Mbwana ya 4

1 Unangwa na olodo gholosi yanu nguku shinafuma? Shikedoja ifuma tamaenyi sanu sivichwa sikanaende shida kati yavashirika vanu? 2 Mkenakunda kija mlakiode. Mkenaagha naikambira kija mlape nakyo. Mkena kavana na iloghia na bado mmepatapo am hamwe mke tereva Makilunga. 3 Mketereva na mmadija kokitevi mketereko shindo shivichwa, ili mdime ishitumia ko mbichwa ko ifudajanu jivichwa. 4 Enywe vasinga! Na mwichi kee inywe mkeri mong'o na orika nyi oMakilunga? Ko ikyo ichoose amua iva mongo o orika nyakufuma amonyi ko Makilunga. 5 Ana mnakusara ke maandiko valaode mana chakundu vecheambake momwele nyalederwa kodu nyode wifu mnu ko kilevi kyedu? 6 Kake Makilunga nyefuna mbora mnu uyikyo maana kidedo kichededa, "Makilunga nyemlegha uja aode kisununu, kake nyemnenga mbora uja ache mlereva." 7 Kudo mwadanye Makilunga. Mleghenyi mokituva na cho apedicha ifuma kwanu. 8 Serienyi kufui na Makilunga, nacho ape serijenyi kufui na inywe. Sanjenyi moko vanu inywe mwode sambi, takasenyi ngoo sanu inywe mwode njia ivi. 9 Usunikenyi, ombolesenyi, na ifugha! Ghalusenyi seko yanu ive husuni na iseka janu jive husuni na ivorokya janu jive maombeleso. 10 Jinyenyekezeni muvenyi mbele sa Mndumi, na apevateshwenyi uye. 11 Na mladediane kinyume inyweko inywe vandu vam. Mndu kadeda kinyume na mnduanu ana kompunga munduanu, nyotenda kinyume na sheria na sheria nyoihukum sheria ya Makilunga. Mkaihukumu sheria moikunda sheriapo ila moihukumu. 12 Nyumutu achefuna sheria na hakimu, Makilunga incho nyicho aode oru lo jikira na ijiangami igwe nyunga upedima hukumu jirani yapo? 13 Adanyenyi, inywe mchideda, "Inu ana ngama jipedambuka murinyi incho, na jipedamia mwaka ipo na jipefanya imasa na jitebera omaso." 14 Nyunga aichi ngikwo kipefuma ngama na maisha vanu ngikwo? Ko kilevi mfanani na marundi vapefumia kigheri kifui, nakigheri kifui vadekya. 15 Ngata jipeamba, "olukundo lo Papa, jipedanile na jipeuta iki anakija." 16 Kake luaha mkenajidai uye yanu. Majidai vanu vose uvichwa. 17 Ko ikyo, ko uja aichi uta kiorokye kake apeutapo ko mndu icho nyi sambi.