Mbwana 11

1 Kuvode mndu umu rina jake Lazaro nyekeri alue. Nyalifumya Bethania, kitalu kya Mariamu dada ke Martha. 2 Nyekeri nyi Mariamu uja uja elemshia Mndumi mafuda kampangusa madende vake, ko mbii sake msacha ke nyekeri nyi Lazaro ekeri alue. 3 Nyiho dada va vakadumwa kidedo ko Yesu vakamba, ''Mndumi, lambwa uja umkundye nyanavanya.'' 4 Yesu eichwa kamba, ''Nduarii nyepapo, kake, kokitevi kwa umwele o Makilunga kimatika Mwana o Adamu napate etukuswa kokitevi kya nduari yo vamtereshe.'' 5 Yesu nyalemkunda Martha na msachake Lazaro. 6 Eichwa kuwa Lazaro nyalue, Yesu kadamya shioshivi saidi ga andu ekeri. 7 Kavavia baada ya ijo kavavia vakiloshwa vake, ''Mavenyi Uyahudi kavi.'' 8 Vakiloshwa vakambia, ''Rabi, Wayahudi vekeri vanareghesha ekubule na magho na igwe nyuri euya ipo kavi?'' Yesu kavatalwa, ''Ogheri o msanyenyinyi kumi na shivi? 9 Mndu akava akedamba msanyenyi apeka msidarapo, koikyo nyanaona kilangaro kya msanyenyi. 10 Ata kudo, akava apedambuka kiyo, apekava msidara kokitevi kilangaro kikekwakepo.'' 11 Yesu kamba shindoshi na baada ya shindoshi, kavavia, ''Mongo odu Lazaro nyalaa, kake ngapenda ila ngipate emtukura efuma madionyi.'' 12 Koikyo vakiloshwa vakambia, ''Mndumi, koje nyaka apedukwa. 13 Kigherikyo Yesu nyekeri anadeda habari sa kupu kya Lazaro, kake ivo veneatanyanadeda uye yelamadiyo. 14 Nyiho Yesu kadeda navo kuarye, ''Lazaro apemepa. 15 Ngaode siga kokitevi kyanu, ngekerikujapo kamatika mpate ayamini. Mavenyi kwake.'' 16 Macho Tomasi, achedikirya pacha, kavavia vakiloshwa venzie, ''Naise mavenyi jindipa onduamu na Yesu.'' 17 Kigheri Yesu alecha kakoja, kwamba Lazaro ameingirwa irungunyi mfu o kana. 18 Nacho Bethania nyekeri kufui na Yerusalemu kama kilomita arobaini na tano kudi. 19 Vafoje kati ya Wayahudi vakacha, ko Martha nako Mariamu vandavavia pole kokitevi kya mngyavo. 20 Nyiho Martha akaichwa ke Yesu anacha, kaenda ndekoja nacho, kake Mariamu kandambuka kadamya kanyi. 21 Nyiho Martha kambia Yesu, ''Mndumi, mbele uvekeri iha msachakwa epapo. 22 Ata lwaha ngaichi ke kyokyose upetereva ifuma ko Makilunga, apekuningya.'' 23 Yesu kambia, msachapo aperuka kavi.'' 24 Martha kambia, ngaicha ke aperuka ifuma kovarimu mfuri o mwisho.'' 25 Yesu kambia, ''Inyi ufufuo na uzima; icho akenengiamini, ingawa apepa, kake atakudo nyapeva anaishi; 26 Nacho anadamya naengiamini inyi apepapo. Noneaminiki?'' 27 Kambia, '' Ee, Mndumi nganeamini kee igwe nyi Kristo, Mwana o Makilunga, icho anecha ko ulumwengu.'' 28 Emarija ededa ikyo kadambuka sake nendikira msachake Mariamu kambia, ''Mlosha akeri iha anakudikira.'' 29 Mariamu eichwa ivo kakure movinyi, kadambuka ko Yesu. 30 Nacho Yesu nyekeri amechapo numbenji yakitaru, ilanyekeri amechapo andu aja velekojana na Martha. 31 Navo Vayahudi vekeri na Mariamu onduamu numbenyi vaja vekenemfariji, vemwona ekure movinyi vakafuma nja, vakambagya; valeata ko nyanaenda kaburinyi ndefughyapo. 