1 Shio sita kabla ya Pasaka, Yesu eledambuka Bethania, evekeri Lazaro, icho ambaye elemrusa ifuma katika mpie. 2 Asi vaka mkonya kando kya kiukwanyi ipo, Martha kamikya, kigheri kyo Lazaro evekeri umu na vaja vadamije kumu na Yesu. 3 Kisha Mariamu kairya ratli ya manukato vetobirwa na nadro iilye, iyode thamani ndue kamshia Yesu madendenyi, na imwangwa madende ko mbii sake; numba yose ileichura mbungo njicha ya manukato. 4 Yuda Iskariote, nyumu o vaja ko vakulosho vake, ambayo ncho apemsaliti yesu, kaamba, 5 ''Ngikgi manukato iva mlakumbe ko dinadi miasirabu na vakaningwa vandu valaode?'' 6 Nacho eleamba kudo, chi ke ivahurumya valashiode kokitevi eleva mwivi: Icho nyicho eleada mfiko o hela na evekeri anairya baadhi shederwa iho kokitevi kyake amonyi. 7 Yesu kadeda, ''Mtie adere ikyo aode ko kitevi kya shio she irikywa jakwa. 8 Vandu valaode mpeva navo furi sose; kake mpevapo nainyi furi sose.'' 9 Isanga jidue ja Wayahudi valepata imanya kwamba Yesu nyakeri ipo ipo, navo vakacha, chi kitevi kya Yesu po, ila va mwone Lazaro ambaye Yesu elemrusa ifuma vandu vapie. 10 Navo vadue va makuhani vakautanjama ili vambwaghe Lazaro; 11 Maana ko kitevi kyake vafoje katika Wayahudi vakamwamini Yesu. 12 Na furi ya kavi isanga jidue velecha ndimenyi. Veichwa kwamba Yesu anacha Yerusalemu, 13 Valeirya maramba ya shidi sha mitende na ifuma nnja neenda kumlaki vakakava ulodo, ''Hosana! Avikywa mbora icho apecha ko rina ja Mndumi, mangi o Israeli.'' 14 Yesu elimwada mwana - isirikonyi kamdoja; cha kundu irighwa, 15 ''Ulaogwe, binti sayuni; lambwa, Mmanyi wapo anacho, adojye mwana - irighwa.'' 16 Vakulosho vake velemwelewapo ko mambo iva nyelereghwa icho kwamba vameuta ghindo shi shake. 17 Ikundi jija ja vandu jivekeri kimu na Yesu kighire endikira Lazaro ifuma kaburinyi, vaka mwona ko vengi. 18 Na ivekeri kokitevi iki kavi kwamba ikundi ja vandu veleenda kumlaki kokitevi veleichwa kwamba ameuta nyikunya. 19 Mafarisayo vakadedeshana vavo ko vavo, ''Lambwa, hapedimapo iuta kyokyose; Lambwa orika odambuka kwavo.'' 20 Lwaha baadhi ya Wayahudi vevekeri miongonyi mwa vaja vekeri veenda imtereva ndimenyi. 21 Iva velemdambukya Filipo, ambaye elefuma Bethsaida ya Galilaya, vakamterevya vakeamba, ''Mndumi, juri imbwona Yesu.'' 22 Filipo kadambuka kambia Andrea; Andrea na Filipo vakadambuka imbia Yesu. 23 Yesu katalwa kadeda, ''Kigheri kimeshika kokitevi kya Mwana o Adamu kutukuzwa. 24 Kake, kake, nganavavia, punge ya ngano ilemegwe katika orika lo ikapa, hudamya ko hali yo amonyi; bali ikapa, ipeshaa ndunda sifojye. 25 Icho apekunda ngoo yapo apeudesa; bali icho apeuilusha ngoo yake katika ruveu chuu apejisalimisha ata moo ondaasi. 26 Mndu yoyose kangitumikya inyi nangivadye; andu ngakeri naiho mdumwa okwa akeri. Mndu totose kangi tumikya, Papa ape mweshimu. 27 Lwaha ngoo yakwa inaragharagha: nainyi ngiambe kuda? 'Papa, ngikira katika ongeri luu? Kake ko kusudi jii ngameshikya ogheri luu. 28 Papa, ulitukuze rina japo.'' Kisha sauti ikacha ifuma ruveu neideda ngajitukuza nainyi napeji tukuza kavi.'' 29 Basi isanga jeimkana kufui nacho kaichwa, wakaamba kwamba kova na. Vengi vakamba, ''Mwana kaamba.'' 30 Yesu katalwa ne iamba, ''Sauti hii ilechakoaji yakwa po bali ko kitevi kyunu. 31 Lwaha hukumu oruveu ikeri: waha mdue orika ichu apekumbwa nnja. 32 Nainyi ngakadosirwa uye ya orika, ngape va burwa vose kokwa.'' 33 Elededa ivo kalora nyi kipu kinga apepa na kyo. 34 Isanga jikamtalua, ''Ise jaichwa katika sheria ke Kristo apedamya hata ndarasi. Naigwa kuda una amba, ''Mwana Adamu lazima na teshujwa uye? Khu nyi Mwana o mundu unga?'' 35 Asi Yesu kavia, ''Kilangaro kikeri kimu nainywe ko kigheri kinna. Damkenyi ko maana mwode kilangaro kwamba moma ulache ukavadima icho apedambhka momenyi aichi andu anadambukapo. 36 Ingali mwode kilangaro, iamini kilangaro kyo ili mpate va vana va kilangaro .'' Yesu elevadeda iva na kisha kadambuka kakulika valamwone. 37 Kake Yesu deuta ko ishira sifojye ko namna yo oshangunyi lwavo bado vele mwamini po. 38 Iji jitumie kidedo ko mwirotia Isaya, elejiamba: Mndumi, nyunga eleidikija tariifa sedu? Na koko ko Mndumi eleshukwa na unga?'' 39 Nyio kitevi vavo veleamini, po maana Isaya elededa kavi, 40 ''Amevabara meso, nyeleuta siomye ngoo savo valache vakaona ko meso vavo neimanya ngoo savo, ne ongoka na inyi ngava chira.'' 41 Isaya elededa shidedo sho ko kyo nyele uona uwele o Yesu kadeda habari sake. 42 Kake, ata vadue vafoje vele mwamini Yesu; kake kokitevi kya Mafarisayo , veleidikijapo ili valache valache tengwa na sinagogi. 43 Velekunda siha sa wanadamu kuliko siha sichefunwa ko Makilunga. 44 Yesu kakava ulodo na ujamba, ''Icho apengiamini inyi, nainyi bali icho apengeduma nyi, 45 Nacho apengiona inyi nya mwona uja alemuduma. 46 Inyi ngacha cha kilngaro orikenyui kila mndu apengiamini inyi aladamye momenyi. 47 Ikava mndu yoyose apeichwa shidedo shakwa kake na shiade inyi ngape hukumupo; ko mana ngelecha ihukumu orika, bali ngi okoe ruveu. 48 Icho apengikunda inyi na shidedo shakwa, nacho ape mkumu kidedo kyo ngakidedya nkyo kipemhumu furi sa ndarasi. 49 Mana inyi ngelededa ko nafsi yakwa tu. Bali Papa elengida mada,icho amonyi elengduma shindo ngapeshideda ngikadedya. 50 Nainyi nga ichi iduma jake nyi moo o ndarasi; asi ivo ninenayo inyi - cha kundu Papa angivie kudo nganadeda kwavo.''