1 Luvaha kabla ya ndima ya pasaka, ko kikeri Yesu nyalemanya saa yake imeshika ade apefuma katika orika nyelevakunda imanyika. 2 Na ishetani jivekeri nacho nyevekeri aderijwa tayari katika ngoo ya Yuda Iskariyote, mwana o Simoni, velemrufuja Yesu. 3 Yesu nyelemanya ke ndiye nyeledera shindo shose moko vake nake nyelefuma ko Makilunga na nyevekeri akedambuka kavi ko Makulunga. 4 Nyelekurije kandonyi aharagwauda ya nja ade aleiria taulo kakupunga amonye. 5 Ade kavikya mringa bakuli na kaaza isanja madende vakuloshwa wake vakamvadia na taulo iya ekupungee nayombii. 6 Kacha ko Simoni Petro, na Petro akavavia, ''Mndumi, nyokishingwa madende vakya?'' 7 Yesu kamtalwa na imbia, ''Ikyo ngaketa kipemanyikapo, kake upemanya ade.'' 8 Petro kambia, ''Upengisanja madende vakwa po.''Yesu amtalwa, ''Koje ngalekusanya, upeva kufui na njia po.'' 9 Simoni Petro kavavia, ''Mndumi, ulangisanje madende na maoko na mdo okya.'' 10 Yesu kambia, ''Wowose uja amesamba anyarye isamba sepo ila madende vake, nyeva mcha osese lwake lose; inywemovanecha, kake sivosep.'' 11 Ko ikyo Yesu nyelumanya ambemnga iki njikyo kitevi aleamba; chi ngengeri jicha.'' 12 Wakati Yesu avekeri amesanja madende vavo ade kairia aguvo sake adamiya kavi, kavavia, ''Ke Muichi kija ngelemuutienyi? 13 Mongikana inyi ''Mwalimu'' na Mndumi iu mnadeda loi, kitevi kudo ngakeri. 14 ikava inyi Mndumi na mwalimu, ngelevasanja mdende vanu, inywe kavi kiveinyatye mvasanje madende vamogho. 15 Kokije ngelemnengenyi mfano kitevi muute chakundu ngeleuta kwanu. 16 Dikija, dikija, ngakawavia, mdumwa chi mdue kuliko mndumi wake; naama chauja modumwa nji mdue kuliko uja amduma. 17 Koje uichi shidedo hisho nyotarama ko uta. 18 Ngapedima ideda kwanu ko kija ngavaichi vaja am ngelewasambura kake ngakededa ishi shiandikwa shimishwe: 'Uja akegheja mkate okwa nyelekiteshwa tutunu yake.' 19 Nangembienyi iki kabla kilamo fumwa ade kikafumwa momanyike inyi NCHO. 20 '''Dikija, dikija, ngakevavia, angiadija nyi ngechewadija waja ngechewaduma, na uja achengiadija na inyi ngeche mwadija uja achengiduma inyi.'' 21 Iyandu aliamba kudi nyenevinika goonyi nyalededia kaamba, ''Dikija, dikija, um wamu apengiagha.'' 22 Vakuloshwa vake vakalambwana, wakarijwa ko kitevi nyuunga alededia. 23 Kuode meza, im ya mkiloshwa wake nyaleramia kipumbunyi ko Yesu uja mvichwa Yesu nyalemkunda. 24 Simoni Petro nyalembesera mkiloshwa na ideda, jivie nyunga mvichwa anadede.'' 25 Mkiloshwa uja eramie kipuvinyi ko Yesu na akambia, ''Mndumi, ngikyo?'' 26 Ade Yesu nyaletalwa, ''Nyi ko uja ngalochwa kibenju cha mkate na mnengia.'' Nji kudo emelonja mkate, kamnenga Yuda mwana o Simoni Iskariote. 27 Iyo baada ya mkate, shetani yalemwafuja. Ade Yesu ambia, ''Kija kinyarie ikiuta ikiuta movinyi.'' 28 Luvaa kuode mndu katika meza aichi kilevi kya Yesu ideda kidedo ikyo. 29 Vaja vavo veleeta ke kokitevi, kya Yuda aleada mfuko ela, Yesu nyaembia, '''Ura shindo shiinyaree, ''Ko kitevi kya ndima ana nyanyirie ifuna ko vakiva. 30 Iyoo Yuda jiadija mkate, nyalefuma nja movinyi; kivekeri kio. 31 Kyeri Yuda alekure, Yesu kaamba, ''Lwa mwana o Adamu nalereshwa, na Makilunga natereshwa katika icho. 32 Makilunga itereshwa icho amonyi napetereshwa movinyi. 33 Vana vanina, ngakeri kufui navo mpengishinga na chakundu alevavia Wayahudi, ''Ipo andu ngakenaenda; lwa ngavaviinyi. 34 Ngapemningenyi amri njea, mkundane; chakundu inywe ngavakundenyi, kudokudo nainywe mweenyaree ikundana ikundanainywe ko inywe. 35 Ko kilevi iji vandu wapemanyana vakuloshwa vakwa, koje mode olukundo ko kila um na ungi.'' 36 Simoni Petro nyalembia, ''Mndumi, nguku ekenaenda?'' Yesu kamtalwa, ''Iyo andu ukenaenda kolwaa, pedima ngivadiapo kake upengishigha ade.'' 37 Petro kambia, ''Mndumi, ko ngiki ngikuvadee atalwaa? Inyi ngapefuna maisha kyapo.'' 38 Yesu kamtalwa, ''Nji loi upefuna maisha vapo ko kitevi kyaka? Dikija dikija ngavavienyi, olongoni lupededa unangikana mara siradu.''