32 Nacho Mariamu, eshika aja Yesu anduakeri kamwona kagwa wanda ya madende vake vakambia, ''Mndumi, mbele okeri iha mndodu epapo.'' 33 Yesu emwona anafugha, Wayahudi valesha onduamu nacho vekeri vakenefugha na eomboleza na ngoo inatafunjika; 34 Kambia, ''Momlara kuku? Vakambia, ''Mndumi, njiyo umlwambwe.'' 35 Yesu kafugha. 36 Nyiho Wayahudi vakadeda, ''Lambwenyi nyemkungye Lazaro!'' 37 Kake vengi kati yavo vakamba, ''Nyi chupo, mndu elevarugwa meso vauja ekeri alakeneona, aledimapo amtwa mndu chu alape?'' 38 Nacho Yesu, nyekeri anaomboleza ngonyi kwake kavi, kaenda ikaburinyi. Jekeri nyimbako na igho jivikya uyeake. 39 Yesu kamba, ''Jifunenyi ighojo.'' Martha, msachake na Lazaro, uja elepa kambia Yesu, ''Mndumi, kokigheriki osese lupeva lumebuha kokitevi ameva maiti ko shi o shina.'' 40 Yesu akambia, ''Inyi ngalevavia ko mkaamini, mpeona ukuu o Makilunga?'' 41 Kwaikyo vakakajifuna igho. Yesu kateshwa meso vake uye kambale, ''Baba, nganakutereshe kokitevi unangiadanya. 42 Ngalemanya ke ukenengyadanya kala sa kake nyi kokitevi umatiu uimukanywe ungitengeye, koikyo ngadeda ishi kamatika vapate eamini kee nyiligwe ulengiduma.'' 43 Emarija ededa kafurigha ko oru ludue, ''Lazaro, fuma nja!'' 44 Mndu apie kafuma nja nyapungywa moko na madunde shanda serikya na kiamu kyake kyepungywa na nguvo.''Yesu kavavia, '' Mrughujenyi mumlekeje nadambu.'' 45 Na Wayahudi vingi vakacha ko Mariamu anaeona kindo yesu alekiuta Yesu; 46 Koikyo baadhi yavo valeenda ko Mafarisayo nevavia shindo shileutwa na Yesu. 47 Nyiho vadue va Makuhani na Mafarisayo vakakusangirya onduamu barasenyi vakadeda, 'Jipeuta kiki? Mndu chu nyanauta ishara sifoje. 48 Ikava jipemtia kudi icho amonyi, vose na vapemwamini; Warumi vapecha neirya shose andu kodu na orika ludu.'' 49 Ata kudo, mndumu kati yavo Kayafa, ekeri kuhani Mdue mwaka cho, kavavia, ''Mwichi kyokyosepo nama. 50 Mnakusara kele mndu umu nape ko kitevi kya vandu vose kuliko orika lose lusia.'' 51 Iva elevadeda kokitevi kyakepo ila kokitevi ya kuhuni mdue mwaka nyateiroto kele Yesu apepa kokitevi kya orika; 52 Nama chiko orika umonyipo ila Yesu napate kudo evasangirya vana va Makilunga kokitevi vametaghanyika ipo na ipo. 53 Koikyo ivoko furi yo na furi singi vakapanga njama ya yemwagha Yesu. 54 Yesu eledambuka sepo aonekanwepo ko Wayahudi, po ila nyalekure kadambuka orika lukari kufui na olukungunyi kee mricho nyedikilrwa Efraimu. Iho kadamya na vakiloshwa. 55 Ndimi ya Wayahudi nyekeri imeshikya kufui, na vengi vakadoja edambuka Yerusalemu nja ya mri kabila ya ndima kitevi vadimu ekusanja vavenyi. 56 Vekeri vakenembidya Yesu, nededa na kilaumu vakeri vaimkanwe hekaluni, ''Mnakusara kiki? Kee apechapo ndimenyipo?'' 57 Kigheri kyo vaduo va Makuhani na Mafarisayo vekeri vamefuna amri vakamba kee umu kamanya andu akeri, nyanetakiwa naambe ila vapate imwada.