Mbwana ya 3

1 Wana wa wana, chi wose mpewa waloshi, umichi jipewadija hukumu ndue. Ko - iki jichidekwa ko njia sifoje. 2 Ko - icho ose ekawa mtulia ko shidedo shake, icho nyi mndu akeri necha, apedima iitori osese lwake lose. 3 Koja jipedima wikya lijamusa lijamu sa farasi ndumbunyi kwawo sikaada nganyi jikadima ighalusa njosese sawo. 4 Manya ke meli, kimbi nyi ndwe nyetindikwa na mkuma, nyesongorwa na usukani mnina ienda ko - kose nahodha awuri 5 Na kudo- kudo, olumi nyi kilungo kinina kya osese, kake ikwita ko udue mnu. Lambwa msudu mdue chanchu upeaswa na sheshe ya modo! 6 Olumi nyi modo, nyi orika lo unyamari, nyiudenjwa uwenyiwenyi ko shilungo sha njosese sedu, iwo wechafua osese na idera wuye ya modo njia ya maisha, na wenyi ikorwa modo ko warimu. 7 Ko nyamandu sa msudinyi, ndeghe, shijabumuka na shiumbe sha olbalibanyi shiumbe shikairotiwa na wanadamu. 8 kake kode mwanadamu nama umu pedima iiroti olumi, nyi unyamari ulapedima, damia mji uchurie uroi ukarije. 9 Ko - olumi jemwala Mndumi na Papa odu, na ko - icho jawadeja ng'oki wandu welenundwa ko mfano Ruvwa. 10 Ko - dumbu ijo - ijo jeamba shidedo sha mbora na sha ng'oki. Wana wa wana shindo shi shiweda po. 11 Ale, kisima kimu kipedima funa mringa ilodie na usakije? 12 Wana wa wama, Ale, kidi kya kidinyi na kipedima kishae matunda wa mizeituni, ana mzabibu upeshaa matunda wa kidinyi? Nama chemchemi ya mringa o monyo upefuma mringa ulaode monyo. 13 Nyi ngacho inywe mvwenyi aode uwaria na imanya? Keda mndu cho nalore maisha mecha wuyenyi kwake na imfurighia na uwaria. 14 Kake koja muode kiriso na ifuda ikukunda ngoonyi kwanu, mlaimate na ideda shindo sha wongo ikana uloi. 15 Iki chi uwaria uja osoka ifuma wuye, kake nyi sha orika, chisha ngoo nyi sha kijini. 16 Ko- iko andu kuode kiriso na ikukunda kukeri, kuode mtalasano na shindo sha unyamari 17 Kake uwaria uchifuma wuye kuwoka nyi safi, ikunda amani, uolom, okundo uichurie mbora na ndunda chicha ikuncia wandu waitale na loi. 18 Na ndunda ya haki yewajwa makidi ko waja wenarunda shindo sha amani.