Mbwana 9

1 Masaa, Yesu andueneida, alemuuona mndu alacheona kufuma lonika jake. 2 Vakulosho vake vakamvesera, ''Rabi, nyiunga aleuta sambii, mndu ichu ana vashari veke, ata naonike alaone?'' 3 Yesu kavatalwa, ''Chivandupo nana vashari vakepo, valeuta sambi, ila ushao o Makilunga ili shionekane iidya kwake. 4 Jinetakiwa erunda wia wake icho alengiduma masaa bado nyi msanyinyi. Kio vapecha masaa vasa kode apedimapo erundo wia. 5 Masaa ngakeri ulimwengunyi, inyi kilangalo kya ulimengu.'' 6 Andu Yesu alededa shi ishi, kapicha wanda, katobira udoko ko mada. 7 Akambia, dambuka nelesamba katika kisima kya Siloam (inetambalujwa cha ' Mdumwa').'' Kaikyo mndu aledambuka, kanawa, na akauya aneona. 8 Vamrasa va mundu na vaja valemwona kuvoka cha mterevi valeamba, ke! iu nyi uja mundu avekeri edamya na iteveva?'' Vengi valeamba, ''Nyinyi.'' 9 Na wengie walisema, ''Hapana, bali anafanana naye.'' Lakini alikuwa akisema, ''Ni mimi.'' 10 Vakambia, ''Sasa meso vapo veperughujwa?'' 11 Kamtalwa, achedikirwa Yesu aletobira odoko na ishia mese valava na ingivia, ''Dambuka Siloam undenawa.' Koikyo ngaledambuka,nganawa, na ngapata iona kari.'' 12 Vakambia, ''Kuku akeri?'' Kamtalwa, ''Ngaichipo.'' 13 Vakamdamada mndu uja alemeva kipofu ko Mafarisayo. 14 Naiyo ivekeri mfuri ya Sabato andu Yesu etobiraudoko na ivarugwa meso vake. 15 Nyiho kavi Mafarisayo vakamvesera nyale ona kuda. Akavavia, ''Alevikya udoko katika meso vakwa, nganawa, lwaha nganedima iona.'' 16 Baadhi ya Mafarisayo vakaamba, ''Mdu ichu amefuma ko Makilunga amu aneada Sabato.'' Vengi valeamba, ''Mpedimakuda mundu aode sambi auta ishira cha iso?'' Kaikyo kukava na mvavukano kati yavo. 17 Nyiho vakamvesera uja kipofu kavi, ''Uneambakuda uye yake kilare nyalerugwa meso vapo?'' Kipofu katakwa, ''Nyinabii.'' 18 Hata masaa iva Wayahudi velemanya kee avekeri kipofu na cho nyaona mpaka vakadikirwa vafee vake ocho aleona. 19 Velevadikira vafee, ke, ichu nyi mwananu mkeneamba nyekeri kipofu? Nadima kuda iona?'' 20 Kudo vafee vake vakatalwa, ''Najiichi ke ichu mwana odu na nyeke aleoni ka kipofu. 21 Kakitevi kiki lwaha aneana, jichipo, naicho alemrugwa meso vake jimwichipo, mveserenyi icho. Nyi mundu msima. Apedima ideda amonyi.'' 22 Vafee vake valeamba shido shi, kee nyalevaogwa Wayahudi. Ke Wayahudi vekeri vemepatana tayari ivi, ikava yeyose apeamba Yesu nyi Kristo, apederwa kuacha na sinagogi. 23 Kokitevi iki vafee vake, valeamba, ''Nyi mundu msima, mreserenyi icho.'' 24 koikyo nyi mara ya kavi, valemdikira mundu alemeva kipofu na immbia, ''Mnenge Makilunga uwele. Jiichi ke mundu ichu nyaode sambi.'' 25 Nyiho mundu katalwa, ''Navenyaode sambi, inyi ngaichipo. Kindo kimu ngalelamanya: ngavekeri kipofu, lwaha nganeona.'' 26 Nyihi vakamria, ''Ngikyo akutya? Karugwa meso vapo?'' 27 Kamtalwa, ''Ngamevavia tayari, na inywe moadanyapo! Ngiki muuri ichwa kavi? Nainyemuuri iva valosho vake pia lando? 28 Valemdenga na amba, ''Igwe nyi mkilosho wake, kake ise nyi valailosho va Musa. 29 Jiichi ke Makilunga alededa na Musa, kake komundu ichu jimuri chipo afumapo.'' 30 Mundun uja katalwa na immbia, ''Ngiki iki, kindokyeing'aso, andu anefuma, na akarugwa meso vakwa. 31 Jiichi kee Makilunga apevaadanyapo vaide sambi, kake ikava mundu oose ane mtereva Makilunga naita okundo lwake Makilunga apemwadanya. 32 Fuma iighoka ko orika valemeone ndarasi iichwa kee yeyose arughujwa meso vamundu aleonika kipofu. 33 Ikava mundu ichu alefumapo ko Makilunga, auta shese.'' 34 Valetalwa neimbia, ''Nyuleonika katika unyamari sana naigwe unajilosha ise?'' Nyiho vakamdichira ifuma sinagogi. 35 Yesu kaichwa vamemfuna sinagoginyi . Nyale mvadya neimbia, ''Nyune mwani mwana o mundu?'' 36 Nyaletalwa na lyamba, ''Nyunga, Ndumi, ili nainyi ngipateiamini?'' 37 Yesu kammbia, ''Umemuona icho unamdedya nacho nyicho.'' 38 Mundu uja kaamba, ''Mndumi, ngaichi.'' Nyiho kamtereshe. 39 Yesu akaamba, ''Ko hulamu ngalaha katika orika ichu kevajavalaneona vaone na vaja vaneona vake vipofu.'' 40 Vaitale va Mafarisayo vekeri anduamu vakaichwa shidedo idho na imvesera, uri naise lwaha nyi shipofu.'' 41 Yesu kammbia, ''Kemrekeri shipofu, mvepona sambipo. Hata kudo, luha mneamba, 'Jieona sambi sanu sine damya.'''