1 Ngavavienyi shindoshi mlachaninga inyalwa. 2 Ngapevafuma nja ya masinagogi; loi magheri vanecha vose vekagha vapevikiri kwamba vaneuta uya mcha koajili ya Makilunga. 3 Ngapevautia kudo kokitevi vamwichi Papa po na vangiichi inyipo. 4 Ngelevavia, shindoshi kode wakati upeshika ifumya, mmedima ivakumbuka na chakundu keleviwa navo. Kokitevi shindo shija tangu kwanza, kokitevi ngekeri imu na inywe. 5 Inyi lwaha, nganedambuka koujaelingiduma; 6 kake kuoda mndu amengivesera, ''Ngukuuneendapo?'' Kokitevi ngadedo shidedo ishi kwanu, isononeka koichura ngoonyi sanu. 7 Ata kudo, ngavavienyi loi: nakicha kwanu ngakure; apecha kwanupo, kokitevi ngadambuka ngapemduma kwanu. 8 Kacha, mfariji apeusibitesha orika ihusiana na sambi, ihusiana na loi na ihusiana na hukumu. 9 Ihusiana na sambi, kokitevi velengiamini inyipo, 10 Ihusiana na loi, kokitevi nganeenda ko Papa, mpengiona sepo; 11 Ihusiana na hukumu kokitevi mdue o orika ilu amehukumiwa. 12 Ngaode shifoje shevavia, kokitevi mpewamanya luahapo. 13 Kokitevi, icho, Ngoo ya loi, kacha, apevaongoza nyapevasongoja navalore loi yose; kokitevi apededa koajili yake amonyi, kokitevi oose apeshiadanya; apeshideda shindosho; na nyapeziirisha kunu shindosho shipecha. 14 Icho nyapengitukusa inyi, amu nyapeshiirya shindoshakwa shose neshitangasa kwanu. 15 Shindo shose ashiode Papa shakwa; kokitevi, ngasamehe kwambo ngoo aperya shindo shakwa apevazihirisha kwanu. 16 Bado kigheri kifui, mpengiona sepo; na baada ya kigheri kifui mpengiona.'' 17 Baada ya vaoshwa vake vakaveveda, ''Ngikyo anejivia, ''Kigheri kifui, mpengiona kavipo,' kisha, kigheri kifui mpengiona,' kokitevi nganedambuka ko Papa?'' 18 Koikyo vakadeda, ''Kindo kiki anededa, 'Bado kigheri kifui'? Jiichi cha kundu anededapo.'' 19 Yesu nyaleona ke valetamani imbesera nacho kavavia, ''Mneveserana vavenyi kuhusu ishi, ngaleshindeda, 'Bado kigheri kifui, mpengioonapo; na baada ya kigheri kifuri vapengiona'? 20 Amini, amini, kanevavia, mpefugha na omboleza, kake orika upesherekea, kupeva na uzuni kake isononeka janu jipeghaluka jive seko. 21 Mundumka umu nyaneva na ukiva kigheri ikyo anevavwa ufe ukia; mwana, ameonika orikenyi. 22 Inywe nainywe muode ukiva luaha, kake ngapevaona kavi; na ngoo sanu sipeorikwa nakode apedima sembera sia yanupo. 23 Sikuyo mpengivese maswalipo. Amini, Amini, ngavevaia, mkatereva ko Papa, apevaninga ko irina jakwa. 24 Mpaka luaha mmetereva kyokyosepo ko irina jakwa; orevenyi, na inywe mpeadija ili sifa yanu ishikye. 25 Ngelededa na inywe ko lugha ilenemanyika, kokitevi kigheri kinecho ambacho ngapede ko lugha ilapemanyika kokitevi ngapevavia waziwazi ihusu Papa. 26 Sikuyo mpeteleva na irina jakwa, na ngapeva viapo ngapetereva ko Papa koajili yanu; 27 Kokitevi Papa amonyi nyavakundye kokitevi mlengikunda inyi na kokitevi mlengiamini inyi ngelefuma ko Papa. 28 Ngelefuma ko Papa necha orikenyi; ne , dambuka ko Papa.'' 29 Vafundishwa vake vakambia, ''Noone, luaha nyunededa wazi wazi na unetumia mafumbopo. 30 Luaha, jiichi nywiichi shindo shose, na uuri nakuvesere maswalipo. Kokitevi jineamini kuwa nyunefuma iko Makilunga. 31 Yesu kavavia, ''Luaha mmeamini?'' 32 Lambua, kigheri kinecha, ndipo hako ineshika, ambayo mpetawanyika kila umu, na wavo apetija amonyi. Kake nyinyi ngimonyipo kokitevi Papa nyakeri na inyi. 33 Nganevavia shindoshi numbenyi kokwa muve na amani. Orikenyi muode tabu, kake jiningenyi ngoo, mupeushinda orika.