1 Njonyi lwaha inywe mshiode fughenyi ko iru ya uyeko kitevi kya tabu inacha uye yandu. 2 Uwoda wanu umeya marwa na inguva sanu simedafunwa na shidudu shinyamari. 3 Dhahabu sanu na hela sanu siode thamani po na unyamari upeonwa dhidi anu osese lwanu ko modo. Mojiderya hazina yanu kata furi sa ndarasi. 4 Lambwenyi, malipo ya veuta uya vaja ambao mme-walipa po ko kando katika mideyanu - vanafugha! Klio kya vajavelesambwa kando kyavo kya vaichwa madunyi ya Mndumi oMajeshi. 5 Modamya ko anasa orikenyi ne dodwa inywe mvenyi mokunuhya ko ngonyi yanu ko furi ye shinjwa. 6 Mo mwinyari ne mbwagha aode woi aladime iva agha. 7 Kokyo rimijeni mnduodu mpaka icheja ja Mndumi cha mkidema evedeja kando kya thamani ifuma katika orika evedeja irimijya kokitevi kyake mpaka mbua ya kuvoka sija sa ndarasi sikava. 8 Kavi inywe mve mnarimija kasenyi ngoo sanu ko kitevi icha jake Mndumi nyi kufui. 9 Mnduodu, mlanung'une inywe ko inywe kitevi mlache hukumiw lambwa hakimu anaimkana mongo. 10 Ko mfano, lambwenyi, iteso ne rimija ko namanabii velededa ko rina ja Mndumi. 11 Lambwa javadikira vaja vaode irimija, "keba." Mo adanya irimija ja Ayubu, na mwichi kusudi ja Mndumi kokitevi kinga Mndumi aichurye na ucha. 12 Zaidi ya shose, vandu odu mlaje mma, aidha ko ruveu ana ko orika ana mma ungi. Bali hebu "ee" yanu imanishe "ee" ana wai yanu imaanishe "wai" ili e mlachegwa ngwanda ya hukumu. 13 Kode yoyose miongonyi mwamu anavikwa uvichwa? Lazima naterevya. Je, mndu yo yose lazima na changamke? Neimba sifa. 14 Kode yoyose miongoni mwanu aode nduari? Na vadikire vasuri vakanisa navo vasuri va kanisa vaterevye uye yake, vemshia mafuda kori na Mndumi, 15 na iterevya ko imani vape mchiva nduari na Mndumi ape mteshwa. Nake apeva ame uta sambi. Makilunga ape msamehe. 16 Ko kyo terevenyi sambi sanu inywe ko inywe, ne mterevya kila umu na ungi, ili mdime chirwa. Iterevya ja mndu aode loi sipeshaa matokeo madue. 17 Elia evekeri mndu aode isia cha sedu eleterevya ko juhudi ke mbua ilakavi, na ilekava, po katika orika lo kigheri kya miaka iradu na mieri sita. 18 Elia katerevya kavi ruveu silebuswa mbua uye ya orika na orika lukafuna kyeja. 19 Vandu vedu, yoyose mionyi mwedu anafumya ko uloi, kake mndu ungi kamsisa, 20 ena manye e yeyose ape mwongora ungi sambi ne kure katika njia sake se chirwa ngonyi yake ifuma katika kipa apeshikijwa ko ufoje o sambi.