1 Kake, kake ngambienyi, uja alapeingia ko idya mongo o momondo kake nyapedooja ko njia ingi mundu cho nyimwivi na mnyanganyi. 2 Icho akenaingwa moongonyi o mwombia Omamondo. 3 Ko mringi o mongo nyapemrughuja. Mamondo vaadanya iruu jake ake dikira mamondo vake ko marina vavo na ivafuna inja. 4 Kamevafuna nja vaja vakeri vake nyapevasongoja, namamondo vambaadya, am vaichi iruu jake. 5 Vape mbaadya mghenu po ngata vapendicha, am vaichi iriu ja vanghenupo.'' 6 Yesukaamba mfano chu kwavo, kake valemanyapo shindo sho aleshideda kwavopo. 7 Yesu kadeda navo kavi, ''Amini, amini, ngavavienyi, inyi moongo omamondo. 8 Vose vangisongoje vaivi na vaja veche rakwa kake mamondo vale vadanya po. 9 Inyi mongo. Oose apeingia idya kokwa apesanjwa unyamari; nyapeingwa numbenyi na ifuma, nacho nyapepata kando. 10 Mwivi apecha na cheiva, iagha na imarijaa. Ngalecha vapate ichiha kabisa. 11 Inyi mwombie mcha. Mwombie mcha nye cheifuna ngoo yake ko kitevi kya mamondo. 12 Mrunda ajiriwa, chi mwombiapo, nacho mamondo vake po, kaona masui vecha nyapetia mamondo. 13 Namasui vapevada na ivataghanya. Nyapedicha am mundu Olipwa aperogwa mamondo. 14 Inyi mwombia mcha, na ngaichi waja vakwa navo vakwa vangichi inyi. 15 Papa nyangichi, nainyi ngamwichi, nainyi ngapefuna ngo yakwa kilevi kya mamondo. 16 Nangaode mamondo vengi valakeri vya kitigha kigwai. Navo nangapevaende navo wape ichwa iruu jakwa vave na kundi jinu na mwombia nyumu. 17 Iki nyikyo maana Papa angikundye: Ngifune ngoo yakwa na ade ngiluke kavi. 18 Kwode aperia kokwa po, kake inyi ngapefuna ngimonyi. Ngode oru lo funa na ngode oru lo urigha. Ngaleadija oru ifumako Papa.'' 19 Kukafumia malekano va Wayahudi ko kitevi kya shidedo shavo. 20 Vafoje vavo vakadeda, ''Nyode ijeni na vyo sui. Ngiki mke naandanya?'' 21 Vengi vakadeda, ''Ishi shidedo shamndu aghodwa majenipo. Igeni jipedima rugwa meso mndu alaoni?'' 22 Nyiho andu ilecha yevikya mbora Yerusalemu. 23 Kuvekeri ,mbehonyi, na Yesu nyekene avia hekalunyi ukumbinyi o Suleimani. 24 Nyiho Wayahudi walemtengeta na imbia, ''Aa nyindii upejifunia kisaro kokire igwe nyi Kristo, jivie loi. 25 Yesu kavavia, ''Ngalemevavienyi kake mleaminipo. Uya ungake na uta ko rina ja Papa okwa shose isho shikenangi shuhudia inyi. 26 Hata kudo mpengiamini am mamondo vakwa po. 27 Mamondo vakwa vaichi iru jakwa; Ngavaichi navo vangiichi inyi. 28 Ngalevaningenyi moo ndarasi; Mpesia too po, na kuode nama noumu apefuma kuokonyi kokwapo. 29 Papa cha, alenginenga ivo nyi mduekuli vengi vose. 30 Inyi ndianutu umu.'' 31 Vairia mangho vamlase kavi. 32 Yesu kavavia, ''Ngalemevalora uya mcha ifuma ko Papa. Nyi uya mnashigha andumpe ngilasa na magho?'' 33 Wayahudi vakamjibu, ''Jipekukava na magho po ko uya ose mcha, ko utukufu, am igwe mndu, nyukenaitoliki ke Makilunga.'' 34 Yesu kavajibu, ''Ilereghwa ipo sherie nyi yanu, ''Ngaleamba iywe nyiMakilunga'''?'' 35 Chakire alevadikira Makilunga, ko vaja voode kidedo kya Makilunga ngalevacheja (na mandiko vapedimafunjwa), 36 Mpededa uye ya uja Papa alemduma Orikenyi, mnakufuru, ko kitevi ngaleam, ' Inyi Mwana o Makilunga'? 37 Kokira ngalakine uta uya o Papa mlangianuni. 38 Hata kudo, ikava ngane siuta, hata chakra mlapengiamini, siamininyi mdime manya na imanya kee Papa nyakeri numbenyi kokwa nainyi ngakevi numbenyi ko Papa.'' 39 Vakangheresha kavi imwada Yesu, kake nyalendambuka ifuma mokonyi vavo. 40 Yesu kandambuka ngaliko ya Yondani sehem ya ya Yohana akeri ebatiza na idamia ipo. 41 Vandu vengi vakacha ko Yesu. Valeendelea deda, ''Yohana loi aleuta ishara yoyosepo, lakini shindo shose nyaleshideda Yohana uye ya mundu chu nya loi.'' 42 Vandu vafoje vakamwamini Yesu iho.