenyi yavo vaveni. 14 Ngavaningya kidedo kya po; orika nyavo ilusha ko kitevi ivo nyi va orika, cha kuudu inyi ngalakeri o orika. 15 Nganevaterevya ke mvavune orikenyi kake uvaringa na uja mnyamari. 16 Ivo vaorikapo chakundu inyi ngalakeri o orikunyi. 17 Uvadere mbora kwapo kumonyi ko loi; kidedo kyapo nyikyo loi. 18 Nyulengiduma orikenyi, nainyi nganevaduma orikenyi. 19 Ko kiktevi kyavo inyi ngimonyi ngamekufuma kwapo matika navo vakufume kwapo ko iya loi. 20 Ngiva tuupo ngakinevaterevya, kake na vaja vapeidikija koigya kidedo kyavo. 21 Matika ke ivo navo vave vamu chakundu igwe Papa, ukeri numbenyi yakwa nainyi nuubenyi kwapo. Nganevaterevya matika ke no kavi vadime iva numbenyi yedu matika orika udime idikija ke igwe nyigwe ulengiduma. 22 Umwele uja ulenginingya inyi -- ngamevaningya ivo, matika ke vadime iva vanu, chakundu ise jikeri vanu -- 23 Inyi numbenyi yavo, naigwe numbenyi yakwa, matika vadime idivirywa ko vanu; matika orika umanye ke loi igwe nyigwe ulengiduma, chakundu igwe ulengikunda, inyi. 24 Papa, kija ulengininga inyi -- ngafugyeke ivo kavi vadime iva vamu nainyi andu ngakeri matika vadima ona uele okwa: uja ulenginingya: mekoje igwe nyulengikunda inyi kigheri kulamerudwa ko kiacho kya orika. 25 Papa uode loi, orika ulekuma nyapo igwe, kake inyi ngakwichi igwe; vaichi ke nyulengiduma. 26 Ngelejiutya rina japo jimanyika kwavo, na ngapejiuta jimanyike matika ukundo uja usa kweikyo ulengikunda inyi jidime iva numbenyi yavo, na inyi ngidimeiva numbenyi yavo.''